الموضوع: لانسر - صنى - سيراتو - بولو سيدان - سبلندور

المشاركة الأصلية كتبت بواسطة justs

ردا على المشاركتين السابقتين ..........
مبدأيا أنا مش عاقد مقارنة ما بين النيو سيراتو والمازدا3 لن مفيش مجال نقارنهم ببعض ، ولكن أنا سالت السؤال اللي فات لأن منطقي الناس ترد الرد البديهي ويقوله مازدا 3 بدون نقاش ، لكن للاسف مفيش غير الجدال والدفاع حتى لو عن باطل صريح ،
طيب ليه انا قلت نيو سيراتو او مازدا3 بالذات ـ لسببين ـ الأول : أني شايف ان المازدا3 أحسن عربية ياباني في السوق هي والسيفيك ، وده مش رأيي لوحدي ولكن رأي ناس كتير قوي ، والسبب التاني أن العربية مفيهاش علطة الناس تتلكك بيها ويجادلو على الفاضي ، ومع ذلك بردو هرد على الحجه الواهية اللي الناس لقيتها وهي موضوع التوكيل ،
- أولا : العربية منتشرة بصورة واضحة ، بس الأنتشار اللي ميزهقش الناس منها ، وأكيد الناس اللي راكبة العربية بتعملها صيانة وبتجيبلها قطع غيار ، ولا انتو شايفين أنهم بيرمو العربية بعد ما يشتروها ويستخدموها شوية ؟
ثانيا : أنا معاكم أن غبور مش مهتم بالعربية ، بس ده زي ماهو سلبي في ظاهره ولكن ايجابي في باطنه ، ازاي ؟ عدم اهتمام التوكيل بالعربية نتج عنه مزايا يمكن متلقيهاش في العربيات التانية ، وهي
1 - وجود أكتر من مستورد رئيسي وله مراكز خدمة وصيانة وقطع غيار وكل حاجه زي سونستا وسمارت كار
2 - وجود مراكز خدمة متعددة ومتخصصة في لعربية زي يس وغيره
3 - وجود محلات قطع غيار متخصصة في المازدا في شارع دمشق والحرفيين وغيرهم
4 - سعرها يعتبر احسن سعر عربية ياباني بهذه المواصفات والكماليات والكفائة المؤكده من تجارب الكثيرين ، والا كنت هتلاقي تمنها معدي ال 170000

يبقى صيانتها موجودة ومتعددة وكمان قطع الغيار ، واللي بيقول مش موجودة يبقى بيفتي من غير احاطة بما يتحدث عنه ومجرد سمع من الناس اللي ممكن كلامهم جاي من اول ما نزلت العربية وقبل ما تنتشر وتتوفر خداماتها زي دلوقتي ،
وغير كده ، نفسي اعرف ايه اللي بتستفيده من التوكيل وانت كل حاجه بتدفع تمنها عادي وكمان اغلى من اي مكان ، ومعظم اللي بيشرو عربياتهم حتى من التوكيل ، مبيرحوش التوكيل اصلا وبيعمله صيانتهم بره التوكيل ، والكل عارف كده ، يبقى يا فرحتى بالتوكيل !!!!!
يبقى اروح اشتري عربية بلاستك وموتورها اخره سنتين تلاتة ب 125000 عشان التوكيل وهي العربية اصلا اخرها التسعينات ، وتقولي أحسن من المازدا3 اللي برقبتها عشان التوكيل ، مش عارف بتتضحكو على نفسكم ولا على الناس ،

وفي النهاية اقدم خالص اعتذاري للمازدا3 والسيفيك ولملاكهم لأني ذكرتهم في نفس الحوار مع عربية زي الكيا سيراتو !!!!

كل الناس اللي ردت على سؤالك ردت بكل احترام و ذوق, و سعادتك رديت رد مستفز جداا, و طلعت الناس بتفتي و كلام من ده, هي الموضه الجديده ان اي حد بيقول فلان "بيفتي" ولا ايه؟؟؟!!!!!

كان ممكن ترد بشكل أفضل و موضوعي أكتر من كده عشان متغلطش في حد لأن مفيش حد اتكلم بشكل شخصي ولا خص حد بالكلام, و لو في حد اتكلم فبيتكلم أو بيرد عن تجربة, و مش لازم تشتري العربية عشان تاخد كل المعلومات اللي تلزمك عن أي عربية و تعرف قطع غيارها موجوده ولا لأ....!!!

قلت العربية محترمة بس ملهاش توكيل, معيبتش في العربية ولا قلت دي اي كلام.. و الحقيقة ان ملهاش توكيل.!!! فين الغلط في كلامي او في العربية, كون ان ملهاش توكيل ميعبش العربية كعربية, لكن عشان تشتريها بتكون في حسابات تانية, و بعدين ظاهرة التصليح خارج التوكيل احنا بنتميز بيها جداا, عشان لو كل واحد اشتغل في مجاله و في اللي فاهم فيه ماكنتش البلد خربت...!!!

و بمناسبة الفتي والكلام ده... عرفت منين ان موتور العربية بيعد سنتين و بيتقلب؟!؟!؟!!!!!

كل اللي يتكلم عن السيراتو يقولك بلاستيك في بلاستيك!!!!!! طيب ما الالنترا بتنزل بلاستيك بردو و الناس طايرة بيها و السيراتو القديمة كانت جودة تقفيلها أعلى بكتييير, و بردو الناس بتقطع في السيراتو و مش عاجباهم..!!! ليه يا ترى؟؟؟

راجع المشاركة بتاعتي اللي انت رديت عليها بعد ما قرأت أول سطر فيها تقريبا لأن الواضح من ردك انك مقرأتش أصلا اللي كتبته في مشاركتي و انت تفهم..!!!

و يا سيدي ملاك السيراتو ولاد الجنايني و ملاك السيفيك و المازدا هما اصحاب القصر, ولا تزعل نفسك و تعتذر للناس عشان جبت سيرتهم معانا... شكراا لذوق حضرتك جدااا

انا بس حابب ارد على الكلام الى انا شايفه والهجوم الى واضح على السيراتو
حضرتك شوف الموضوع الى انا حطيته النهارده عن وزن العربيه دى ووزن المازدا 3 او الاوكتافيا او اى عربيه فى مصر
المازدا 3 عربيه شكلها حلو وبس شوف الموتور بتاعها كام حصان
يا باشا انا ما انساش مره كنت راكبها وكان ماشى جمبنا كورولا 1300 وصاحبها قريبى شادد على الاخر و بتاع الكورولا ولا فى دماغه ولما بتاع الكورولا حس انه صاحبى عايز يعديه داس و ما شفنهاش
روح على مواقع الخليج و شوف راى الناس فى المازدا 3 شوف رايهم فى العريبات الكورى الانترا والسيراتو
شوف فى سوريا او الاردن او عمان ماركه الكيا عامله ازاى هناك ؟
انا قريبى الى معاه المازدا اول ما نزلت الانترا و كنت بقوله عليها قالى الانترا ايه وقرف ايه ؟ دلوقتى عايز يشوف بيعة ليها ومش لاقى بسعر كويس عشان يجيب الانترا بعد ما ركبها وحس بفرق
انا بتكلم عن وقائع وحاجات بتحصل ادامى
هو احنا الشعب المصرى كده
والله لو اتعملت عربيه صينى و اتسعرت من الصبح ب 200 الف جنيه هتبقى احسن عربيه فى الدنيا
من الاخر بنحب المنظره وكل واحد عايز يبقى احسن من التانى وخلاص
احنا كلنا عارفين الكلام ده
وكمان الراجل صاحب الموضوع ما طلبش سؤال الناس عن المازدا 3
فانا برشحله افضل اختيار فى الى حطهم النيو سيراتو وبالتوفيق

المشاركة الأصلية كتبت بواسطة ghazy12

و يا سيدي ملاك السيراتو ولاد الجنايني و ملاك السيفيك و المازدا هما اصحاب القصر, ولا تزعل نفسك و تعتذر للناس عشان جبت سيرتهم معانا... شكراا لذوق حضرتك جدااا

مالوش لازمه كلام حضرتك ده يا غازى باشا

وعلى فكره انت حد محترم اوى ومثقف جداا وصاحب راى وفكر عالى
منور يا باشا

المشاركة الأصلية كتبت بواسطة ghazy12

كل الناس اللي ردت على سؤالك ردت بكل احترام و ذوق, و سعادتك رديت رد مستفز جداا, و طلعت الناس بتفتي و كلام من ده, هي الموضه الجديده ان اي حد بيقول فلان "بيفتي" ولا ايه؟؟؟!!!!!

كان ممكن ترد بشكل أفضل و موضوعي أكتر من كده عشان متغلطش في حد لأن مفيش حد اتكلم بشكل شخصي ولا خص حد بالكلام, و لو في حد اتكلم فبيتكلم أو بيرد عن تجربة, و مش لازم تشتري العربية عشان تاخد كل المعلومات اللي تلزمك عن أي عربية و تعرف قطع غيارها موجوده ولا لأ....!!!

قلت العربية محترمة بس ملهاش توكيل, معيبتش في العربية ولا قلت دي اي كلام.. و الحقيقة ان ملهاش توكيل.!!! فين الغلط في كلامي او في العربية, كون ان ملهاش توكيل ميعبش العربية كعربية, لكن عشان تشتريها بتكون في حسابات تانية, و بعدين ظاهرة التصليح خارج التوكيل احنا بنتميز بيها جداا, عشان لو كل واحد اشتغل في مجاله و في اللي فاهم فيه ماكنتش البلد خربت...!!!

و بمناسبة الفتي والكلام ده... عرفت منين ان موتور العربية بيعد سنتين و بيتقلب؟!؟!؟!!!!!

كل اللي يتكلم عن السيراتو يقولك بلاستيك في بلاستيك!!!!!! طيب ما الالنترا بتنزل بلاستيك بردو و الناس طايرة بيها و السيراتو القديمة كانت جودة تقفيلها أعلى بكتييير, و بردو الناس بتقطع في السيراتو و مش عاجباهم..!!! ليه يا ترى؟؟؟

راجع المشاركة بتاعتي اللي انت رديت عليها بعد ما قرأت أول سطر فيها تقريبا لأن الواضح من ردك انك مقرأتش أصلا اللي كتبته في مشاركتي و انت تفهم..!!!

و يا سيدي ملاك السيراتو ولاد الجنايني و ملاك السيفيك و المازدا هما اصحاب القصر, ولا تزعل نفسك و تعتذر للناس عشان جبت سيرتهم معانا... شكراا لذوق حضرتك جدااا

يا باشا انا مغلطش في حضرتك ، وأنا مش متعود اغلط في حد والحمد لله اعضاء كتير في المنتدى يعرفوني كويس ، وكنوني قلت بتفتي ده لنك قلت حاجه عكس الواقع ولو مزعلاك أنا بعتذرلك عنها ومحبش ابدا الموضوع ياخد شكل شخصي ، وربنا يباركلك في عربيتك ويسعدك بيها وكل اللي عاجبه حاجه يشتريها ، انا قلت وجهة نظري بالتفصيل في المشاركة اللي فاتت واللي شايفها منطقية ياخد بيها واللي مش شايفها منطقية برده هوه حر ـ المازدا 3 والسيفيك مش مشتنيين حد يتكلم عنهم أصلا بس ربنا يرزقنا ـ وبالنسبة للنقطة الخاصة بموتور السيراتو فانا قلت سنتين تلاتة مش فتي ولا مجرد هجوم ، ولكن أنا كنت امتلك سيارتين كوري وبتكلم عن تجربة ـ ولسة بايع عربيتي الكوري ، وان شاء الله عمري ما هشتري كوري تاني رغم انه سعره بيكون في متناول الغالبية وعشان كده بيدافعو عنه ـ بس ان شاء الله مش هعيد التجربة تاني ـ وربنا يكرم واجيب حاجة كويسة واريح دماغي .
وربنا يرزق الجميع بما يتمناه

المشاركة الأصلية كتبت بواسطة myr999

نيوسيراتو طبعا وازاى تقارن بينها وبين المازدا السيراتو برقبتها

ههههههههههههههههههههههههه ـ لو قعدت تقول كده ميت سنة ولا حد هيصدقك