لانسر - صنى - سيراتو - بولو سيدان - سبلندور

**ghazy12** · 01-05-2009 11:27 AM

المشاركة الأصلية كتبت بواسطة justs

يا باشا انا مغلطش في حضرتك ، وأنا مش متعود اغلط في حد والحمد لله اعضاء كتير في المنتدى يعرفوني كويس ، وكنوني قلت بتفتي ده لنك قلت حاجه عكس الواقع ولو مزعلاك أنا بعتذرلك عنها ومحبش ابدا الموضوع ياخد شكل شخصي ، وربنا يباركلك في عربيتك ويسعدك بيها وكل اللي عاجبه حاجه يشتريها ، انا قلت وجهة نظري بالتفصيل في المشاركة اللي فاتت واللي شايفها منطقية ياخد بيها واللي مش شايفها منطقية برده هوه حر ـ المازدا 3 والسيفيك مش مشتنيين حد يتكلم عنهم أصلا بس ربنا يرزقنا ـ وبالنسبة للنقطة الخاصة بموتور السيراتو فانا قلت سنتين تلاتة مش فتي ولا مجرد هجوم ، ولكن أنا كنت امتلك سيارتين كوري وبتكلم عن تجربة ـ ولسة بايع عربيتي الكوري ، وان شاء الله عمري ما هشتري كوري تاني رغم انه سعره بيكون في متناول الغالبية وعشان كده بيدافعو عنه ـ بس ان شاء الله مش هعيد التجربة تاني ـ وربنا يكرم واجيب حاجة كويسة واريح دماغي .
وربنا يرزق الجميع بما يتمناه

يا سعادة الباشا... الموضوع أكيد مش شخصي, بس رد حضرتك كان غريب في مقابل المشاركة بتاعتي.!!! أكيد المازدا و السيفيك عربيات ممتازة, و محدش قال غير كده, بس موتور الكوري بيعد سنتين او تلاتة و يتقلب..!! دي واسعة جداا لسبب واحد, انك لو معاك عربية صيني و حافظت على الموتور و اهتميت بيه, هيعد معاك زي مانت عايز... يعني الموضوع أولا و أخيرا موضوع اهتمام و انك تصون الموتور.... مش كوري و ألماني و ياباني...

شكرا على ذوقك انك وضحت الفكرة أكتر , مع ان مفيش مشكلة أكيد في أي حاجة, و انا و الحمد لله كل الناس عارفه ان انا مش متحيز لعربية عن التانية ولا عربيتي, بدليل انك هتلاقيني بقوول لناس كتيير يشترو عربية تانية خاالص غير السيراتو مع انها في المقارنة بتاعته, بس الموضوع مش عافية, الفكرة في احتياجات كل واحد من العربية و عليه يركب الأنسب.... انا مش متعصب لعربية و عمري ما كنت كده و كل الأعضاء في المنتدى عارفيين كده...

بحب اتناقش مع كل الناس عشان نتبادل الأفكار و وجهات النظر بكل احترام و هو ده دور المنتدى, و لازم كل واحد يكون متفتح عشان يتقبل الرأي الآخر لو مقنع و مبني على اساس عملي و موضوعي, مش بس القاعدة المشهورة ان الألماني أحسن و يليه الياباني و يليه الكوري........ وهاكذا

ممكن قوي يكون في عربية ياباني احسن من الألماني, و ممكن يكون فيه عربية كوري أفضل من الياباني.... لو فعلا فيه عربية كده نزعل؟؟!!!! ليه؟؟ انا مش بتكلم عن السيراتو خالص على فكره, كلامي بشكل عام

الحمد لله انا ركبت الألماني, و الياباني, و الكوري, و الأمريكي كمان

كان نفسي نتناقش و يتقنعني و بكل احترام هقولك (أنت صح و عندك حق) او انا اقنعك و تقوللي (عندك حق) ده كل الموضوع... و ربنا يباركلك في عربيتك يا باشا و احنا حبايب و مفيش اي مشكلة بينا, ولا ايه؟؟

و عموما الاختلاف في الرأي لا يفسد للود قضية, و طبعا رأيك يحترم

**Eng.Sameh** · 01-05-2009 03:41 PM

المشاركة الأصلية كتبت بواسطة Hosam_Optrawy

استاذ Justs
اولا الموضوع مش مستاهل ده كله
دى فى الاخر مجرد عربيات مش اكتر
وكل واحد بيقول وجهة نظره من منطلق تفكيره
وانا لما قلت انى افضل السيراتو عن المازدا ده مش عند وخلاص
ولا تعصب اعمى ولا بنضحك على نفسنا ولا على غيرنا
حضرتك شايف ان الرد المنطقى وبدون نقاش ان المازدا افضل
وانا قولتلك ايه السبب انى بافضل السيراتو حتى ولو كانوا بنفس السعر
وياريت حضرتك بقى اللى ترد على الاسئله دى وبأمانه
توكيل مازدا ولا توكيل كيا ؟؟؟؟
قطع غيار مازدا ولا قطع غيار كيا فى التوافر والسعر ؟؟؟
اعادة بيع المازدا ولا اعادة بيع الكيا ؟؟؟
كل واحد بيختار عربيته اللى هتلبيله احتياجاته
والعوامل اللى انا ذكرتها مهمه ان الواحد يحطها فى الحسبان لما ييجى يشترى
التوكيل واعادة البيع وقطع الغيار
عشان كدا مازدا فى مصر صفقه فاشله
يا اما تجيبها وتتقبل كل الخسائر دى
التوكيل طبعا حاجه مهمه واكيد بنعمل فيه الصيانه مش مجرد ديكور
قليل اللى بشترى عربيه زيرو بالمبلغ ده ويعمل الصيانه بره
يا اما يشترى خليجى بقى اوفرله
وبالنسبه للموتور الكورى اللى حضرتك بتقول سنتين تلاته ويتقلب
اسمح لى ده بعيد تماما عن الواقع
ده من احدث المواتير اللى نازله
ده ياراجل اللانوس موتورها مبيتقلبش بعد 200 الف
الموتور اللى التكنولوجيا بتاعته قديمه من 10 سنين
يبقى ازاى الكلام اللى حضرتك بتقوله ده
وعلى فكره انا مش متحيز للكورى عشان انا اخرى الكورى ومعييش اركب يابانى
لأ الحمد لله اسرتى نمتلك لانسر وميجان وغيره
وفى اعضاء كتير معاها تمن اليابانى وبتركب كورى
عشان هما شايفين ان احتيجاتهم فيه
مش تحيز ولا عشان معهمش تمن اليابانى
واخير النيو سيراتو تتميز عن المازدا فى الاتى :
كماليات اكتر وكمان بسعر اقل
الموتور اللى حضرتك بتقول عليه سنتين واقلب موتور اقوى 124 حصان يفرم المازدا
توكيل افضل واعادة بيع افضل وتوفر قطع غيار
شكل احلى
وتحياتى ليك

ردا على أسئلة حضرتك ...
توكيل مازدا ولا توكيل كيا ؟؟؟؟
توكيل كيا أفضل ... ده لو أنا هشتري من التوكيل
قطع غيار مازدا ولا قطع غيار كيا فى التوافر والسعر ؟؟؟
قطع غيار الكيا على فكره مش رخيصة على حد علمي لكنها ارخص من مازدا طبعا ولكنده في الظاهر .. لأن قطعة غيار المازدا هتعيش قد الكيا ثلاث مرات .ز فهتلاقي في الآخر ان قطع غيار المازدا ارخص وكمان وفرت مصنعية التركيب .
اعادة بيع المازدا ولا اعادة بيع الكيا ؟؟؟
الكيا القديمة كانت بتتباع اسهل عشان رخيصة ، ومعرفش طبعا اعادة البيع للجديدة عاملة ازاي ، ولكن رأيي الشخصي انها هتخسر كتير لأنها اصلا سعرها الزيرو اكتر من قيمتها ، وبالنسبة للمازدا اعادة بيعها حاليا جيدة ( ليست ممتازة وليست سيئة ) لكن انا واحد من الناس لما بفكر اجيب مازدا ده عشان انا عاوز عربية تعيش معايا وتكون معمرة عشان كدة فكرت في مازدا ولو بعتها بعد 5 سنين او اكتر هتلاقي كل العربيات خسارتها النسبية واحدة بالنسبة لسعر الشراء ، لكن في الكوري ومش تحيز والله ولكن دي قاعدة معروفة انها عربيات مش بتعيش كتير وبالتالي لازم يكون من اولوياتك اعادة البيع واللي اشك انها تكون جيدة في الكيا الجديدة .
وتعليقا على بعض ما تفضلت به في مشاركتك ، الجزئية اللي بتقول فيها ان المازدا صفقة فاشلة ، لو صفقة فاشلة مكانتش انتشرت النتشار ده ومحدش سألته عن العربية سواء تاجر او راكبها او حتى صنايعي اشتغل فيها غير وقالي فوق الممتازة ( بي ام ياباني ـ مقولة مشهورة عن مازدا3 ) ، والنقطة التانية اللي بتقول فيها ان اسيراتو كمالياتها اكتر ، ده مش صحيح وراجع كماليات مازدا3 اعلى فئة وسيراتو اعلى فئة ، وحتة انها ارخص فدة طبيعي للفرق الكبير في الجودة والعمر الفتراضي اللي هوه اكبر بكتير من فرق السعر ، ونقطة انك تجيب الكوري عشان ده اخرك ، انا مقدرش اقول كده يا باشا وربنا يزيدك ويزيد الكل وأنا اقلكم ومقلتش اني راجل ثري ، بالعكس انا فلوسي تعبان فيها وكلها من شغلي مش واخدها من بابا وعشان كده بتحرى الدقة في اني احطها في عربية تستحق الفلوس دي ويمكن دي من اهم النقط في استنكاري للكيا لأنها من وجهة نظري لا تستحق على الطلاق هذا السعر ،

ونقطة الموتور ، اعتقد ده رأي الجماع ان مواتير الياباني معمرة عى عكس الكوري مش وجهة نظري لوحدي ، واخيرا نقطة ان شكل الكيا احلى فالمازدا مشهورة بشكلها الرائع واحلى بمراحل من الكيا الجديدة واحلى عربية في فتها وطبعا دي ازواق وليس فيها مجال للخلاف او النقاش ،

ده ري بكل أمانة مع العلم اني لسه مقدم على الشراء ومحدش غاصبني ان اشتري مازدا3 او غيرها،

وتقبل فائق تقدير وتحياتي

**Hosam_Optrawy** · 01-05-2009 06:27 PM

المشاركة الأصلية كتبت بواسطة justs

ردا على أسئلة حضرتك ...
توكيل مازدا ولا توكيل كيا ؟؟؟؟
توكيل كيا أفضل ... ده لو أنا هشتري من التوكيل
قطع غيار مازدا ولا قطع غيار كيا فى التوافر والسعر ؟؟؟
قطع غيار الكيا على فكره مش رخيصة على حد علمي لكنها ارخص من مازدا طبعا ولكنده في الظاهر .. لأن قطعة غيار المازدا هتعيش قد الكيا ثلاث مرات .ز فهتلاقي في الآخر ان قطع غيار المازدا ارخص وكمان وفرت مصنعية التركيب .
اعادة بيع المازدا ولا اعادة بيع الكيا ؟؟؟
الكيا القديمة كانت بتتباع اسهل عشان رخيصة ، ومعرفش طبعا اعادة البيع للجديدة عاملة ازاي ، ولكن رأيي الشخصي انها هتخسر كتير لأنها اصلا سعرها الزيرو اكتر من قيمتها ، وبالنسبة للمازدا اعادة بيعها حاليا جيدة ( ليست ممتازة وليست سيئة ) لكن انا واحد من الناس لما بفكر اجيب مازدا ده عشان انا عاوز عربية تعيش معايا وتكون معمرة عشان كدة فكرت في مازدا ولو بعتها بعد 5 سنين او اكتر هتلاقي كل العربيات خسارتها النسبية واحدة بالنسبة لسعر الشراء ، لكن في الكوري ومش تحيز والله ولكن دي قاعدة معروفة انها عربيات مش بتعيش كتير وبالتالي لازم يكون من اولوياتك اعادة البيع واللي اشك انها تكون جيدة في الكيا الجديدة .
وتعليقا على بعض ما تفضلت به في مشاركتك ، الجزئية اللي بتقول فيها ان المازدا صفقة فاشلة ، لو صفقة فاشلة مكانتش انتشرت النتشار ده ومحدش سألته عن العربية سواء تاجر او راكبها او حتى صنايعي اشتغل فيها غير وقالي فوق الممتازة ( بي ام ياباني ـ مقولة مشهورة عن مازدا3 ) ، والنقطة التانية اللي بتقول فيها ان اسيراتو كمالياتها اكتر ، ده مش صحيح وراجع كماليات مازدا3 اعلى فئة وسيراتو اعلى فئة ، وحتة انها ارخص فدة طبيعي للفرق الكبير في الجودة والعمر الفتراضي اللي هوه اكبر بكتير من فرق السعر ، ونقطة انك تجيب الكوري عشان ده اخرك ، انا مقدرش اقول كده يا باشا وربنا يزيدك ويزيد الكل وأنا اقلكم ومقلتش اني راجل ثري ، بالعكس انا فلوسي تعبان فيها وكلها من شغلي مش واخدها من بابا وعشان كده بتحرى الدقة في اني احطها في عربية تستحق الفلوس دي ويمكن دي من اهم النقط في استنكاري للكيا لأنها من وجهة نظري لا تستحق على الطلاق هذا السعر ،

ونقطة الموتور ، اعتقد ده رأي الجماع ان مواتير الياباني معمرة عى عكس الكوري مش وجهة نظري لوحدي ، واخيرا نقطة ان شكل الكيا احلى فالمازدا مشهورة بشكلها الرائع واحلى بمراحل من الكيا الجديدة واحلى عربية في فتها وطبعا دي ازواق وليس فيها مجال للخلاف او النقاش ،

ده ري بكل أمانة مع العلم اني لسه مقدم على الشراء ومحدش غاصبني ان اشتري مازدا3 او غيرها،

وتقبل فائق تقدير وتحياتي

شكرا على ردك الهادى المحترم
وطبعا رأيك يحترم جدا
وهو ده المطلوب
النقاش الهادئ وتبادل وجهات النظر
وفى الاخر الاختلاف فى الرأى لا يفسد للود قضيه