الموضوع: لعشاق التمبرا

المشاركة الأصلية كتبت بواسطة mezo73

ا عبد المسيح
الكلام اللي بتقولة كلة اشتغالات
اخر الايطالي 96 مش 99
بالنسبة للبرازيلي بتنزل بكماليات كلها- مش ممكن تكون دي برازيلي
لاني ماشوفتش البرازيلي في مصر خالص والتركي زيها ومفيش حدبيستورد في مصر عربيات مستعملة من البرازيل او تركيا
العربية دي غالبا موديل قديم وممكن تكون حصل خطأ في ورقها بتاع الترخيص بالنسبة للسعرعلي حسب الامكانيات
وسعر السوق دلوقتي في غرفة الانعاش
سعر التمبرا بيتراوح بين 36 و42 ودي العربيات ذات الحالة الممتازة

شكرا يا أخ ميزو على ردك الوافي , فعلا العربية غالبا موديل 90 لاني راجعت كتالوج التمبرا و التيبو المعروض في منتدى الفيات لقيت اللوحة ذات مفاتيح التهوية المدورة الموجودة في التابلوه تخص موديلات التمبرا 90 و 91 فقط و لكن موديلات التمبرا الايطالي و المصري من 92 و حتى 2000 كلها تكييف باللمس

المهم أن هذا الشخص من الاخوة المعوقين و كان واخذ العربية ( حسب كلامه ) زيرو من 1999 و ظل منتظر فك الحظر عشرة سنوات حتى يبيعها رغم أن حظر البيع ينتهي تلقائيا بعد خمسة سنوات و الحقيقة التي يخفيها عني أنه شاريها ( مستعملة ) استيراد معاقين من عام 2004 و انها مستعملة موديل 90 أو 91 بدون كماليات و انه انتظر فك الحظر ليبيعها و طبعا هو مش دافع فيها أي جمارك , فقط 15% ضريبة مبيعات و رافع قضية ليستردهم .

بس على فكرة أدخل على مصراوي تجد تمبرا موديل 94 و 92 بتتباع على 28 الف فقط لان بها شغل و الاسبوع الماضي كان في واحدة موديل 97 و اتباعت على 29 الف لان فيها شغل و حاليا امامي موديل 97
كاملة مانيوال على 33 الف بس برضه فيها شغل لكن الممتاز منها لا يتعدى ال 36 الف جنيه أو 37 الف .

لي سؤال : تفتكر أجيب الرخيصة و اشدها و لا أجيب التمبرا اللي حالتها أفضل و اشتري دماغي من موضوع التصليح حتى لو هأدفع زيادة ؟؟؟؟؟؟؟؟؟؟؟؟؟؟

ما رأيك ؟؟؟؟؟؟؟؟؟؟؟؟؟

شكرا لك مرة اخرى

المهم الحالة ياباشا
اشتري العربية اللي متلعبش فيها يعني القريبة من الفبريقة حتي لو كان في شوية شغل ممكن انت تعملهم
من الاخر انا اشتري عربية فبريكة برة وجوة مش ناقصها مسمار ولا فيها سلك ملغي ويارب يكون موتورها مفوت زي ماكينة الناموس وعفشتهاضايعة كل الكلام يتخفض من تمن العربية ويتعمل امرة سهل اشتري موتور استيراد وعفشة جديدة تبقي العربية 10/10

انا معاياتمبرا93من حوالي سنتين العدادات ديجتال من حوالي شهرين لقت اللوحه بتاعت بيان الابواب اللمبات منوره احمر عالي طول مش عارف ليه ولما وديتها للكهربائي قالي اكيد في تلميس وميعرفش عملو ودي عاوزه التوكيل ولانا في الصعيد ومندناش تكيل ارجو المساعده

انا عايز اسال عن اعلى فئه في التمبرا لواحد صاحبي..انا سمعت انها بتبقى ديجيتال وفيها ايرباج وabs وفتحة سقف ..ممكن اعرف هي بتتباع معاقين وسعرها بيبقى كام ؟ هل ممكن الاقيها في مصر؟ ..وبعدين هي multi point injection ولا single point injection ...وشكرا

المشاركة الأصلية كتبت بواسطة ams

الراجل ده كان عنده استفسار

الاخ الفاضل

أنا مش فاهم ايه المكتوب أنجليزي معرب و نصفه ارقام
رجاء الترجمة و التفسير علشان نفهم الاخ عايز ايه

أهلا يا أخ ميزو

المشاركة الأصلية كتبت بواسطة mezo73

المهم الحالة ياباشا
اشتري العربية اللي متلعبش فيها يعني القريبة من الفبريقة حتي لو كان في شوية شغل ممكن انت تعملهم
من الاخر انا اشتري عربية فبريكة برة وجوة مش ناقصها مسمار ولا فيها سلك ملغي ويارب يكون موتورها مفوت زي ماكينة الناموس وعفشتهاضايعة كل الكلام يتخفض من تمن العربية ويتعمل امرة سهل اشتري موتور استيراد وعفشة جديدة تبقي العربية 10/10

أنا قدامي واحدة دلوقتي موديل 1997 فابريكة برة و جوة أول يد و ما فيهاش برة غير خبطة في الرفرف و عاملة 123 الف كيلو و الحقيقة العربية شكلها سليم و صوت موتورها كويس لكن غرقان زيت من فوق و طبعا هأرفعه هو و العفشة في محطة بنزين لكن المشكلة اللي غايظاني بشدة ان التابلوه مكسور من فوق و فيه تجويف مثلث حوالي 15* 20 سم لان صاحب العربية
كان بينقل حاجة حسب كلامه و كسرت تابلوه العربية من فوق مش عارف ازاي .

سألت عن التبلوه الاستيراد قالولي ب 1100 و خسارة لان التابلوه الحالي شغال و لكن شكله مستفز جدا و أنا مش عارف لو اشتريت العربية بعد الفحص طبعا هأتصرف فيه ازاي ؟؟؟؟؟؟؟؟؟؟

عايز رأيك يا أخ ميزو بأعتبارك تمبراوي , هل أكتفي بتغطية ظهر التابلوه بجلد أم هل يوجد تابلوه مستعمل فارغ و الا ممكن حد بيصلح تابلوهات يفصل حتة مثلثة
نفس مقاس الحتة المكسورة و بعدين نلصقها و نغطي ظهر التابلوه أو نرشه .

الراجل صاحب العربية رأسه و الف سيف ما ينزلش جنيه بسبب التابلوه و بيقول مش مهم غطيه بعلبة كلينكس و طبعا الحل هذا عندي مرفوض .

أنا عايز اعرف اسحن حل بأرخص سعر خاصة أن التابلوه الحالي شغال زي الفل بس شكله صعب جدا من فوق عامل زي حلة الطبيخ مفتوح من فوق

شكرا لتعبك