الموضوع: لعشاق التمبرا

العربيه حلوة وشديدة وقطع غيارها مشتركة مع التمبرا والألفا روميو 146
قطع الغيار متوفرة واسعارها رخيصة
مشكله العربية في اعادة البيع لأنها تقيلة في بيعها شوية

السلام عليكم ورحمة الله وبركاته
شاكر جدا لاهتماكم جميعا

السلام عليكم ورحمه الله وبركاته
انا عندى سوال بالنسبه للتمبرا
انا معايه تمبرا موديل 98 بس التابلوه مانيول ومفيهاش تكيف
ونفسى اركب لها تكيف اوى بس كل ما اسال حد يقولى التكيف هيسخن العربيه
وخصوصا ان ملوش كمان مفتيح فى التبلوه كل المفتيح بتشغل حاجه زى المروحه سخن وبتجيب تراب كمان والعربيه بتوصل حرارتها 90 فاده مخوفنى جدا
لو حد ممكن يفيدنى فى موضوع التكيف ولو ينفع اركب تكيف اركبه عند مين واشتريه منين
العربيه 1400 تقريبا مش عارفه

المشاركة الأصلية كتبت بواسطة reemnabel

السلام عليكم ورحمه الله وبركاته
انا عندى سوال بالنسبه للتمبرا
انا معايه تمبرا موديل 98 بس التابلوه مانيول ومفيهاش تكيف
ونفسى اركب لها تكيف اوى بس كل ما اسال حد يقولى التكيف هيسخن العربيه
وخصوصا ان ملوش كمان مفتيح فى التبلوه كل المفتيح بتشغل حاجه زى المروحه سخن وبتجيب تراب كمان والعربيه بتوصل حرارتها 90 فاده مخوفنى جدا
لو حد ممكن يفيدنى فى موضوع التكيف ولو ينفع اركب تكيف اركبه عند مين واشتريه منين
العربيه 1400 تقريبا مش عارفه

أهلا يا أخت ريم

أنا معايا تمبرا مو 98 بس مكيفة و على حسب معلوماتي فأن كل التمبرا من موديل 97 الى 2000 تجميع شركة النصر و كلها مكيفة

أما موديل التمبرا ال 1400 سي سي بدون تكييف اللي مفاتيحه مدورةو عبارة عن مروحة فقط فهذا عادة بيكون ايطالي و هو من موديلات تمبرا الابتدائية و عادة بيكون أما 90 أو 91 لان انتاجها الايطالي توقف عام 1996 .

هو انت متأكدة من الموديل و الا واحد عارض عليك العربية لشرائها ؟؟؟؟؟؟

لو واحد عارض عليك العربية يبقى خللي بالك ممكن يكون ضارب الرخصة أو الورق و مفهمك انها موديل 1998 و هي في الحقيقة موديل 90

أما لو كانت بتاعتك يبقى انصحك بعدم تركيب تكييف طالما الموتور 1400 سي سي و هو في الحقيقة 1368 سي سي و تركيب التكييف لو أمكن لان تركيبه في الموديلات القديمة الغير مجهزة لذلك صعب و بيعمل حمل على الموتور خاصة انه توجد وحدة لرفع السلانسيه في حالة تشغيل التكييف و طبعا مش موجودة في الموديلات الغير مكيفة و تركيبها مع الكمبرسور صعب شويتين لو العربية غير مجهزة .

في عربيات 1300 سي سي و مكيفة لكنها أحدث من التمبرا و مجهزة أصلا بتكييف

المشاركة الأصلية كتبت بواسطة reemnabel

السلام عليكم ورحمه الله وبركاته
انا عندى سوال بالنسبه للتمبرا
انا معايه تمبرا موديل 98 بس التابلوه مانيول ومفيهاش تكيف
ونفسى اركب لها تكيف اوى بس كل ما اسال حد يقولى التكيف هيسخن العربيه
وخصوصا ان ملوش كمان مفتيح فى التبلوه كل المفتيح بتشغل حاجه زى المروحه سخن وبتجيب تراب كمان والعربيه بتوصل حرارتها 90 فاده مخوفنى جدا
لو حد ممكن يفيدنى فى موضوع التكيف ولو ينفع اركب تكيف اركبه عند مين واشتريه منين
العربيه 1400 تقريبا مش عارفه

الأخت الفاضله بالنسبه لدرجة الحرارة انها توصل ل 90 ده عادي جدا ودي كمان هي درجة حرارة التشغيل المثالية للموتور بتاع التمبرا
أما بالنسبه لموضوع التكييف فأظن إنه ممكن يركب بس إنتظري رأي باقي الأعضاء وخاصة جاليليو هو أكتر واحد ممكن يفيدك

المشاركة الأصلية كتبت بواسطة maka

ليه؟؟؟؟؟

ما الشاهين بتنزل بموتور التمبرا ال 1400 وبيركبلها تكييف عادى

تانى حاجة التمبرا مجهزة للتكييف ووحدة الرفع للسلانسية اى بتاع تكييف نظيف يركبها

أهلا بالاخ مكة

مش بسهولة تجد حد عنده ضمير في التركيبات يا أخ مكة , بمعنى أن ساعات بتكون العربية مكيفة و راكب فيها كمبرسور و مع هذا تجد صاحب العربية يتعرض لمشاكل كثيرة من صنايعية التكييف فما بالك بشخص يكون أصلا ما عنهوش تكييف و لسه هيركب كمبرسور و سربنتيينة داخليه في الكابينة و سرنتينة ثانية على الرادياتير يعني شغلانة غير طبعا تثبيت طنبورة
على عامود الكرنك لتدوير كرنك الكمبرسور و بصراحة حسب معلوماتي و أرجو التصحيح أن التمبرا ال 1386 سي سي الغير مكيفة موديل 1990 و هي غير مجهزة أصلا لتكون مكيفة و بالتالي سيضطر الصنايعي لعمل تعديل في الشاسيه ليحمل عليه الكمبرسور و تعديل في كرنك الموتور لاضافة طنبورة التشغيل للتكييف و أنا شخصيا بأخاف من أي تعديا في الشاسيه و الموتور بخلاف العمرة طبعا .

هذا رأيي و القرار في النهاية للأخت ريم