الموضوع: استفســار ؟؟؟ حاجة غريبة ؟؟؟

المشاركة الأصلية كتبت بواسطة emadkamel

نفس حالتى بالمللى ... بس انا زيادة عليك انى روحت شوفتها
1- العربية واسعة جدا ادام وورا وكنت مرجع الكراسى على الاخر
2- الشنطة خزعبلية الوسع
3- جردل اوبشنز، باور، تكييف، سنتر، 4 زجاج كهرباء، شنطة وكبوت من جوة، شبورة، سى دى، مكن رفع، ABS, EBD, EDS، مرايات كهربا، كونسول، 2 ايرباج ، 5 جنوط.....الخ يعنى العربية خلصانة
4- تابلوة اديلوة 6 من 10 .. بس دى اذواق
5- الصاج محمل جدااااااا ... والولد اللى هناك قاللى انه 0.9 !!! ويمكن الوحيد فى 1600 اللى بالسمك ده
6- الموتور متقفل معقول
7- الشكل العام: فعلا شبيهة البى ام (بالمعنى الظريف للكلمة)

بس زى مانت وضحت .. كل اللى فات ده من بره ... الاداء والثبات والبنزين ... مش عارف حاجة ومخوفنى ان العربية كبيييرة ومن شكل الصاج اقدر اتوقع انها تقيييييله فهل 1600 و4 سلندر كفايه عليها وعلى سحبها؟؟ هل هاتثبت نفسها وللا الواحد ييجى بعد 3 او 4 سنين يندم على الـ 110000 جندىاللى دفعهم فى "الصينى"؟

حاذي جنب أخوك يا عمــــاد المكان يساع من الحبايب الف و مني ليك هدية الموقع ده عيش معاه هدية الكفاح الشعبي الحر من اجل معرفة قصة العربية دى اية :

http://www.zhonghuacar.com/hce/junjie/color.asp

و قولى رايك و خلينا ننشط الموضوع دة فى المنتدى يمكن يظهر حد عندة فكرة احنا بنتكلم عن اية

المشاركة الأصلية كتبت بواسطة meshmesh78

أخى الكريم لا شكر على واجب وكلنا هنا بنكمل بعض
والتساؤل اللى محيرك ده اظن وده رأى شخصى ان المسألة ليس لعيب فى السيارة ولكن لكون مبلغ 108000 جنيه يوجد له خيارات أخرى كمثال النيسان صنى كاملة 102000 ده غير نيسان صنى 2009 الجديده ب 106000 جنيه وفيها ABS &EDB وطبعا الناس حتقول المبلغ كبير نجيب عربية يابانى ومش لازم نجرب حتى لو العربية امكانيات وتوكيل ودى وجهة نظر تحترم وفيه أيضا لانسر 1600 فاضية وفى سيارات فى السعر ده الناس ممكن تختارها علشان كده العربيتن الجالينا والإسبلندور مش واخدين حقهم رغم انهم فى غاية الروعة وضمان 5 سنوات اطول فترة ضمان فى مصر وده كان سبب ان البفارية جابت ال FRV سعرها مناسب قوى وفى فئة سعرية ممكن أن تنافس بها بشكل قوى وده اللى الناس لمساه دلوقتى ال FRV عملة انقلاب وبسعر معقول ومتاح وافضل من سيارات كثيرة فى نفس المستوى السعرى...
أرجوا ان أكون قد وضحت وجهة نظرى
وتحت أمركم فى أى استفسار.

و جهه نظر تمام التمام ... و يا رجال شكر اية دة انت اثريت الموضوع و فى الاستاذ عماد نورنا و بالاراء اكيد هانطلع بجديد عن العربية .... كتر الف خيرك

يوم عن يوم بيجيلى أحساس انى بتكلم عن عربية من كوكب تاني

المشاركة الأصلية كتبت بواسطة meshmesh78

طاب ايه سبب الإحساس ده

سبب الأحســاس ان :
- مفيش حـــد مقتني العربية فى المنتدى و بيرد علينا من واقع تجربتة .
- مفيش موضوعات عن الاسبلندور فى المنتديات العربية اقصاها صور للجالينا .
- مفيش دعاية من الشركة عنها .:k36:
-مفيش اى عروض عنها زى أختها جالينا هانم .
- مفيش ...........
- مفيش ...........
دة سبب الاحســاس و احياناً الصداع و يا خوفي يبقي قريباً الاتي