السلام عليكم
انا معايا البومه 2010 عندي مشكله الشنطه لما بأفلها لازم اهبدها جامد عشان تتقفل ايه الحل ؟؟؟؟؟؟؟؟؟؟
وياريت يتم الرد
عرض للطباعة
السلام عليكم
انا معايا البومه 2010 عندي مشكله الشنطه لما بأفلها لازم اهبدها جامد عشان تتقفل ايه الحل ؟؟؟؟؟؟؟؟؟؟
وياريت يتم الرد
م طارق
السلام عليكم
لانسر 1600 اوتو بومه 2008 صوت التحذير بعد سرغة 120 كم مش شغال ممكم المساعدة
السلام عليكم بشمهندس طارق / وحشني كتير و الله و كان نفسي اشوفك في اسكندرية عيد الميلاد اللي فات لكن بكل اسف لم تتمكن من الحضور
انا حعمل صيانة 70000 الاسبوع القادم علما بأن العربية لم تصل لل 69000 بس انا زي ما حضرتك عارف بحب اخد الاحوط
طبعا حغير طقم السيور مع تغييرة الزيت - كنت عايز اعرف بس ازاي اعرف السير الاصلي من المضروب و تقريبا التكلفة بتكون كام عندكم في قليوب بالرغم من اني ناوي اعملها عند مجدي شاهين عندنا في اسكندرية - و هل فيه حل جذري لتيل الفرامل اللي دايما بيصفر ده بالرغم من انه جديد و تم خرط الطمبورة و اتمنع شوية انما رجع تاني خصوصا بعد وقت من الاستخدام و السير انما و العربية باردة نادرا جدا ما يحدث تصفير
و مش عايز اطول عليك يا بشمهندس عشان انا عارف ان وراك استشارات كتيرة حترد عليها
المهندس طارق
اولا انا عايز اشكر حضرتك على كل الخدمات اللى بتقدمها لاعضاء المنتدي ملاك متسوبيشي و ربنا يكرمك و يبارك لك باذن الله.
انا معايا لانسر قرش 2008 و عندى فيها مشكله بقالها اسبوعين
الموضوع ان بيبقي فى رجه جامده فى العربية عند التسارع خصوصا لما السرعة توصل 80-90 كده و بيبقي الرجه ديه موجوده فى دواسة البنزين و لما اشيل رجلى من عليها الرجه بتروح و لو دست بنزين تانى الرجه بترجع. الحاجة التانية لو انا واقف فى اشارة العربية والغيار على d العربية بيبقي فيها رعشة و مابتروحش غير لما احط الغيار على n
لما رحت مركز الخدمة فى جسر السويس قالوا لو الرجه مع الفرامل تبقي مشكلة فى الطنابير وفعلا خرطوا الطنابير, و لو المشكلة فى الدركسيون تبقي مشكلة ترصيص و فعلا رحت رصصت و ضبط زوايا و لسه العربية زى ما هى و مش عارف اعمل ايه.
ده يعتمد على عدة حاجات منها الكيلو متر كام وهل يتم عمل الصيانات الدورية في ميعادها وهل تم تغيير قطع الغيار التي يجب تغييرها عند كل صيانة دورية مثل البوجيهات وفلتر الهواء وفلتر البنزين
قطع الغيار في الفترة الحالية سعرها غالي نسبيا نظرا لظروف انتقال التوكيل وعدم توافر قطع غيار زي الأول بس اعتقد دي حالة مؤقتة وعموما قطع الغيار موجودة في مراكز خدمة مصرية او مراكز الخدمة المعتمدة وكذلك محل بيع قطع الغيار في ميدان الكيت كات
ينفع لأنه نفس المقاس بس هو مهم اوي للدرجة دي؟
هو ممكن يأثر بس التجربة هي اللي هتحدد اتأثر ولا لأ
كويس وممكن يقعد الى 4000 كيلو
لازم يتم الكشف على العربية لأن فيه اسباب كتير للمشكلة دي والكشف هو اللي هيحدد
ممكن يكون العيب في العداد نفسه وبالتالي الأفضل الكشف على العربية لتحديد العيب
يا ريت حضرتك تمر علينا او على احد مراكز الخدمة المعتمدة القريبة لك علشان حد من الفنيين يكشف على الزجاج وتحديد القطعة المطلوبة بالظبط وهو هيحدد لحضرتك الاسعار والكشف ده مش هياخد وقت ولا تكلفة
عندنا في شركة مصرية لا نتعامل مع المحركات الغير اصلية في العربية لأن قطع الغيار مرتبطة برقم الشاسيه فلا تقبل السيارات اللي مسقطة محركات
الافضل حضرتك تعمل موضوع في قسم التعديلات وتشوف اراء الأعضاء
لا يتم بيع عبوات دهان في الشركة لكن شركات بويات السيارات العالمية مثل سيكنز بيكون عندها كل اكواد اللون الأصلي لكل السيارات وهي المستخدمة في التوكيلات
اهلا وسهلا بيك
الصيانة ميكانيكا وكهرباء 135 ج + 35 ج + 10%
فلتر بنزين 580 ج + 10%
تيل فرامل 450 ج + 10%
سير باور / سير دينامو/ سير كاتينة/ بلية شداد / اويل سيلات
مجموعة الكاتينة المذكورة سعرها مع التركيب حوالي 1000 جنيه
بالنسبة للتكييف ففترة الفصل والتشغيل مرتبط بدرجة حرارة الصالون
ده بتحصل احيانا في العربيات ال2010 وبيتم ضبط الشنطة في قسم السمكرة
ممكن حضرتك تنتظر للصيانة القادمة وتتعمل معاها
زي ما شرحت لحضرتك في موضوعك ان صوت التحذير ده مرتبط بالعربيات الخليجي فقط لأن دي حد السرعة القانونية في دول الخليج
اهلا بيك يا استاذ محمد واحشني والله وباذن الله نتقابل في عيد ميلاد المنتدى بعد اسبوعين
مجموعة السيور والكاتينة المفروض تتغير ما بين ال 80 ألف و 100 ألف وبالتالي انت ممكن تنتظر شوية انما هي بتتكلف حدود 1000 جنيه بالتركيب
بس الافضل تبقى تجيبها لنا او توديها المأمون او الصفوة
بخصوص صوت الصفارة في التيل فده غالبا سببه سوستة التيل محتاجة تتغير
الأفضل حضرتك تجيب لنا العربية مركز الخدمة الرئيسي في قليوب للكشف عليها بجهاز الكمبيوتر لأني اعتقد ان المشكلة دي سنسور
شكرا على سرعة الرد يا مهندس طارق
و الله انا مش عارف اقول ايه لحضرتك
هو انا فعلا نويت انى اروح مركز الصيانة الرئيس فى قليوب يوم الثلاثاء ان شاء الله.
لما كنت فى مركز جسر السويس و انا باستلم العربية من اسبوعين بعد ما عملت صيانة الخمسين الالف و غيرت زيت الفتيس لقيت لمبة الموتور (اللمبة الصفراء) منورة و لما سألت المهندس هناك اخد العربية و فحصها بجهاز كشف الاعطال و قاللى ان العربية مفيش فيها حاجة اصل ممكن البطارية من طول مده رفع العربية فى الصيانة تكون ريحت و علشان كده اللمبة نورت!!!!
شكر خاص جدا جدا جدا للمهندس طارق للرد على الاستفسارات
هو بس موضوع ضهر الكنبة الخلفية عندى بس انا كنت حابب ان يكون فيه مسند فى نص الكنبة والراس بيكون ليها مخدع دا كان موجود فى ضهر كنبة ال 1600 فكنت عاوز اجيبه علشان كدا بس ولو حضرتك ليك راى تانى ياريت تفيدنى بيه ولو هستقر انى اشتريه استيراد مع انه طبعا يكون نفس اللون لان الصالون عندى رصاصى مش بيج يكون تقريبا فى حدود كام وراى حضرتك اجيبه ولا لاء لانى بثق فى رائيك جدا
السلام عليكم انا عندي لانسر 2009 بومة ولمبة الايرباج منورة علي طول
شكرا جدا م/طارق على ردك