شكرا ليك يا استاذ طارق على الرد و المساعدة
عرض للطباعة
شكرا ليك يا استاذ طارق على الرد و المساعدة
السلام عليكم
استاذ طارق كنت عاوز اسأل حضرتك سؤال بخصوص الشارك
هل فعلا اليابان بش حتصنع من شكل الشارك تاني؟؟؟؟؟
و تقبل مروري
السلام عليكم
انا معايا البومه 2010 عندي مشكله
إن المياه اللي في الراديتر مياه عادية مش خضرة و السياره عملا ٨٠٠٠ كم
عزيزي المهندس طارق إيه الحل وهل تكون أثرت على الموتور أو الراديتر أرجو النصيحة و ما هو أفضل أنواع المياه ؟وشكرا
انا كنت عاوز اسئل انا بركن عربيتى فى الشارع وبغطيها بس الناس اللى بلكونتهم فوق عربيتى كل يوم يرمو ميه وغسيل وكدا هل دا ياثر على دهان العربية
السلام عليكم
العربية البومة 2009 عندي بيحصل فيها رعشه غريبة اول ما اجي ادور الصبح حتي بعد ما بسخن واكون ماشي واجي اقف في اشارة بلقيها بردوا بترتعش
السلام عليكم
أنا معى لانسر 2005 1300 اتومتيك وعندى مشكلتين
1_ بعد سرعه 140 بحس برعشه فى السياره مع انى عمل ترصيص وضبط زوايا
2_ يوجد رعشه واضحه فى دواسه الفرامل ومش عارف سببها ايه
هل اقصى سرعه للسياره 1300 سى سى الاتومتيك 145 كم فى الساعه لان ده اقصى سرعه جبته باقصى ظغط على السياره ولا الماكينه مبرمج على كده ويمكن اعاده الضبظ لها لذياده السرعه
اسف على الاطاله ولك جزيل الشكر
شكرا علي ردك
كنت عاوز اتشرف بمقابلة حضرتك فانا مش عارف الاجراءات يعنى احجز الاول بالتليفون واحدد معاد للكشف ولما اجى ان شاء الله اجى لحضرتك المكتب
وهل هياخد وقت
مساء الخير يا بشمهندس
انا معايا لانسر 1300 اوتوماتك حليجى 2007 هل كل ما اغير تيل الفرامل لازم فى التوكيل ولا ممكن من بره عادى
بالاضافه الى عندى اوقات وانا بهدئ السرعه واما الفتيس بينزل من الناقله الثانيه الى الاولى بينتش بيعمل خبطه غريبه
مع العلم انى بغير زيت الفتيس كل 40000 كم ياريت اعرف الرد
لمبة الايرباج لما بتنور بيكون فيه مشكلة في الدائرة الكهربائية للايرباج وده هيخليها مش هتشتغل لو تم الاحتياج لها لا قدر الله
علاج الموضوع ده بيكون بالكشف عليها بوحدة الكمبيوتر ممكن تكون محتاجة عمل ريسيت لها بالكمبيوتر وده تكلفته 180 جنيه وممكن تكون سوستة الايرباج في الدركسيون محتاجة تغيير وده تكلفته حوالي 800 جنيه
لأ المعلومة دي مش صحيحة
الشارك والبومة موجودين 2011 و 2012 كمان ودي معلومة اتأكدت منها
وبالتأكيد لما احدهما هتقف هتكون البومة مش الشارك لأن حاليا الشارك موجودة في كل دول العالم اما البومة تصدر لبعض دول العالم غفط اللي منها الشرق الأوسط وشمال افريقيا اما امريكا واوروبا واستراليا ليس فيهم بومة انما فيهم شارك (بنتكلم عن اللانسر طبعا بخلاف بقية الموديلات المختلفة)
هو المفروض استخدام مياه خضراء مش مياه عادية ولدينا في مراكز خدمة شركة مصرية بنستخدم مياه ردياتير موبيل
فالأفضل يتم تغيير مياه الردياتير سريعا في اي محطة بنزين موبيل الى مياه ردياتير موبيل الخضراء انما لا تستمع الى نصيحة اي عامل من عمال محطات البنزين بوضع مياه ردياتير مركزة لأن المركز ده بياكل مواسير الردياتير من الداخل والكلام ده حصل بالفعل عدة مرات وتم اكتشافه بعد ارسال الردياتير الى اليابان لفحصه بعد طلب اليابان ذلك حيث تم تغييره في الضمان واكتشفوا ان السبب مياة الردياتير عالية التركيز
ربما يأثر على المدى الطويل..انما الأفضل تحاول تغيير مكان العربية او تغطيها لتخفيف حدة المياه عليها
ممكن تكون محتاجة ضبط محرك وكمان ده يتوقف على الصيانات الدورية هل تتم في ميعادها وتغيير قطع الغيار في ميعادها زي فلتر الهوا وفلتر البنزين اللي بيتغيروا عند 40 ألف كيلو متر
وبالتأكيد الكشف على العربية هو اللي هيحدد المشكلة فين
السرعة القصوى للانسر 1300 اوتوماتيك حسب الكتالوج 165 كيلو متر/ ساعة والمانوال 175 كلم / ساعة وبالطبع الوصول للسرعة القصوى يتطلب ان المحرك يكون في افضل حالاته لكن واضح ان المحرك لديك يحتاج ضبط وكشف عليه لتحديد المشكلة فين
تشرف يا فندم في اي وقت
حاليا مفيش حجز انما الافضل الحضور بدري قبل الساعة 10 صباحا
واحنا شغالين كل يوم ما عدا الجمعة من 8 ص الى 4 مساءا
ومكتبي فوق استقبال العملاء