الموضوع: انت تسأل وإستشاري منتدى متسوبيشي يجيب (2)

بداية اعتذر عن التأخير في الرد الأيام اللي فاتت وباذن الله ينتظم الرد على الأسئلة الفترة الجاية

المشاركة الأصلية كتبت بواسطة giorgio

سؤال يا باشمهندس طارق
أنا امبارح ٣١/٣ سألت على اللانسر الشارك الأوتوماتيك الكلاسيك في ميتسوبيشي إلي في ميدان سفنكس. الرجل إلي هناك اإلي إن فيها abs بس مفيهاش ebd و إن مفيش أي كتجري منها فيها ebd. يا ترى المعلومة دي صح ولا لأ؟
ملحوظة العربية كانت عاملة ١٢٥ والي زيها سعودي حسب كلامه ب ١٢٠ عن شرط السعودي تزيد في أيرباج راكب أمامي وغطى كبوت

في اللانسر سواء بومة او شارك خاصية الـ ebd مرتبطة بخاصية abs والاتنين في وحدة الabs فهي اما موجودة واما مش موجودة
فالمعلومة اللي اتقالت دي للأسف غير صحيحة

المشاركة الأصلية كتبت بواسطة ahmahm1981

فى حد قال لى أن العيب فى علبة الفيوزات اللى جنب الموتور
وفعلا لما مش بتدور بفتح الكبوت وأفتح علبة الفيوزات وألعب فيهم وأشيلهم وأحطهم تانى
العربية بتشتغل على طول .
السؤال هل علبة الفيوزات محتاجه تغيير ؟؟؟؟
أم يوجد فيوز خاص بتشغيل العربية هو بس اللى محتاج يتغيـــر ؟؟؟؟؟
وشكرا جزيلا

ما انا قلت لحضرتك لازم العربية يتكشف عليها لتحديد المشكلة فين

المشاركة الأصلية كتبت بواسطة osama_ruan

حضرتك هوة فعلا الانسر 2001\الي 2003 فيها عيوب متكررة في التكيف والسحب لاني ناوي اشتري واحدة وخايف من الموضوع دة ومتشكر لزوق حضرتك مع الاعضاء

لأ لأ خالص .. اللانسر موديل 2001-2003 او شكل المكواة مفيش فيه عيوب متكررة في التكييف والسحب ولا حاجة وحضرتك ممكن تعمل موضوع منفصل في المنتدى وتسأل اعضاء المنتدى اللي عندهم العربية

المشاركة الأصلية كتبت بواسطة mohazab

روحت اعمل صيانه ال 40ز000 في الاسكندريه
مركز الخدمه الصفوه
وحدث الاتي
تم وضع زيت اوتوماتيك عادى مش cvt
وتم حسابي على ال cvt

lancer 1600 automatic use dia queen spiii read your manual
كل التوكيلات تستعمل mobil atf 320
وده مش مخلق و سىئ جدا ده للعربيات القديمه قبل 2000 التى تستعمل daxron iii

المفروض ان زيت الـ cvt بيتم توزيعه على مراكز الخدمة المعتمدة وهو متوفر من فترة طويلة في التوكيل والمفروض ان مراكز الخدمة المعتمدة بتاخدوا اول بأول للعربيات اللي فيها cvt
عموما انا هابلغ مدير الصيانة

المشاركة الأصلية كتبت بواسطة mac70

لو سمحت كنت عاوز اعرف اعمل صيانة 1000 ك فين
انا لسه شارى العربية وعاوز مراكز الخدمة
انا سيارتى لانسر كلاسك 1600 اتوماتك 2010
بس العربية خليجى مش وكيل بس عاوز اعمل الصيانة فى المراكز المعتمدة
ولا فيه مشكلة علشان خليجي
انا ساكن فى مدينة نصر
ارجوا قبول تحياتى

اولا مبروك العربية وممكن حضرتك تعمل الصيانات الدورية في التوكيل او اي مركز خدمة معتمد ومفيش اي مشكلة من صيانة الخليجي فيها انما الفرق فقط ان العربية لا تتمتع بضمان ميتسوبيشي
وفيه موضوع مثبت في اول منتدى ميتسوبيشي عن مراكز الخدمة الخاصة بالتوكيل والمعتمدة منه

المشاركة الأصلية كتبت بواسطة hero_lancer

انا كنت عايز اسال علي حاجه يا بشمهندس طارق
انا كنت عايز اركب فوج لايت وكده ياتري اجيبوا وركبوا بره عادي ولا اجيبوا واركبوا في الصيانة

وعندي التكييف لما باجي اشغالوا بسمع صوت صفاره والصوت مش بيروح خلاص
ياتري ده من ايه الفريون يكون بداء يقل

في التوكيل مش بنركب اي كماليات للعربية الا لو اصلية في العربية فحضرتك هاتوا وركبوا بره بس يا ريت يتم التركيب في مركز متخصص مش عند كهربائي عادي علشان ميأثرش التركيب الغير متخصص على وحدة كمبيوتر العربية
والتكييف في الغالب محتاج تنظيف الفلتر فقط وفيه موضوع في المنتدى عند خطوات تنظيف الفلتر بالصور ممكن توصل له بسرعة من قسم اهم الموضوعات اعلى المنتدى

المشاركة الأصلية كتبت بواسطة asdf

السلام عليكم يا باش مهندسين التحكم والميكانيكا انا شادي سنة اولي كلية الحاسبات والمعلومات يعني باذن الله مشروع مهندس برمجيات وكان ليا عند حضارتكوا سؤال
احنا عندنا عربية بوما موديل 2008 وكانت عاملة حادثة والحمد لله صلحناها وكلة تمام بس يبقي مشكلة عاوزين نجيبلها اوكرتين نيكل خارجي مش داخل الباب لان زي ما انتوا عارفين موديل 2008 اوكرها نيكل فعاوز اجيبلها اوكرتين بس انا سمعت ان هما بيباعوا في بورسعيد فالسؤال دلوقتي ؟
1_هل حد عندة خبرة بياعوا فين في بورسعيد وطبعا يكونوا اصلين يعني استيراد خارج مش تقليد ولا جرابات نيكل ؟
2_هيبقي تمنهم كام مع العلم انهم هيبقول مستعملين لانهم استيراد خارج ؟
وجزاكوا الله كل خير

انا معنديش فكرة عن قطع غيار الاستيراد في بورسعيد انما انا سألت عندنا في التوكيل وسعر الواحدة حدود 400 جنيه

المشاركة الأصلية كتبت بواسطة shady333

بشمهندسنل طارق العزيز

كان عندى سوال هل يمكن ان اشترى مساعديين امامى و تيل من خارج التوكيل و اجى اركبهم فى التوكيل

لأ للأسف مش بنركب في التوكيل قطع غيار مش اصلية لأننا بنكون مسئولين عما يتم تركيبه في التوكيل