الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة hishamkenawy

ازيك ياباشمهندس يارب تكون فى احسن حال
كان عندى مشكله وكنت عاوز اخد راى حضرتك فيها / مره واحده وبدون مقدمات لاقيت العربيه مش راضيه تدور مع العلم ان البطاريه جديده والعربيه فيها بنزين (كريستاله 99)
جبت مكانيكى وبعد الفحص قالى ان الاسبراتير فاصل كهربه والحل انك تجيب مشط اليكترونى جديد
طابعا انا دورت عليه بره ملقتوش
فجبت اسبراتير استيراد العربيه دارت وكله تمام بس السؤال هل اى اسبراتير مانيوال ينفع يركب ولا كل اسبراتير لى رقم او كود بيظبط اداء العربيه شكرا جزيلا

رد المهندس أحمد عناني :
لازم طبعا يكون الاسبراتير هو نفسه الخاص بموديل السيارة وليس له رقم معين الا في التوكيل كقطعة غيار والأهم من ذلك لازم تراجع مقاومة سلك البوجيهات لانها احدى الأسباب التي تؤدي الى تلف هذه الأجزاء البوبينة والاجنيتر

المشاركة الأصلية كتبت بواسطة ahmedehab

السلام عليكم يا باشمهندس طارق كنت عاوز اسال حضرتك عن مشكله العربيه(لانسر2007 مانوال )اثناء المشى بيها لما بادوس فرامل مع دبرياج بتبطل والدركسيون بيصوجر مع الاخذ في الاعتبار ان انا لسه مغير البطاريه وشكرا جزيلا

رد المهندس أحمد عناني :
لازم تفصل أرضي البطارية لمدة دقيقتين وترجع تركبه وتدور السيارة سلانسيه لمدة ربع ساعة (بدون عمل اي حاجة) وتشوف لو انضبطت يبقى تمام والا تحضر الى التوكيل للكشف عليها بالجهاز وضبطها

المشاركة الأصلية كتبت بواسطة eslamahmed

السلام عليكم مهندس طارق
دى اول مشاركه ليه فى المنتدى وان شاء الله متكنش الأخيره بس هبتدى المشاركه بمشكله عندى ومحتار اروح التوكيل واله استنى
معايه عربيه لانسر 2008 اوتوماتيك
المشكله فى الفتيس لما بتكون العربيه سخنه واعمل الفتيس من d الى

n الاقى العربيه بتبطل بعد شويه مع العلم لما افضل دايس على الفرامل العربيه مش بتبطل وبقدر امشى بالعربيه

منتظر ردك المفيده

اهلا بيك
رد المهندس أحمد عناني مدير الورشة في التوكيل:
طبعا كده فيه مشكلة ولازم تحضر الى التوكيل لتوقيع الكشف والفحص بالأجهزة وتحديد العيب وعلاجه
ويا ريت يبقى تكتب مع الموديل عداد الكيلومتر والصيانات التي تمت وقطع الغيار اللي تم تغييرها من قبل

المشاركة الأصلية كتبت بواسطة eslamahmed

معلش برضه عايز اعرف انها خليجى واله مصرى هيه 1600 اوتوماتيك 2008 رقم الشاسيه 7919

لكم جزيل الشكر

انا كشفت عندي على رقم الشاسيه ده ومطلعتش مصري
بالاضافة ان الرقم ده مش خليجي لأنها 4 أرقام فقط
فبالتأكيد هي أردني

المشاركة الأصلية كتبت بواسطة meko_s

لو ممكن حضرتك تقولى انسب ار بى ام لنقل السرعات بالنسبة للانسر 2005 مانيوال
فى ناس قالتلى 3 و ناس قالتلى لا عندك لغاية 4.5 و انا مش عارف

ما هو كلمة انسب دي مقصود بيها ايه ، لو انسب للعربية ولراحة المحرك واطالة عمره يبقى فعلا متزودش عن 3000 لفة علما بأن الأحمر والخطر بيبقى من بعد 6000 لفة

انما ما بين ال 3000 وال 6000 بيكون مرهق للمحرك ويقلل من عمره ويزيد استهلاكه واستهلاك البنزين كمان انما مش خطر