الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة mohamedanis

م/طارق....السلام عليكم ورحمة الله وبركاته

من فضلك لى استفسار بخصوص السيارة الخاصه بى هي بومه مو 2007 - 1600سي سي - glx
مانيوال كنت عاوز اعرف هي مصري ولا خليجي,والعفشه رياضيه ولاعاديه ؟؟؟

شاسية رقم : 3672
و لكم جزيل الشكر,,,

وعليكم السلام ورحمة الله وبركاته
لو العربية لونها اسود ورقم المحرك 6903 فهي مصري والعفشة رياضية
لو مش كده هتكون أردني مش خليجي لأن رقم الشاسيه ده مصري أو أردني انما مختلف عن الخليجي

المشاركة الأصلية كتبت بواسطة ahms10

نورت المنتدى يا بشمهندس طارق
استفسار بس هل توكيل مصرية بدا يبيع قطع غيار منفردة تانى زى زمان ولا لسة الامر متوقف على البيع والتركيب معا

شكرا لك

هو الأمر متوقف الى حد كبير حسب نوعية الأصناف ومدى توفرها (موجود منها كتير / قليل) فالآفضل تتصل بأحد مراكز بيع قطع الغيار بالشركة للسؤال عن توافر القطعة المطلوبة (اما المركز الرئيسي في قليوب 42157629 أو محل قطع غيار الكيت كات 33057640)

المشاركة الأصلية كتبت بواسطة omar3000

نورت المنتدى برجوعك من الاجازة الى بيتك والف مليون سلامه وفعلا وحشتنا واخبار السمك ايه والجمبرى (الروبيان)

الله يسلمك وألف شكر

المشاركة الأصلية كتبت بواسطة max_pin

حمدلله على السلامة يابشمهندس طارق

ليا استفسار هل الفرع الجديد الى فى العبور شغال وينفع نعمل فيه الصيانات الدورية بشكل عادى
وهل متوفر فيه قطع الغيار زى المركز الرئيسى الى فى قليوب وهل فعلا هيكون فى سرعة فى تسليم العربيه بعد الصيانه
وكمان استفسار ان شاء الله وانا جاى من الصعيد ورايح اسكندرية عاوز اعدى على مركز الخدمة اعمل صيانة ال10000 لكن مع الأسف وقتها العربية هتكون عامله 10300 ك تقريبا
هل هيبقى فى مشكلة فى المركز عشان العداد
شكرا جزيلا باشمهندس طارق تحياتى

فرع العبور الجديد هو الفرع الخامس لشركة الرواس وبالتالي ممكن تتعمل فيه الصيانة والضمان زي كل فروع الرواس
بالتأكيد متوفر فيه قطع الغيار
مفيش اي مشكلة لو فيه زيادة شوية في العداد حتى لو 1000 كيلو

المشاركة الأصلية كتبت بواسطة drmsadek1979

استفسار بسيط يا مهندس طارق
عربيتي لانسر 2007 1600 اتوماتيك رقم الموتور 5936 والشاسية 2917 ممكن اعرف هي مواصفات اية ونوع العفشة

رقم الشاسيه والمحرك غير موجودين في المصري ولذلك فهي مش مصري ، ومن رقم الشاسيه يتضح انها مش خليجي (لأن الخليجي 6 أرقام تبدأ من الشمال بـ 7 أو 8) ولذلك فهي أردني
بس انا مش عارف الأردني عفشة رياضية ولا لأ