الموضوع: استفسار عن الكرولا

المشاركة الأصلية كتبت بواسطة معتز

طب ويعنى يحرموا الخليج وباقى العالم كله لية من الحاجات الجامدة دى لية...العالم برضة مش لة نفس يركب عربيات متطورة ولا هتكون غالية قوى عليهم ؟!!!!..مصر الدولة تقريبا الوحيدة اللى بتبيع العربية دى بالاضافة الى جنوب افريقيا.....عفوا...مش مقتنع بصراحة

يا باشا اوروبا كلها عندها التويوتا الجنوب افريقى مش اليابانى لأن مصنع جنوب افريقيا بيوزع لأفريقيا و اوروبا

الخليجيين مرتبطين جدا ببلد المنشا اللى هو اليابان خصوصا فى تويوتا وده اللى بيفسر ان الكورولا الجنوب افريقى مش نازله هناك لانها حتى لو احسن من اليابانى هيطلعوا فيها عيوب الدنيا ....اليابانى بالنسبه ليهم مقدس لانهم ماشافوش منه حاجه وحشه

التويوتا الكامرى اللى بتيجى السعوديه دلوقتى تقفيل استرالى وبالرغم من ان مبيعاتها لسه مرتفعه كالعاده الا انهم لاول مره يبداؤا يتكلموا عن جوده الكامرى والتقفيل خصوصا ان الكامرى دى بالنسبه ليهم العربيه الاسطوره المقدسه اللى مايتقالش فيها كلمه واحده

وبرضه النيسان صنى لسه بتنزل هناك يابانى بعكس عندنا تقفيل مصرى ومبيعات اليابانى هناك معديه النسخه الكوريه بمراحل

الشيفروليه كابريس الاسطوره اللى مفيش خليجى الا ويقول عليها احلى كلام من يوم ما بدات تجمه فى مصانع هولدن فى استراليا وهى نزلت الارض بالنسبه للخليجيين بالرغم من ان الفروق بينها وبين مثيلاتها الامريكيه او الكنديه الصنع مش جباره وسابوها وبقوا يركبوا الفورد كراون فكتوريا وميركيورى جراند ماركيز لانها امريكيه التصنيع ...


هما كده اتعودوا على بلد المنشا زى بالزبط الالكترونات والاجهزه الالكترونيه الدقيقه مايجيبوش غير اليابانى