frv owners

**castelo** · 04-03-2009 05:16 PM

ما دا الى انا بتكلم فية انها 16 valve يعنى 2 كامة مينفعش تكون كامة واحدة لان الvalves مش على استقامة واحدة بيبقى قصاد بعد عشان كدة لازم يكون فيه كمتان و لو كامة واحد يكون المتور 8 valve بس

و بنسبالى كنت حختار frv برضة مع انى مجربتش ال gen 2
بس ما و انا كنت بشترى ال frv مكنتش اعرفها برضة و اخترت ال frv و إن شاء الله ربنا يوفقك على ما تيجى تشتريها تكون عرفت عنها اكتر و عرفت مشاكلها و تقرر

**khaledazizeg** · 04-03-2009 06:32 PM

على فكرة الموتور داه 16v وكامة واحدة علوية وأنا كلمت التوكيل أتأكد قالى كدة فعلا
لأن الموتور بتاعنا SOHC
ممكن يبقى 8 صباب أو 16 صباب
والموتور ال2 كامة DOHC
لكن هنا لازم يكون 16 V
وكمان السلندرات بتكون على شكل V

**Mostafa Hessen** · 04-03-2009 07:59 PM

هى فعلا الsohc
كامة واحده بس و16 صمام والتقنية دى موجوده فى عربيات كتير .

**castelo** · 04-03-2009 11:47 PM

يمكن انا معرفش الى اعرفه هو الى انا قولتة عموما مش فرقة
فى بيتها

**smax** · 05-03-2009 10:36 AM

المشاركة الأصلية كتبت بواسطة khaledazizeg

انا ملاحظ حاجة غريبة
ان فى زى ترشيح زيت خفيف جدا عند الغطاء الى بنزود منه الزيت
وبعدين انا لما شوفت المقياس ما عرفتش اشوف حاجة لأن ما فيش اى علامة تدل على المقياس فياريت لو حد يوضحلى علشان انا اليومين الجايين ان شاء الله هسافر الاسكندرية كتير(ادعولى بالتوفيق )
وبالنسبة لموتور السبلندر مش زى الfrv لأن السبلندر فيها 2 كامة وال frv كامة واحدة

ممكن يكون زيت وقع علي الوش و هو بيحط الزيت و ممكن يكون الغطاء مش مضبوط بس ياريت تكشف بالمقياس و تشوف الزيت واصل لحد فين maximum و لا اعلي , لو كان اعلي يبقي لازم تروح بنزينة تفضية شوية

**Mostafa Hessen** · 06-03-2009 06:15 PM

المشاركة الأصلية كتبت بواسطة Eng_Ahmed_Hamdy

ممكن فعلا يكون عمود كامات واحد و يبقه متركب عليه الكام بروفايل بتاع شوط العادم و كام بروفايل بتاع شوط سحب الهواء و كل كام بروفايل طالع من تاكيه واحد بس طويل شوية و يكون دايس على صبابين بالعرض ..... فاهمين انا اقصد ايه.
على فكرة يا استاذ خالد المحرك اللى فيه عمودين كامة مش لازم يكون V-line عادى ممكن يكون in-line

كلام سليم وفعلا ال2 كامة مش شرط يكون على حرف V

**Mostafa Hessen** · 06-03-2009 06:19 PM

المشاركة الأصلية كتبت بواسطة smax

ممكن يكون زيت وقع علي الوش و هو بيحط الزيت و ممكن يكون الغطاء مش مضبوط بس ياريت تكشف بالمقياس و تشوف الزيت واصل لحد فين maximum و لا اعلي , لو كان اعلي يبقي لازم تروح بنزينة تفضية شوية

على فكرة كنت فى مركز الخدمة فى صيانة 2000كم وفعى حطو 4 لتر زيت وقبل مدور العربية طبعا بصيت على العربية من كل جنب وفتحت الكبوت ولاقيت شويت زيت على الوش وده بيتهيألى وهما بيحطوا هو كان حاجة بسيطة فمسحتها كويس ونضفت الوش وبعد ما رجعت البيت بصيت على الوش لأقيته نضيف يعنى ممكن الكلام ده وهما بيحطو الزيت بينزل على الوش بدون قصد...
وان شاء الله حقيس الزيت وشوف المقاس وقلكم.
وشكر يا Smaxعلى ملاحظتك