الموضوع: frv owners

المشاركة الأصلية كتبت بواسطة Ghost2

طيب يا جماعة كل ده كلام جميل بس يا ريت نتكلم عن الامان شوية
يعني مثلا الفرامل المفاجاة عاملة ايه معاكو والثبات عامل ايه معاكو
قعدة العربية مريحة او لا
يعني قصدي نتكلم عن العربية بعملية شوية
لاني بصراحة بفكر اشتريها ونفسي اسمع نصائح من مالك للسيارة
وانا ليا نسيبي شغال في توكيل جاجوار ونصحني ان العربية كويسة وهو مسمعش عنها حاجه وحشه وعلى سعرها كده تبقى ممتازة
بس ياريت يا جماعة نسمع المفيد من ملاك السيارة في اساسياتها المهمه اوي لاي حد بيفكر يشتري

انا هتكلم مع حضرتك بالنسبة للفرامل والثبات
انا بالنسبالى بعمل بالعربية يوميا فى حدود 300 كم
وطبعا فى الزحمة ووسط البلد
وطبعا بتقابلنى مواقف كتيرة جدا
وبفضل ربنا الحمد لله العربية انقذتنى من الموت اكتر من مرة داه طبعا بعد ستر ربنا ليا
يعنى انا هحكيلك اقرب موقف حصلى كان يوم الجمعة(يوم اليتيم) كنت راجع من دريم بارك وماشى فى طريق الفيوم وفجأة تريلة بمقطورة زنقت عليا ومافيش حل غير انى افرمل
ابص ورايا قبل ما افرمل اللاقى عربية فيرنا لزقة فيا واحنا ماشيين بسرعة فأخاف افرمل جامد وهوا يخبط فيا من ورا
فبقى قدامى 3 حلول يأما
1-ادوس فرامل وأخبط فى الفيرنا
2-اخبط فى المقطورة
3-ادخل فى الصحراء
وطبعا اخترت انى ادخل فى الصحراء (وعلى فكرة كل التفكير داه فى اقل من 5 ثوانى )
والحمد لله دخلت فى الصحراء بسرعة 80 كم\س والحمد لله العربية ماشاء الله عليها ثابتة كويس جدا كأنك ماشى على اسفلت بس المشكلة ان كان فيه طوبة كبيرة دخلت فيها من عند العجلة اليمين قدام والى ورا وطلعت من المشكلة ديه بسلام وبصراحة من الخضة مقدرتش انزل ابص على العربية
وبعد كدة مشيت عادى بالعربية وبعد 80 ك تقريبا بعد ماقفلت الكاسيت سمعت صوت دبدبة خفيفة مع العلم انى ماشى على 70كم\س نزلت ابص فيه ايه لاقيت الكاوتشة نيمة خالص على الارض
والى انا مستغربة ازاى العربية ما كانتش بتحدف يمين خالص وانا مشيت بيها مسافة كبيرة مع العلم ان المفروض حاجة زى ديه تبهدلى الدنيا وتخلينى ما أعرفش امشى خالص
فالحمد لله ربنا سترها معايا والعربية والله كل يوم بيزيد احترامى ليها عن اليوم الى قبلة
يعنى انا مش متخيل ايه الى كان ممكن يحصلى لو كان معايا عربية تانية
كان اقل حاجة زمانى كنت ميت دلوقتى لأن داه مش اول موقف داه انا تقريبا يوميا بتقابلنى مواقف اصعب من ديه

معلش طوات عليكوا