اسعار السيارات هتنزل ولا هتطلع....

**sherif Anton** · 22-02-2009 07:38 PM

اصبر لما تشوف الأزمة دي رايحة على فين ... الأسوأ مازال قادما

**waleed243** · 22-02-2009 08:38 PM

بصى يا استاذى انا رايى ان كل الى دخل قال راى كله بيقول اصبر وهاترخص والكلام ده كله بص انا هانقلك كلام الخبراء الاقتصاديين والمسؤلين فى الدولة وانت قرر:
1-معظم المؤشرات العالمية ابدت ان ماحدث بوادر لازمة اقتصادية عالمية
2-اعلن وزير التجارة المصرى ربنا يعمر بيته انه لا تخفيض فى الضرائب واسعار السيارات والدولة حاليا بدات تتخذ سياسه انكماشية وده ادى الى ارتفاع بعض الاسعار وانخفاض البعض الاخر والهدف من ذلك الاستعداد لمقابله الازمة العالمية
ومعاك ان مصانع انتاج السيارات فى العالم والوكلاء خسروا كتير بسبب الازمة
لكن الناس دى عندها خبراء اقتصاديين وهايحاولوا انهم يثبتوا اسعار العربيات عند مستوى معين عن طريق العرض والطلب بمعنى ان العرض هايكون على قد الطلب
ومن راييى ان السعر مش هاينزل كتير من هنا لاول السنة الجديدة الف او الفين او 3 الاف جنيه انت اولى بيهم لكن لو انت اشتريت عربيه دلوقتى مش هايفرقوا معاك كتير
ولاحظ ان المصرية للسيارات عندها موديلات من عام 2007 و2005 و2006 الشركة مانزلتش كتير من سعر العربية وبتحاول انها تحقق ربح
ان سيد مصيرك واعلم
راقب افكارك لانها ستصبح افعالك
وراقب افعالك لانها ستصبح عادات
وراقب عاداتك لانها ستصبح طباعك
وراقب طباعك لانها ستصبح مصيرك
وفقكم الله لما يحبه ويرضاه

**NoRmAl** · 22-02-2009 08:51 PM

متشكر على الاراء الكثيره و المفيده....
وانا فعلا هصبر زى ماقال الكثير من حضرتكم..

بس عندى سؤال فى غايه الاهميه ..
الفلوس الى معايه مش سايله ولكن متمثله فى عربيتى
اذا صبرت على اساس ان السيارات هترخص يبقى اكيد برضوا سوق السيارات المستعمله هينزل...
يبقى السؤال بقى ... ان كنت هصبر على الشراء
ابيع عربيتى دلوقتى على اساس انى لو بعت بعد كده هخسر اكيد فيها

لو العربيات بعدين رخصت .. ايه اللى يدفع البعض الى شراء المستعمل والجديد رخص؟
شكرا مجددا

**nabaster** · 22-02-2009 09:01 PM

المشاركة الأصلية كتبت بواسطة NoRmAl

متشكر على الاراء الكثيره و المفيده....
وانا فعلا هصبر زى ماقال الكثير من حضرتكم..

بس عندى سؤال فى غايه الاهميه ..
الفلوس الى معايه مش سايله ولكن متمثله فى عربيتى
اذا صبرت على اساس ان السيارات هترخص يبقى اكيد برضوا سوق السيارات المستعمله هينزل...
يبقى السؤال بقى ... ان كنت هصبر على الشراء
ابيع عربيتى دلوقتى على اساس انى لو بعت بعد كده هخسر اكيد فيها

لو العربيات بعدين رخصت .. ايه اللى يدفع البعض الى شراء المستعمل والجديد رخص؟
شكرا مجددا

معلش يا باشا هرد عليك انا في النقطه دي

حضرتك الكسبان الوحيد من نزول الاسعار المستهلك الي معاه فلوس سايله في ايده

انتا دلوقت معاك عربيه مستعمله هتبيعها وتشتري جديده هتدفع فرق معين اكيد

نيجي بقي مع الاسعار اما تنزل هتبيع عربيتك القديمه وهتشتري الجديده نفس الفرق بردو هتدفعه يعني هيا هيا مفيش معاك فرق طالما حضرتك اصلا معاك مستعمل

ليا بس تعليق عليك في الاخر بلاش اللون الاحمر لانه مخصص للاداره وشكرا

**ابو فرح** · 22-02-2009 09:23 PM

يوم ما هتنزل كبيرها 2000 او 3000 مش اكتر

**emadosman63** · 22-02-2009 09:26 PM

أن رأيى الشخصى أن الوقت مناسب للشراء وحتى الشهر القادم باعتبار أن الأزمة الأقتصادية سوف تؤدى الى نقص المعروض من السيارات لأغلاق الشركت المصنعة لعدد من مصانعها بسبب الكساد وتوفيرا للنفقات ومن المؤكد بعد تصريف المخزون الموجود بالسوق سوف تزيد الأسعار لزيادة الطلب وانخفاض المعروض وارتفاع تكلفة الأنتاج والسؤال المهم متى يتم تصريف هذا المخزون خلال شهر أو أكثر لا أحد يعلم ولكن توجد نقطة فا صلة وهى أمن الممكن أن تؤدى الأزمة الى انخفاض قيمة الجنيه مقابل العملات الأجنبية وبالتالى ارتفاع قيمة السيارة اوتوماتيكيا لا أحد يعلم :k38:

**NoRmAl** · 22-02-2009 09:27 PM

المشاركة الأصلية كتبت بواسطة nabaster

معلش يا باشا هرد عليك انا في النقطه دي

حضرتك الكسبان الوحيد من نزول الاسعار المستهلك الي معاه فلوس سايله في ايده

انتا دلوقت معاك عربيه مستعمله هتبيعها وتشتري جديده هتدفع فرق معين اكيد

نيجي بقي مع الاسعار اما تنزل هتبيع عربيتك القديمه وهتشتري الجديده نفس الفرق بردو هتدفعه يعني هيا هيا مفيش معاك فرق طالما حضرتك اصلا معاك مستعمل

ليا بس تعليق عليك في الاخر بلاش اللون الاحمر لانه مخصص للاداره وشكرا

متأسف على اللون الاحمر
بس معلش انا مفهمتكش..
اذاى الفرق واحد و هيه هيه؟؟
اذا هترخص العربيات يبقى ابيع دلوقتى احسن و بعدين اشترى بقى لما العربيات ترخص..
حضرتك فاهمنى؟

**karaktar** · 22-02-2009 10:05 PM

أنا من رأيي إن استحالة اى حد مهما كان يقدر يحدد ان الاسعار هاتغلى او ترخص صعب جداً فى الوقت الحالى

انا معايا تيدا 2009( اما ابتديت افكر اشتريها كان فى شهر نوفمبر 2008 وفضلت مستنى لغاية شهر يناير 2009 ومنزلتش ) الى ان قررت شرائها وحتى الان ونحن مقبلين على شهر مارس لم ينزل سعرها حتى الان واما جيت اشتريها الراجل نزللى فيها 3000 بالعافية كفصال مش اكتر

وحتى الان سعر العربيات الاوروبى مانزلتش بالدرجة اللى احنا عايزينها

اتضح ليا حاجتين اولاً الاسعار نزلت بعض الشئ بسبب قلة الطلب تانى سبب حملة خلوها تصدى

إذاً فالنستمر فى حملتنا وان شاء الله يكون ليها صدى اكتر

(بالمناسبة العربيه اللى انا جبتها دى تقسيط بدون فوائد تبع الشركة اللى بعمل فيها يعنى العربيه لسة مش بتاعتى والشركة هيه اللى جايبهالى
عشان ماتفهمونيش غلط وتقولو ازاى ده مع الحملة ولسة جايب عربية موديل 2009)

**lonedoctor** · 24-02-2009 01:25 PM

المشاركة الأصلية كتبت بواسطة waleed243

بصى يا استاذى انا رايى ان كل الى دخل قال راى كله بيقول اصبر وهاترخص والكلام ده كله بص انا هانقلك كلام الخبراء الاقتصاديين والمسؤلين فى الدولة وانت قرر:
1-معظم المؤشرات العالمية ابدت ان ماحدث بوادر لازمة اقتصادية عالمية
2-اعلن وزير التجارة المصرى ربنا يعمر بيته انه لا تخفيض فى الضرائب واسعار السيارات والدولة حاليا بدات تتخذ سياسه انكماشية وده ادى الى ارتفاع بعض الاسعار وانخفاض البعض الاخر والهدف من ذلك الاستعداد لمقابله الازمة العالمية
ومعاك ان مصانع انتاج السيارات فى العالم والوكلاء خسروا كتير بسبب الازمة
لكن الناس دى عندها خبراء اقتصاديين وهايحاولوا انهم يثبتوا اسعار العربيات عند مستوى معين عن طريق العرض والطلب بمعنى ان العرض هايكون على قد الطلب
ومن راييى ان السعر مش هاينزل كتير من هنا لاول السنة الجديدة الف او الفين او 3 الاف جنيه انت اولى بيهم لكن لو انت اشتريت عربيه دلوقتى مش هايفرقوا معاك كتير
ولاحظ ان المصرية للسيارات عندها موديلات من عام 2007 و2005 و2006 الشركة مانزلتش كتير من سعر العربية وبتحاول انها تحقق ربح
ان سيد مصيرك واعلم
راقب افكارك لانها ستصبح افعالك
وراقب افعالك لانها ستصبح عادات
وراقب عاداتك لانها ستصبح طباعك
وراقب طباعك لانها ستصبح مصيرك
وفقكم الله لما يحبه ويرضاه

كلامك صح الصح لكن الكلام ده والنظريات الاقتصادية الجامدة دى يتم تطبيقها على الدول والشركات المنتجة للسيارات بحق وحقيق اما الدول المستوردة على الجاهز زى حالتنا عندها دورة راس مال علشان تحقق ربح وتغطى رواتب موظفيها وتكاليف الادارة وفى نفس الوقت هم بيبالغوا فى هامش الربح جدا فلما يتوقف حالهم لتوقف الشراء لازم يخفضوا الاسعار بنسبة معقولة والا يقفلوا ويسرحوا عمالهم يعنى فى الغالب ممكن يكون انخفاض الاسعار على مستوى هامش الربح وليس على مستوى سعر السيارة الاساسى فى الغالب وفى نفس الوقت بيطالبوا الحكومة تنزل الجمارك شوية علشان يا عينى المساكين موش هيعرفوا يكسبوا جامد زى الاول وطبعا علشان حكومتنا الغالية قلبها حنين جدا وبالذات على رجال الاعمال المساكين اللى بيجروا على كوم لحم هتساعدهم وتنزلهم الجمارك وهو ده فى الغالب هيكون نفس نسبة التخفيض اللى هتحصل وهتكون 10% غالبا وتمر الايام وتنتهى الازمة الاقتصادية ويرجعوا الاسعار اكتر من الاول ويستفيدوا من تخفيض الجمارك اكتر واكتر
لكى الله يا مصر اللهم ارحمنا يارب