معلش كلام بره الموضوع زوجتك الفاضله ربنا يكرمها عملت كده ازاي :O_stupid[1]:؟؟؟؟وفرق فايه نحب نعرف ؟؟؟؟
اصل انا مش بحب الشاي قوي مبيفرقش معايا و بيتعبني ساعات بس لما تفتحو موضوع عن القهوه والنسكافيه اعملو حسابي فيه
عرض للطباعة
أكتر شاي عجبني هو شاي إسمه
Delma Cylon Gold
هو موجود في مترو وكارفور وسعره غالي شويه، حوالي 15 جنيه للربع كيلو، وهو شاي ورق مش شاي ناعم يعني.
شاي السلام زمان كان رائع لكن دلوقت ما بقاش سيلاني صرف وبقى أسوأ شاي من ناحية الطعم.
أنا شايف إن شاي ليبتون اللي موجود في مصر أوحش من شاي العروسه.
أنا أحب أشرب الشاي بمعلقة سكر واحده، عشان أنا باحب طعم الشاي أوي، ولو حطيط سكر كتير هايغطي على طعم الشاي.
على فكره، الشاي مش مضر بالعكش الشاي مفيد بس لازم نشربه بإعتدال ولازم نشربه في الوقت الصح.
والشاي اخضر كمان يعتبر من أكتر المشروبات المفيده اللي البشريه تعرفها.
انا كنت متوقع ان الشاي ده هو اللي حيكسب في الاستفتاء
بس الناس مزجات طبعا
طيب حد فاكر شاي التموين زمـــان اللي كان مرسوم عليه فلاحة ؟؟
حد فاكر اسمه ؟؟
الشاي ده كان عبارة عن نشارة حديد + نشارة خشب +كربون
بس كان تحفة ومافيش حاجة تعدل الدماغ غيره
وكان ببلاش وراحمنا من المبالغ اللي بندفعها دلوقتي (علشان الكيف بيذل طبعا)
على فكرة بواكي شاي التموين دي كانت بتحل محل الفلوس يعني ممكن
دفعها اكرامية لساعي في مصلحة يخلصلك مصلحتك
تديها للدادة في المدرسة تجبلك النتيجة من الكنترول
تديها للبواب اكرامية مشال كده يعني
(طبعا مواليد من 1978 وطالع شايفين اللي باقوله ده خيال علمي , لكن اسألوا حد كبير من الطبقة المتوسطة حيحكلوا)
شاي التموين زمـــان اللي كان مرسوم عليه فلاحة كان إسمه ((مبروكة)) وكان شاى ملوش حل فى تركيبته اللى كانت بتتكون من الآتى :
نشارة خشب - مر بطارخ - نسبة من برادة الحديد ويتم مزجهم جيدا مع إضافة نسبة ضئيلة من الشاى الحقيقى لإضفاء نكهة الشاى على التركيبة ( منه لله إللى اخترعها)
أحلى شاى ممكن يتشرب حاليا هو شاى الربيع فعلا محترم
شربته فى السعودية طعمه جننى ولما جبته من مصر معرفش ليه حسيت إنه عادى (يمكن حالة نفسية بقى)
يابني انت واحشني جدا يا ريت اعرف اشوفوك زي زمان
والله برافو مدام هاني ادام انها خلت المهاتما يبطل شيشة
ويا سلام دوم وكركدية وتمر كمان
ربنا يباركلك فيها ويباركلها فيك يا اخي العزيز
شوف يا باشا
انا بحط نص الكمية اللي بحطها من الايرل جراي في الكوباية واحط الفتله واحط المعلقة على الفتلة عشان المية السخنة ماتخليهاش تاخد هوا وتطلع فوق وش الكوباية
واصب المية بس بعد رفعها من على الغلاية بثواني مش وهيا بتغلي عشان ماتعملش رغاوي
وطبعا ماحطش سكر عشان الشاي يخرط والمية تعرف تكتسبة الطعم والنكهة كويس من الشاي
وبعدها بدقيقة كدة ابدا احط معلقة السكر اليتيمة اللي بشرب بيها الشاي ونص معلقة لو كوباية صغيرة
وابقي ادعيلي
وتصدق فعلا يا محمد باشا الليبتون اول ماتحط علية مية سخنة يلون كانه مصبوغة
ولما تسيب الفتلة شوية تحس بطعمة بقي مر ومهما سكرته ما ينفعش
الشاى الورق ده جامد جدا خاصة التوينج
ومرة وانا في مطروح جربت الشاي اللي جاي من ليبيا
كان ورق وطعمة معقول بالنسبة لسعرة
كان الكيلو ب 25 تقريبا
أحلى شاي في مصر هو تويننجز يليه ديلما اللي أوفر منه بكتير.
الشاي الأخضر أبو نعناع بتاع تويننجز ده ملوش حل, أنا مدمناه بجد. مفيش أي نوع شاي أخضر تاني في نفس الطعم.
الشاي الأحمرالعادي بتاع تويننجز برضه مزاج. أنا حماتي كييفة شاي, و كانت ما بتحبش أي نوع شاي في مصر و بتبعت تجيب من دبي الشاي بتاعها. قلتلها حاجيبلك شاي أحلى من كل ده. جيبتلها تويننجز بريكفست تي و كل ما تشوفني تقوللي أنا بدعيلك كل يوم الصبح و أنا بأشرب الشاي, ده أحلى شاي دوقته في حياتي. رغم اني جيبتلها فتلة بس بتقوللي طالما الفتلة مظبوط أوي كدة و مش بيمرر الطعم يبقى أسهل من السايب.
الشاي المصري بقى بأنواعه (ليبتون يعتبر أحسن الوحشين فيها) ليه طعم غريب كدة, و تحس انك متأكد انه مضاف له اضافات غريبة و ألوان. و الفتلة كمان حكاية لوحدها تحس انها بتدي طعم فيه مرارة كدة لو سبتها شوية في الكوباية. الواحد مش بيحس بسوء الشاي المصري الا لما يشرب نوع نضيف مدة, لو جيت تشرب بعديها المصري بتحس انه حاجة تانية خالص ما يتقالش عليها شاي.
معلش يا جماعة الكلام خدني. أصل انا كييفة شاي و نسكافيه, و بأشربهم من غير سكر و لا لبن عشان بحب أستمتع بطعمهم. مش عارفة الناس اللي بتشرب شاي بسكر كتير دي ما بتشربش ميه بسكر و خلاص ليه:)
انا مليش فى الشاى قوى
بس لو شربته يبقى " كشرى فى الميزو على مياه بيضا "
ليبتون بنكهه الخوخ و الزهور
بس مش لاقيه اليومين دول
وهمىىىىىىىىىىىىىىىىىىىىىى
على فكره الليبتون مكنتش بشرب الا هو
ولكن زي ما هاني المهاتما قال كده بالظبط
وصلني لمرحلة اني بطلت الشاي خالص
بس لسبب انه بيسبب حموضه فظيعه
ولما شربت احمد تي لقيته فعلا خطير وهناك فرق جامد جدا في الطعم
ليبتون بتحس ان فيه مرارة بجد شاي سئ جدا مقارنة بأحمد تي
وان شاء الله اجرب توينينج
ولكن ديلما بحس انه بيرطب بعد فتره
وساعات بحس ان طعمه مايع مش مظبوط
حتى الشاي الأخضر بتاع ليبتون حاجه وبتاع احمد تي حاجه تانيه خالص
بصراحه ليبتون وحش قوي
وكويس كريم وضح الموضوع انه علشان من كينيا