يا أخ اليشع، انت مش هتبطل تدخل كل شوية بعضوية جديدة لمجرد انك تخلق جو من البلبلة بين الأعضاء؟
عيب كده انت مش صغير
عرض للطباعة
يا أستاذ حسام سيبك وخلينا في موضوعنا , ده منتدى اجتماعي و الناس حبة تدردش مع بعض
دلوقتي عاوزين نعرف الناس بتحب الشاي معمول إزاي ؟؟
1- فتلة ؟
2- براد (مغلي) ؟
3- كشري (على مية بيضا) ؟
4- صحراوي؟ (بيحطوا الشاي والسكر في البراد ويولعوا عليه يخرط كله مع بعضه)
أنا عن نفسي بحبه براد
وأنت ؟
انا اخر مرة شربت فيها شاى كانت من حوالى 15 سنة و مكنتش باشرب بانتظام، يعنى صدف، بس كنت بابعد عنه تماما ايام الأمتحانات علشان كنت لازم انام على 8 ساعات على الأقل قبل ما اروح الأمتحان.
انا باحط معلقتين سكر على الكوباية الكبيرة ....
وبافضل سكر التموين ... سكر الاسرة مش بيحلي كويس ... باحس انه ابيض علي الفاضي ... السكر الغامق شوية ده ... هو الافضل :S_thum1[1]:
...... وانا متفق معاك تماما في طلب تثبيت الموضوع ....
انا ممكن استغنى عن عربيتي ..... لكن عمري ما استغنى عن كوباية الشاي .....
الربيع
ليبتون
انا بحب اشرب شاي بالياسميين بتاع الزعيم عادل امام
:C_laugh[1]::S_thum1[1]::C_laugh[1]::S_thum1[1]:
العروسة ...ويبقي مظبوط بعد اكلة حلوة و تقيلة
بس احسن شاي شربتة كان شاي شوارع .....عند واحد في شارع نادي الصيد بيعملة للسواقين بروحلة بعد ماكل من عند فرحات اللي في ميدان لبنان ...اقوله كوباية شاي مظبوطه ...اخلص كلمة مظبوطه من هنا اسمع تقليب ...يجبلي كوباية بتنقط مية منغير ودن و التفل بتاع الشاي عمال يدور في الكوباية .....و اشرب واتكيف :wacky:
شاى العروسه ويكون مش فتله