اختفاء اطفال الشوارع ,وتجارة الأعضاء البشرية ,هل توجد علاقة؟

**asbeats** · 24-02-2009 09:19 PM

بسم الله الرحمن الرحيم

منذ ايام كنت اجلس مع احد الناس البسطاء الذين تمتلئ بهم شوارع المحروسة,تطرقنا في الحديث الى عشرات المواضيع في السياسة والطب والتاريخ واي موضوع يخطر ببالنا الحديث فيه

ومع الوقت اقتادنا الحديث الى الأطباء خاصة بعد ان انتشرت الكثير من الأخبار عن المصائب التي يرتكبها "قلة" فاسدة منهم

كنت ادافع بالطبع عن الأطباء بحكم كوني واحدا منهم واهاجم في نفس الوقت سلوكيات الفئة المنحرفة منهم.

المهم سألني الرجل سؤالا اقشعر له بدني:

"تفتكر يا دكتور العيال اللي كانوا بيناموا في الشوارع دول و بيقرفونا في كل شارع وكل حتة راحوا فين؟مش ملاحظ ان عددهم قل اوي؟
لعلمك بأه يا دكتور دول اتخطفوا واتقطعوا واتباعوا لأصحاب نصيبهم!!!!!"

صدمت حين قال هذا الكلام وانهيت الحوار معه ثم استغرقت في التفكير.....

هل فعلا اختفى عدد كبير من اطفال الشوارع؟
هل هذا هو الحل الجذري الذي ابتدعوه للقضاء على هذه الظاهرة؟
ها الدنيا بهذه القسوة؟اما يكفي عذابهم بين الأحياء لتنتهي حياتهم هذه النهاية القاسية؟

و درت ابحث بعيني عنهم وانا ارجو من الله ان يكون كلام هذا الرجل هو محض خيال وافتراء

**Casio2000** · 24-02-2009 09:50 PM

مالين الشارع - عددهم لم يقل و يا رب ماحدش ينتبه للفكرة يقوم ينفذها

**ابو فرح** · 24-02-2009 09:54 PM

لا فعلا اختفائهم مربوط بسرقه الاعضاء لسه لاقين عيل تحت كوبرى غمره ميت ومعدته مفتوحه ومتاخد منها كل حاجه
وربنا يحفظنا دى حتى وصلت انهم بيخطفو الاطفال من الشوارع

**badry** · 24-02-2009 10:01 PM

لا حول و لا قوة الا بالله....

ظهر الفساد و استشرى....

**asbeats** · 24-02-2009 10:01 PM

المشاركة الأصلية كتبت بواسطة Casio2000

مالين الشارع - عددهم لم يقل و يا رب ماحدش ينتبه للفكرة يقوم ينفذها

تفتكر ان الناس دي مستنية حد يلفت نظرها ليهم,دي عصابات

ويارب يكون الكلام ده فعلا غلط

**mohmd76** · 24-02-2009 10:02 PM

والتصدير الذى اشيع الى امريكا واوربا ؟

**zeyad1810** · 24-02-2009 10:03 PM

احنا عايشين فى بلد اصدق ان اى حاجة تحصل فيها

**khpopo** · 24-02-2009 10:11 PM

فعلا قلو جداا فى الشارع
حسبنا الله ونعم الوكيل

**Ghamrawy** · 24-02-2009 11:45 PM

بس مين ده اللى حياخد عضو من واحد عايش فى الشارع وسط الزبالة و القذارة و على الاقل بيشد كله و بيشرب سجاير و بيعمل علاقات جنسية مع غيره من اطفال الشوارع سواء علاقات شاذة او غيره ؟؟؟
اكيد حايكون منتهى الصلاحية و لو اتنقل العضو لاى حد حايبقى الموضوع مالوش لازمة و العملية حاتبقى كلها امراض و قرف

**eng.octooo** · 24-02-2009 11:57 PM

مافيا الاعضاء
انا قريت على النت ترتيب دولهم المصدرة اولها
الهند
الصين
باكستان
السودان
مصر
ليبيا
و......
المهم ان مصر رقم 5 فى تصدير الاعضاء مجهولة المصدر من المافيا بذمتكم دة حرام ولا لا