حساس وضع الخانق (البوابه)

**فادى محمد** · 02-11-2009 06:31 PM

فينك يا ا سمير

**samirayad** · 02-11-2009 07:16 PM

المشاركة الأصلية كتبت بواسطة hellboy

استاذي العزيز ..كنت عاوز اسال حضرتك كام سؤال للايضاح ..

-عيوب حساس التي بي اس تظهر مع الضغط علي الاكسراتير فقط ( دفعات العادم) ولا مع السلانسيه ايضا اثناء الثبات ؟
-حضرتك قلت ان الحساس ده بيفسد نتيجه فصل في زراع التحريك اللي بيحول الحركه لقيمه جهد كهربي . معني كده اني لو شيلت فيشه الحساس اثناء ما العربيه دايره مش هيحصل حاجه ؟
-لو خرجت الحساس وقيست قيمه التصاعديه بالافوميتر اثناء تحريكي لزراع الوصل ولقيتها منتظمه في الزياده هل ده دليل كافي ان الحساس سليم ؟
- هل بوظان التي بي اس يؤدي لارتفاع استهلاك البنزين؟
معلش انا طولت علي حضرتك. بس انا عمري ما باشبع من المعرفه وربنا يجعله في ميزان حسناتك .

تظهر عيوب الحساس فى كل الأوقات حتى على السلانسيه لأن وحدة التحكم بتعتمد عليه فى تحديد وضع البوابه (وعندك باب الكربوراتير )

ولو فصلت فيشته ....المفروض لمبة الأعطال حتنور ....وحيختل آداء المكنه
وبالذات عندك لأن أكيد وحدة التحكم بتعتمد عليه فى تحديد كمية البنزين المطلوبه من الرشاش اللى فى مكنتك
ممكن المكنه حدور عادى ....بس أعتقد مش حتعرف تمشى بالعربيه كويس

الحساس ده ممكن ينفصل زراعه المتحركه عن المقاومه الثابته بتاعة البوتنشيومتر فى أى نقطه
وبالتالى الأسكانر أفضل ....حيبين وضعه كويس

وبوظانه بدون شك حيؤدى الى أختلال أستهلاك البنزين لأن أشارته بتعبر عن الحمل المطلوب من المكنه .............وحمل يعنى أستهلاك بنزين

**samirayad** · 02-11-2009 07:18 PM

المشاركة الأصلية كتبت بواسطة hellboy

فينك يا ا سمير

معلش ياباشا لسه شايف السؤال دلوقتى لما نبهتنى

**فادى محمد** · 02-11-2009 08:24 PM

الف شكر يا ا سمير . انا ان شاء الله رايح اغيره بكره من المنصوره وهكتب النتيجه باذن الله كملحق لموضوع حضرتك .

**samirayad** · 02-11-2009 08:41 PM

بالتوفيق يا فادى باشا
بس ياريت تعمل برضه أسكانر الأول
للتأكد من تحليلنا للمشكله
ويشرفنا وضع تجربتك بالموضوع
مهما كان السبب

**فادى محمد** · 03-11-2009 07:52 PM

اشكرك علي زوقك يا ا سمير .. انا لسه راجع من المنصوره عملت اسكان والحساس زي الفل وصاحب المركز لفت انتباهي . قاللي ان التفتفه دي كهربا وممكن تكون بسبب عيب في شاكوش او وش الاسبراتير فايه راي حضرتك ؟ انا عموما هروح عند واحد عندنا شغال في الاستيراد وهاخودهم منه واركبهم قدامه لو العربيه ظبطت يبقي تمام ولو زي ما هي ارجعهم وربنا يعمل الخير . علي فكره انا عامل موضوع عن تغيير اويل سيل الاسبراتير في الموضوعات المثبته في قسم اوبل ياريت حضرتك تقوللي رايك فيه ؟ مع خالص تحياتي .

**samirayad** · 03-11-2009 09:08 PM

انا لسه راجع من المنصوره عملت اسكان والحساس زي الفل

الحمد لله

قاللي ان التفتفه دي كهربا وممكن تكون بسبب عيب في شاكوش او وش الاسبراتير فايه راي حضرتك

راجل رأيه تمام بدون أدنى شك

انا عموما هروح عند واحد عندنا شغال في الاستيراد وهاخودهم منه واركبهم قدامه لو العربيه ظبطت يبقي تمام ولو زي ما هي ارجعهم وربنا يعمل الخير .

توكل على الله
وعندى لك نصيحه برضه
حاول أنك تصنفر النحاسات اللى جوه وش الأسبراتير كويس على خفيف ونظف تمام وجرب
يمكن يكون عيب تلامس بين الشاكوش والنحاسات (اللى جوه الوش )
وجرب قبل أى حاجه

علي فكره انا عامل موضوع عن تغيير اويل سيل الاسبراتير في الموضوعات المثبته في قسم اوبل ياريت حضرتك تقوللي رايك فيه ؟

حشوفه أن شاء الله
وأكيد حقولك شكرا على الأقل
وأبقى طمنى برضه بعد وصولك للهدف

**samirayad** · 03-11-2009 09:13 PM

ان شاء الله هعمل سكانر عليه واشوف اذا كان هيتغير ولا ايه ,

الأسكانر هو اللى بيبين وضع الحساس ده بالضبط
لأن تركيب البوتنشيومتر بتاعه حساس شويه
وأى خلل فيه بيبوظ الحساس

بس حضرتك تفتكر انه مثلا عايز يتنضف او حاجه ولا طالما ظهرت اعراض تلفه يبقى خلاص مفيش منه أمل

للأسف الحساس ده مبينفعش معاه نظافه زى بلف الأيدل مثلا
ولكن يا أستاذ : أحمد
ممكن تحاول أنك تنظف فيشته والسوكيت بتاعه
يعنى الدكر والنتايه (اللى بيتوصلوا على بعض كهربيا )
بمنظف ألكترونيات كويس
وتقفل الفيشه كويس وتجرب
لعل وعسى ربنا يكرم
ويكون العيب
عيب فى فيشة الحساس

**فادى محمد** · 21-11-2009 07:57 PM

الحمد لله يا ا سمير الموضوع انتهي علي خير .. مش عارف ليه دايما ابدا بالصعب ويكون الموضوع بسيط جدا . التفتفه اللي من الشكمان كانت بسبب كهربا ضعيفه من البوجيهات . البوجيهات كانت طالعه فل الفل انما ما انتبهتش للون اصفر خارج من تحت الخزف اللي هو دليل ان البوجيه بيهرب كهربا . ركبت طقم جديد والحمد لله كله تمام . تعبتك معايا ياباشا

-

الموضوع: حساس وضع الخانق (البوابه)

LinkBack

أدوات الموضوع

عرض

-

-

-

-

المواضيع المتشابهه

تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس

حساس البوابه .. لانسر بومه 1600

حساس البوابه لانوس 2

تاكسي بحري في لبنان لتجنب الازدحام الخانق

جيت أنظف البوابه زي وصف المستشار ممدوح ملقتش البوابه

الكلمات الدلالية لهذا الموضوع

المفضلات

المفضلات

ضوابط المشاركة