يا باشا و لا يهمك
.
علي فكره ده استهلاك عالي شوية بس مش ده افضل استهلاك في العربية قوي برضه .. بس المفروض انه يتحسن ع ال 5000 كده
عرض للطباعة
الف شكر يا محمد بك لسعة صدرك و هتعبك عشان انا ناوى على التغيير باذن الله و عاوز عربية عالية عن الارض و تقريبا بسعر معقول مفيش غير التيجو!
مفيش اى عيوب ظهرت فى التقفيل_فى اتزان العربية فى السفر
هل عزم الموتور كافى بالنسبة لوزن العربية؟
استلاك البنزين معقول بالنيبة لفترة التليين!!!
تكييف العربية اخباره ايه فى الحر؟
حضرتك انطباعك عن العربية فى المجمل ايه و هل تعتبر صفقة رابحة
حضرتك تأمرنى و اتعبنى براحتك ولا يهمك
بصراحه علو العربيه عن الأرض مخليها ممتازه جدا جدا فى شوارعنا و انا حاسس بفرق كبير اوى اوى لأنى كنت راكب فيليشيا
التقفيل ممكن نقول انه معقول جدا بالنسبه للسعر انا مش هقولك ممتاز بس و الله انا شايف انه كويس بالنسبه لعربيه ب 80000 جنيه و بالمواصفات و الأوبشن ده
الأتزان اكتر من رائع و ده عاجبنى اوى انا لسه مخلص ال 1000 الأولى و جربتها برده فى ملفات جامده فى اسكندريه لقيتها متزنه جدا لأن كمان الكاوتش مقاسه عريض
على فكره انا فى يومين شوفت اكتر من 6 او 7 تيجو فى بورسعيد (مع كل حبى لشعب بورسعيد الجميل)
واضح ان فى اقبال شديد عليها مع العلم ان اخوانا فى بورسعيد خبراتهم عاليه مع العربيات لأنهم فى رايي طول عمرهم بيركبوا افضل عربيات فى مصر
اما التكييف فهو تلاجه زى ما قلت فى الحر بس للأمانه برده زى اى عربيه بتحس بفارق نوعا ما فى السحب لما بيكون شغال
بس انا بفضل اشغله فى الحر الجامد على انى اجرى بالعربيه
انا مش حاسس انى رميت فلوسى على الأرض خالص
و اقدر اقولك انها صفقه رابحه توكل على الله لو عندك نيه
لأن الموتور لسة ما إداش أفضل أداء له من حيث القوة و السحب و العزم
و بعد كده حتدوس بنزين أقل عشان توصل لنفس الي كنت عاوز توصل له قبل كده
انا تحت امرك و فى خدمتك
ياجماعه أنا متابع ردودكم والحوار بينكم ومتابع أخبار السياره دي من زمان أول منزلت 2000 سي سي وعجباني جدااااا بس ربنا يخليه أستاذ محمد طايل ويبركلوه في سيارتوه وياخد خيرها ويكفيه شرها
أكدلي بكلاموه إنها هي المناسبه لشوارع بلادنا ومناسبه كمان بقينتها الماليه وأنا شايف إللي يحبها بفتحتة سقف ممكن في المستقبل يعملها في القاهره في أماكن متخصصه لأن واحد صاحبي عملها لتويوتا الياريس بتاعتوه ب5000 جنيهه وكهربه طبعا أما اليدوي ب3000 جنيهه وبالنسبه للكاسيت السي دي ده ممكن برضوه تشتريه وماركه أعلى ويكون تتش وبيشغل الفيديو كمان يعني كل دي كماليات مش أكتر
أما الأهم السياره دي ناجحه
من فضلكم: ياريت حد جرب العربية دى على طريق سفر يقول لنا ثبات العربية كويس؟ ولحد سرعة كام؟
والعربية أخرها كام؟
وجزاكم الله كل خير