وبرضو أنا مهندس ميكانيكا و عندى خبرة كبيرة فى صيانة وأصلاح السيارات. فممكن ألاقى حل لموضوع وصلة البنزين ده ونقترحه على التوكيل ليكون حل نهائى دائم لهذا العيب ويطبقوه على كل العملاء اللى أشتروا السيارة.
عرض للطباعة
وبرضو أنا مهندس ميكانيكا و عندى خبرة كبيرة فى صيانة وأصلاح السيارات. فممكن ألاقى حل لموضوع وصلة البنزين ده ونقترحه على التوكيل ليكون حل نهائى دائم لهذا العيب ويطبقوه على كل العملاء اللى أشتروا السيارة.
طيب يا جماعة هو ايه مشكلة وصلة البنزين ... حد يفهمنا
للأسف الشديد التيجو خيبت ظنى فيها النهارده اتفرجت عليها على ال 1600 لقيتها جر أمامى وموتور بالعرض
يا خساره بجد عربيه زى دى كان لازم تبقى موتور بالطول ودفع خلفى
ياجماعة ارجوكم اللي يقول كلمة هنا لابد ان يكون صادق النية وعن تجربة ودراية انا معي التيجو ال2000 سي سي الاوتوماتيك وتعديت ال5000 كيلو والعربية زي الفل ماشاء الله عليها وفيها كل الكماليات اللي تحبها ماتور جبار عفشة اكثر من ممتازه فتحة سقف فتيس مزدوج (مانيول واوتوماتيك) الشنطة 800 لتر نقريبا كاوتش عريض ثبات على الارض وانا جبت بيها 160 كيلو فرش مريح جدا تكييف اكثر من رائع استهلاك بنزين زايد شويه تابلوه اخر شياكة كاسيت في منتهى الروعة يعرض عدد خمس افلام بتوزيع للصوت كأنك في السينما والعربية محاطة بعمود فولاذي قوي اير باج زجاج كهرباء مرايات كهرباء ضد السرقة التوكيل سواء في ابورواش او شارع التحرير او جسر السويس اكثر من رائع اكثر من ست مرات حتى الان التوكيل يرسل لي رسالة على الموبايل لعمل صيانة مجانية وصيانة الخمس الاف كلفتني 34 جنيه لان ولاعة السجائر كانت عطلانه وغيروا فلتر المكيف والجماعة منظمين جدا السحب في الاتوماتيك اقل طبعا من المانيول الماتور بالطول ولا بالعرض سحب امامي ولا خلفي مافيه عربيات ماركات محترمة جدا بنفس النظام ! مش عارف الكلام اللي بقراوا من بعض الناس جابوه منيين لذلك اكرر ارجو من كل من يكتب ان يكون صادق النيه ولا يقول الا الحق مع خالص تحياتي للجميع
قصدك ايه ؟
هل انت بتقول أن موتورها بالطول ؟
هل تتهمنى بعدم الصدق فى النيه ؟
ولا لازم أدخل أشكر فيها علشان أبقى صادق النيه ؟
بتقول إن فيه ماركات محترمه زيها ؟
مفيش ماركات محترمه زيها يا باشا
مفيش عربيه جيب موتورها بالعرض
العربيه موتورها بالعرض وأنا اتفرجت عليها لأنى كنت بفكر فيها لكن لما لقيت موتورها بالعرض صرفت نظر عنها ( أنا حر ) يمكن أنا غلطان لكن معتقدش إن ده تصميم كويس
تقدر تروح تشوف موتور الفيتارا و التيريوس عشان تعرف الاستاذ قصده ايه بالصدق في النيه .. إلا بقي لو قصدك جيب يعني شيروكي .. ابقي روح اشتريها
معلش .. واضح ان حضرتك راجل سفاري كبير و ما تقبلش غير بلاند كروزر !
كلام غريب .. عرض ايه؟ و طول ايه؟ تقدر تقوللي تفرق معاك في ايه ؟
طب بلاش.. عشان تبقي نصحت و افدت .. ايه بقي اللي فيه المميزات اللي حضرتك بتقول عليها دي
عشان نستفيد بس .. يمكن عيونا عميا :Oc_sun1[1]: و فيه حاجات في السوق احنا مش شايفينها