العجله أخرت من مطب .حلها عند السمكرى ولا العفشجى؟

**waleedrahmy** · 28-02-2009 07:27 AM

المشاركة الأصلية كتبت بواسطة moby

بعد التحية
من رأى تكشف أولا على المقص لأنه المفروض يتأثر أولا قبل الشاسيه ولو كده يبقى حلها بسيط وتغير المقص..

كلام سليم

**حماده المصري** · 28-02-2009 09:04 AM

والله انا الموضوع ده حاصل في عربيتي ومشيت فيه شويه ونفضت بعد كده

العجله الشمال اخرت بس كنت طالع فوق رصيف والقنطره عندي كده كده معووجه بس مكنش السبب منها

استنين لحد ما غيرت المقصات برضو العجله ماخره يبقى الموضوع مش من المقص
(في حل بسيط انك تروح لبتاع زوايا محترم يعملك زرجينه للعجله الشمال وهتتزبط بس برضو لو في حاجه معوجه عندك هتفضل زي ما هي سواء قنطره او شاسيه)
طبعا روحت زبطت زوايا في مركز خدمه قالي غير المقص قولتله مغيره قالي يبقى احتمال من القنطره(ممكن برضو يكون زادت خبطها مع طلوح الرصيف) وانا بعد كده نفضت بصراحه

بس انت المفروض تروح لعفشجي طلقه يكشف على الشاسيه والقنطره
وكمان المقص
او يا اما تكشف شاسيه على الجهاز بتاع الشاسيهات ده

وتشوف بقى مين يهم المتسبب في التاخيره

عامه لما تيجي تطلع مطب هتلاحظها ان في عجله بتطلع قبل التانيه

ومتحاولش تعمل اي شغل في الناحيه اليمين عندك عشان هي السليمه

**waleedrahmy** · 28-02-2009 10:21 AM

المشاركة الأصلية كتبت بواسطة حماده المصري

والله انا الموضوع ده حاصل في عربيتي ومشيت فيه شويه ونفضت بعد كده

العجله الشمال اخرت بس كنت طالع فوق رصيف والقنطره عندي كده كده معووجه بس مكنش السبب منها

استنين لحد ما غيرت المقصات برضو العجله ماخره يبقى الموضوع مش من المقص
(في حل بسيط انك تروح لبتاع زوايا محترم يعملك زرجينه للعجله الشمال وهتتزبط بس برضو لو في حاجه معوجه عندك هتفضل زي ما هي سواء قنطره او شاسيه)
طبعا روحت زبطت زوايا في مركز خدمه قالي غير المقص قولتله مغيره قالي يبقى احتمال من القنطره(ممكن برضو يكون زادت خبطها مع طلوح الرصيف) وانا بعد كده نفضت بصراحه

بس انت المفروض تروح لعفشجي طلقه يكشف على الشاسيه والقنطره
وكمان المقص
او يا اما تكشف شاسيه على الجهاز بتاع الشاسيهات ده

وتشوف بقى مين يهم المتسبب في التاخيره

عامه لما تيجي تطلع مطب هتلاحظها ان في عجله بتطلع قبل التانيه

ومتحاولش تعمل اي شغل في الناحيه اليمين عندك عشان هي السليمه

أسال مجرب وما تسألش دكتوررررر
......

**max_ziro** · 02-03-2009 12:40 AM

ولله يا جماعة حلها بسيط
انا كان عندى العجلة مأخرة العجلة اليمين و الحمد للة الراجل عندة اجهزة حديثة عندة مقاسات الشاسية بتاعت الفابريكة و الزوايا بتاعتها بردو و عملت زوايا و ترصيص لل4 عجلات و زرجينة
مع العلم كان عندى عجلة مأخرة 3 درجات و الحمد لله زى الفل دلوقتى ..

**michohat** · 29-03-2009 06:40 AM

المشاركة الأصلية كتبت بواسطة max_ziro

ولله يا جماعة حلها بسيط
انا كان عندى العجلة مأخرة العجلة اليمين و الحمد للة الراجل عندة اجهزة حديثة عندة مقاسات الشاسية بتاعت الفابريكة و الزوايا بتاعتها بردو و عملت زوايا و ترصيص لل4 عجلات و زرجينة
مع العلم كان عندى عجلة مأخرة 3 درجات و الحمد لله زى الفل دلوقتى ..

مين اللى يكون عنده المقاسات دى ال سمكرى ولا ال عفشجى ولا بتاع ال زوايا؟

**samirayad** · 29-03-2009 08:13 AM

ولا بتاع ال زوايا؟

هو ده

طب هل فى اضرار تانيه ممكن تكون حصلت من الخبطه اللى حصلت فى العجله الخلفية ( العجله والجنط خدوا الخبطه كلها)

أن شاء الله خير يا أستاذ/ مجدى......وبقدر الأمكان ماتسوقش العربيه الا وأنت فايق جدا.........وربنا يسترها مع الجميع

**michohat** · 29-03-2009 02:36 PM

الحمد لله جت سليمه الى الان و الخسائر كانت
1- تنى شفة الجنط والحمد لله اتصلحت
2- الكاوتش باظ وخليته استبن
3- بليه الاكس اتقسمت نصين والعفشجى غيرها
وبالنسبه لموضوع الزوايا بتاع الزوايا (اسمه شيبوب مشهور جدا فى الشرقية وهو واحد غير اللى رحت له فى الاول ) قال لى ان العجله اليمين ( مش الشمال ) هيا اللى راجعه لورا و قال ان السبب ممكن يكون فى عيب فى الكاوتش وان لما احس بان الزوايا فيها حاجه ابدل العجلتين واشوف
وقولت له مش هتعدل لى الطارة ( فاكره هيعدلها من تحت ) قال لى دى سهله فى ثوانى تتفك وتتعدل فقولت له لا بلاش خليها كده احسن كمنى كنت قريت موضوع هنا فى المنتدى مش فاكر فين ملخصه ان علشان نظبط طارة الدريكسيون الصح بتعاها تتظبط من تحت ومش تتفك من فوق علشان كده الدركسيون ممكن ميلفش للاخر ( يمين او شمال)
وده جزاء اللى بيسهر فى الشغل ويتاخر فيه ويرجع الفجر
والحمد لله جت سليمه