الي مالكي الفيرنا سؤال بخصوص العفشة و الطنابير؟؟؟؟

**mtema99** · 03-09-2007 01:40 PM

المشاركة الأصلية كتبت بواسطة Ahmed Anwer

لأ حضرتك ، بإختصار الفيرنا عيبها الوحيد ثباتها و ده طبيعي في الفئة بتاعتها حتي الياريس و اللانسر خفاف
و بتتحل لما تجنط
هيا يعني مش خفيفة ، الخفة اللي تقلقل بس تسوق بالعقل وانا سافرت بيها و كانت مريحة جدا و ممتعة
بخصوص العفشة و الطنابير ، معنديش خلفية في الحكاية دي اوي عشان العربية لسه جديدة بس لما جيت اشتريها سألت مهندس عنده مركز صيانة في الحرفيين قاللي عكس الكلام ده بالعكس قال انشف و اقدر علي التحمل من اللانوس و الله اعلم

صح كلامك

**analyzer** · 04-09-2007 02:00 AM

السلام عليكم
استاذ مصطفى / الرد هدللك عليه بكلمتين صغيرين جدا
انا عندى فيرنا ومشغلها ايجار .
العربيه عمرها ما ا شتكت من العفشه ولا الطنابير مع انها بيركبها كل يوم واحد مختلف وطبعا بيطلع عنيها ومبيهموش ولا مطباط ولا انه يطير من على الارض ويدوس فرامل
باخنصار شديد دى اشاعه مؤاكده .
ارجوا ان اكون افادتك

**Ahmed Anwer** · 04-09-2007 02:08 AM

بص يا أ/مصطفي هاقلوك نصيحة مفيدة جدا ،انا عملتها لما جيت اشتري
نايل موتورز موقع ممتاز و مليان ملاك فيرنا ، حضرتك اعمل بحث علي كلمة فيرنا في الموقع هيطلعلك نتايج كتيرة جدا ، لو فاضي اقراها بس ركز علي الكلام اللي كاتبه اصحاب السيارة و برده الفيرنا اكتر من الرز اسأل أصحابها
بس خاللي بالك الحكاية دي ممكن تزيد ترددك عشان هتقري هنا علي الموقع تجارب و خبرات و مشاكل للفيرنا ممكن تخوفك
بالنسبة ليا ، الحكاية دي ادتني صورة اكتر من 90% عن العربية قبل ما اشتريها

**mostafabakry** · 04-09-2007 03:58 PM

شكرا جدا لكم يا جماعة و الله مش عارف اقول ايه بصراحة كلام جميل و مفيد
شكرا لكل من رد علي استفساري
جزاكم الله خيرا

**مهندس محمد صلاح** · 09-09-2007 04:01 PM

ده من اهم ميزات الفرنا عفشتها .. جرب تمشى فى حته دوشه قوى وتقفل القزاز وقول لى حتحس بايه .. جرب وانت على الصحراوى وفاتح وقافل القزاز قول لى سامع ايه .. ولا صوت داخل لك جوه وده ان دل على شىء يدل على تقفيل العفشة الممتاز.. وبالنسبة للطنابير الملاحظة الوحيدة عندى انها بتسخن جدا مش عارف ليه .. العربية ممتازة وموتورها اوعى وشك