الموضوع: ---(العاصمــ السودانية ـــــــــــــة )--- صور بالداخل

المشاركة الأصلية كتبت بواسطة maka

موضوع شديد وصور اشد

بس بجد السودان طلعت حلوة اوى

شكرآ يا باشا ده من ذوقك الحلو ونورت الموضوع

المشاركة الأصلية كتبت بواسطة ehabomar

مش ملاحظين ان الشوارع نضيفة جداً والعربيات كلها جديدة، انا كده اتأكدت ان بلدنا بتتقدم للخلف.

علي فكرة شوارع مصر حلوة وواسعة لكن المشكلة في الزحمة مش في الشارع نفسه يعني عندنا في الاسكندرية طريق البحر فيه قطاعات 6 حارات يا راجل وزحمة

المشاركة الأصلية كتبت بواسطة rockana9112007

بقولك هيااا الشقق فى الخرطووم تسوالهااا كام ؟يعنى
اصلى سمعت قبل كدة عن اتفاااق الحريات بين مصر والسودان
حرية الاقامة وحرية التملك وحرية الدخول تقريباااا مش فاكر

والله علي حسب المكان اللي عاوز تشتري فيه يعني الاطراف غير العاصمة غير قلب العاصمة يعني لو عاوز تشتري شقة محترمة وتفرشها كمان ممكن في حدود 100 الف دولار وانتا طالع ( عمي اشتري شقة من حوالي 5 سنوات بحوالي 80 الف دولار )اما لو عاوز تشتري فيلا بحديقة حوالي 600 متر فخمة ابدأ من 700 الف دولار وانتا طالع والاسعار علي فكرة ضربت جامد وفيه مناطق ارخص زي الاطراف لكن الخدمات فيها مش زي العاصمة ولو عاوز تستفسر اكتر عن الاسعار ممكن ابعت لك علي الخاص مواقع هتفيدك جامد وتعرفك السوق هناك ماشي ازاي

المشاركة الأصلية كتبت بواسطة mahamedaraby

بلد جميله وشعب اجمل

بجد اهل السودان من اطيب الناس اللى ممكن تشوفهم فى حياتك وانا اتعملت معاهم فى السعوديه كان ناس قمه فى الادب والذوق

والسودان من زمان وهو فيه خير كتير بس لليشتغل ويتعب

وانا كنت بسمع زمان اننا لو عملنا وحده اقتصاديه عربيه السودان هتبقى مصدر الغذاء للعالم العربى كله

علشان فيها اجود تربه موجوده ولو اتزرعت هتبقى اد مساحه اوروبا كلها الزراعيه

ربنا يبارك فى السودان ويحميها من كل شر

الله يخليك ده علشان انتا ابن حلال ونيتك صافية والخير اللي في السودان لكل المسلمين والعرب ونتمني اي حد يشاركنا فيه بالحلال وما نضطر نشتري من اوروبا اقولك علي حاجة امريكا فارضة عقوبات علي المنتجات الزراعية السودانية الا الصمغ العربي لانها محتاجاه مننا والسودان اكبر مصدر للصمغ العربي في العالم يعني فين حجة امريكا ان الفلوس اللي هناخدها هنشتري بيها سلاح واشمعنا استثنوه من العقوبات والحصار ؟؟ لانها مصالح يا باشا ودي صورة للصمغ العربي طالع من الشجرة بعد قشطها بالسكين فتفرز الصمغ ويستخدموه في البيبسي والكوكاكولا ومواد غذائية كثيرة

المشاركة الأصلية كتبت بواسطة maka

+11111111

وياريت اسعار العربيات كمان

وهل الشغل هناك متوافر و لا صعب

اصلى بفكر اخد عروستى ونروح نعيش هناك

بس كدا انتا تأمر يا جميل والشغل متوافر الحمد لله ومطلوب وتقدر تستفسر من السفارة السودانية بالقاهرة عن مجالات العمل المطلوبة من المستشار الاقتصادي وهما متعاونين جدآآآآ وناس ذوق وهيدلوك احسن مني وياريت تشرفنا انتا وعروستك وتشوف البلد وان شاء الله تعجبك وتنوي تعيش معانا ويارب تنبسط

المشاركة الأصلية كتبت بواسطة samohaa1000

على فكرة الدور الى جاى على السودان بعد العراق للاسباب الاتي
1-اكتشفوا انى فيها بترول اكبر من السعودية
2-اكتشفوا ان فيها مناجم ذهب تغطى افريقيا كلها
3-هيا سلة غذاء العالم كلة
4-الضغط على مصر وافريقيا كلها عن طريق نهر النيل
5-عزل مصر عن افريقيا
هذا رأيى والله اعلم

ربنا يستر من اللي جاي لانهم حاطين علينا عينهم من زمان لكن يمكرون ويمكر الله والله خير الماكرين والله ناصر دينه ولو كره الكافرون ودي قصة معروفة من زمان لكن هما في ازمة طاحنة ومعتقدتش هيقدرو يعملو اكتر من الحصار والعقوبات وهما فارضينه من اكتر من 12 سنة وتصدق جاب نتايج حلوة لاننا اصبحنا دينامكيين اكتر وبنحاول نسد العجز بالتصنيع المحلي ومن دول اسيا وروسيا لان زمان السودان كان بيشتري اغلب الاشياء من اوروبا وامريكا لكن بعد الحصار بنحاول نسد العجز واللي ما بنقدر نعمله بيستورد من الخارج والاقتصاد مصنف خامس اسرع اقتصاد في العالم وهعرض لكم ان شاء الله انتاج مصانع جياد ومنها مصنع جياد للسيارات

المشاركة الأصلية كتبت بواسطة Terrible_DaRsH

سؤال بس ..!
هى دى السودان بجد ولا ايه ؟؟

دي السودان اللي مش بنشوفها في وسائل الاعلام

الشوارع مش بس فاضية دى نظيفة جدا