مقارنة يا جماعة غاية فى الأهمية نرجو المشاركة

**mecho_392** · 03-03-2009 12:54 AM

كمان اسعار قطع الغيار اعتقد انها غاليه بس متقاربه بالنسبة لل i10 و البيكانتو, و اعتقد ان الالتو اسعار قطع غيارها هتكون عاليه شويه ان لم تكن مثل الهيونداى و الكيا..!!!
و توكيل هيونداى جامد و اعتقد كذلك كيا.
بالنسبة للاوبشن ال i10 اعلى من البيكانتو فى:
فوج لايت
مساحة زجاج خلفية
فرش قماش
مساحات تخزين مختلفة
مساند رأس خلفية
ستوب لايت
4 زجاج كهرباء (البيكانتو 2 قدام فقط)
وحدات رفع
Roadstar CD MP3 (البيكانتو مفيهاش)
ثنى الكنبة 40:60 (معرفش فى البيكانتو ولا لأ)
بس ميزة البيكانتو ان كاوتشاتها اعرض من ال i10 لكن ال i10 ثباتها كويس زى ما ذكرت.

لو هتجيب i10 حاول تجبها من غبور نفسه علشان بيدى عليها عرض 20000 كم صيانة مجانيه شامله تغيير الزيت و المصنعيات و ابقى اتأكد ان العرض مازال موجود. لان المعارض سمعت انها مش بتديك الميزة دى.

و ممكن حضرتك ترجع لموضوعى فى قسم هيونداى انا مجاوب فيه على كل تساؤلاتك. شكرا

**mecho_392** · 03-03-2009 12:59 AM

نسيت اقولك حاجه مهمه انا فى مره عديت على حته ارض متكسره على شكل حفره عميقه و عديت عليها بدون ما العربيه تحك او اى حاجه و كان جنبى لانوس راكب فيها واحد و صاحبه و هو بيعدى لقيت اكصدامه حك فى الحفره و لطش بوش الاكصدام فى الحفره و عملت صوت جامد. رغم انى كل يوم بعدى فى الحته دى لانها بعد البيت ب 400 متر تقريبا.. يعنى متخفش من انك تحك فى مطبات و اعتقد البيكانتو كمان ممتازه و مبتحكش و ده من كلام اصحابها. و ربنا يوفقك فى اختيارك

**ayman 2010** · 03-03-2009 09:39 AM

اولا انا بشكر حضرتك يا استاذ mecho_392
على المعلومات الجميلة عن 10i وهية فعلا عربية كويسة وهذا الكلام بناء عن تجربتك الشخصية
ولكن يا جماعة انا منتظر رد لأى عضو اخر جرب البيكانتو
علشان الأمور تكون واضحة اكتر وشكرا ليك مرة تانية