بيض المقصات في العربية اللادا......!!!!

**hic** · 05-09-2007 11:56 PM

الادا و 125 و 124 و مفيش يوم يعدى الا لما اشوف تاكسى لادا واقف فى نص الطريق و هو هو نفس العيب و طبعا لان اصحاب التاكسيات مش بيعمل اى حاجة فى العربية غير لما تبوظ علشان كدة بارجو كل اخوانى اصحاب الادا و 125 و 124 لازم باستمرار الكشف على بيض المقصات لان عن رأى الشخصى اعتقد ان ده اخطر عيب موجود فى هذه الموديلات
كفانا الله جميع الاخطار

**hazem_khidr** · 06-09-2007 02:04 AM

الادا و 125 و 124 و مفيش يوم يعدى الا لما اشوف تاكسى لادا واقف فى نص الطريق و هو هو نفس العيب و طبعا لان اصحاب التاكسيات مش بيعمل اى حاجة فى العربية غير لما تبوظ علشان كدة بارجو كل اخوانى اصحاب الادا و 125 و 124 لازم باستمرار الكشف على بيض المقصات لان عن رأى الشخصى اعتقد ان ده اخطر عيب موجود فى هذه الموديلات
كفانا الله جميع الاخطار

مع احترامي الشديد لكلامك لكن ال 125 غير اللادا و ال 124 خالص.
ال 125 و ال 132 نفس البيض و العفشه و عمري ما شفت عربيه من دول فيها العيب دا .انا راكب 132 لمده 20 سنه و ال 125 كانت معانا 17 سنه و الاتنين كانوا موجودين في نفس الوزقت عمر ما حصل منهم حاجه زي دي لا معانا و لا مع اي حد من قرايبي

**hic** · 06-09-2007 09:04 AM

و الله يا اتاذ حازم انا كنت ح اشترى 125 من فترة بس الميكانيك هو اللى قال لى المعلومة دى يمكن هو غلطان علشان انت جربت العربية دى على العموم اللى انا متاكد منه هو العربية الادا و الف شكر ع التوضيح

**حسام كرم** · 06-09-2007 09:59 AM

شكرا لجميع الاخوة اللذين شاركوا فى الحوار
وخصوصا الرائع سبعاوى الذى تعلمنا وسنظل نتعلم منة الكثير
والسؤال الان
ماهو رايكم فى انة يتم تثبيت البيضة الان بمسمار فى منتصفها او ببرشامة تمنع عملية ملصها
وهل ذلك كافى لعدم ملص البيض
والسوال للاخ هيرو
لماذا لم تقم بهذا الاجراء منذ اول مرة ملصت منك البيضة
وما هى المدة الزمنية بين ملص البيض ( نفس البيضة )
والسوال ما هى الطريقة المثلى لتجنب ملص البيض
وشكرا لكما جميعا

**hazem_khidr** · 06-09-2007 02:31 PM

والسوال ما هى الطريقة المثلى لتجنب ملص البيض

الطريقه المثلي علشان البيض ما يملصش هو انك دايما البيضه يبقي فيها شحم كل سته شهور تروح تفك العفشه و تغسلها بالجاز و تغير كاوتش البيض اللي بايظ و تحط فيها شحم.طول ما البيضه فيها شحم عمرها ما تملص.

و الله يا استاذ حازم انا كنت ح اشترى 125 من فترة بس الميكانيك هو اللى قال لى المعلومة دى يمكن هو غلطان علشان انت جربت العربية دى على العموم اللى انا متاكد منه هو العربية الادا

و الله يا باشا انا معاشر العربيات دي طول عمري و متاكد من كلامي مليون في الميه علشان ال 125 و ال 132 بالذات حافظهم بالمسمار يعني لو فكيت مسمار من عربيه منهم و اديتهولي حقولك المسمار دا طالع منين :) .و زي ما قولت ال 125 و ال 132 مشتركين في العفشه و الات الجر و الايطالي من 125 واخده نفس الموتور كمان لكن البولندي واخده موتور اقدم شويه.