الموضوع: مرايات فكترا B

لو الزرار عندك بالتوصيلة ممكن يعملو 550 الى 600

المشاركة الأصلية كتبت بواسطة ahmedmaklad

انا جيت الحمد لله مش متاخر زي كل مرة انا عربيتي كانت مرايات مانيوال و عملتها كهربا
بص يا احمد هى العربية فيها فيش المرايات جاهزة لو عايز توصل مرايات كهربا عادية مش ضم يعني دي سهلة هتجيبها و هتلاقي الفيش و توصل على طول لو عايز تجيبها ضم دى حاجة تانية بس مش جامده يعني هو الكهربائي هيعمل كذا حاجة:
1- هتجيب المرايات و هتلاقي فيها بوش شوية ده عادي
2- هتجيب فيش للمرايات غير اللي عندك عشان دي ضم ليها فيشة مختلفة عشان مواتير الضم و الكهربائي هيفك الفيش القديمة و يلحم دي
3- هتجيب مفتاح مرايات و فيه نوعين نوع عادي عشان تتحكم في المرايات بس و في واحد تاني في زرار عشان تقفل المرايات مانيوال لو داخل في حتة زنقة ولا حاجة
4- هتجيب كتاوت
5- تروح لكهربائي كويس و لو عايز قولي
6- الكهربائي زي ما قولتلك هيفك فيش المرايات القديمة و يوصل الجديدة و يوصل المفتاح و بييجي عند الكرسي اللي جنب السواق (الكنترول بتاع السنتر هناك) و ضفيرة المرايات هناك و بيعمل تعديل بسيط بس مش اكتر فعشان كدة بقولك روح لواحد فاهم عشان مايعدش يجرب
انا وصلتها مع السنتر يعني لما بقفل المرايات بتقفل
و عشان توصلها بالسنتر في حاجة بتتعمل بس انا عرفت انهم في التوكيل بيعملوها كدة بيجيب مقاومة كده اسمها سليكون حاجة مش فاكرها دي فايدتها انها تعدي التيار من ناحية واحدة بس يعني ما بترجعش التيار تاني ده عشان انت عندك فردتين للسنتر واحدة للفتح و واحدة للقفل و عندك فرده واحدة لموتور الضم بتاع المريات
انا يمكن مش عارف اشرحها قوي بس هي عايزة كهربائي اوبل مش اي واحد عشان بيعدوا يجربوا و يقشر كل سلك شوية و الحاجات دي
بس غير كدة سوري عشان اتاخرت عليك بس انا عندي انشطة كتيرة اوي في حياتي دلوقتي

MBA و شغل و مؤتمرات و بيت يعني خلاص بودع

يعنى انت عايز تفهمنى انك مركب مفتاح مرايات فيه زرار ضم للفكترا وانا بقالى سنه بقول حد لقى المفتاح ده ومحدش بيرد عليا؟

المشاركة الأصلية كتبت بواسطة M.Mokhtar

يعنى انت عايز تفهمنى انك مركب مفتاح مرايات فيه زرار ضم للفكترا وانا بقالى سنه بقول حد لقى المفتاح ده ومحدش بيرد عليا؟

هو نادر اوى وهقلك لية عشان المستوردين مبيجبوش العربيات ال2000 فى مصر كتير بالعكس قليلة اغلبها 96 و97 فقط عشان الجمارك بتعتها قليلة بالمقرنة ب2000 عشان كدة قليلة بس موجودة بس ممكن متركبهاش يعنى مش درورى تتحكم فى المراية من جوة بس هسالك عليه اكيد هلقية بس هو نادر شوية

المشاركة الأصلية كتبت بواسطة ahmedmaklad

انت بتجيب الاسعار دي منين نفسي اعرف

بص ياباشا انا بحب اللف جدا ولية واحد صحبى وهو مستورد لعب فبنحب نروح للمستوردين جدا ونتصاحب عليهم كمان وهو قلى علمنى اللف ونحب نعرف اوى مش مهم المسافة يعنى عشان اعرف الحكايات دية بروح الوكالة وفيصل والحرفين والمنوفية والشرقية والدويقة وحتت اكتر من كدة بتجيب اصل الحاجة وعشان هو تاجر بياخد بسعار تنية خالص ودية بتيجى بالخبرة غير انة عندة مكتب استيراد وبطاقة استرادية فى الموسكى فدايس فى السوق وشاف كتير ومن مكوثى معاة فترة كبيرة بتتعلم حجات كتير اوى غير كمان انى كان عندى محل قطع غيار فيات وبيجو بس قفلتة من مدة كبيرة فعارف طرق الجديد بردة العملية عيزة خبرة وميهمكش اللف لان كل مهتلف وتتعب هتلقى الكار دة محدش بيديك معلومة ابدا اذاى انت تعد مع واحد بقالة 20 سنة فى الحكاية دية وطلع منة معلومة ومتدهوش معلومات الا قلى انت عيزها حوار كبير اوى اوى

المشاركة الأصلية كتبت بواسطة tamertamer

هو نادر اوى وهقلك لية عشان المستوردين مبيجبوش العربيات ال2000 فى مصر كتير بالعكس قليلة اغلبها 96 و97 فقط عشان الجمارك بتعتها قليلة بالمقرنة ب2000 عشان كدة قليلة بس موجودة بس ممكن متركبهاش يعنى مش درورى تتحكم فى المراية من جوة بس هسالك عليه اكيد هلقية بس هو نادر شوية

تامر هو انت مصرى مصرى 100% ولا نص مصرى ونص اجنبى؟؟؟؟
عمرى ما فهمت حاجة من كلامك
فى حاجة وقعه فى النص هى ايه؟؟ اموت واعرفها

لو وقعوا فى ايدك هكون شاكر ليك يا باشا

المشاركة الأصلية كتبت بواسطة M.Mokhtar

تامر هو انت مصرى مصرى 100% ولا نص مصرى ونص اجنبى؟؟؟؟
عمرى ما فهمت حاجة من كلامك
فى حاجة وقعه فى النص هى ايه؟؟ اموت واعرفها

لو وقعوا فى ايدك هكون شاكر ليك يا باشا

انا مصرى 100 فى 100
لكن المشكلة فى الكى بورد لانها بيظة سعات وانا بكتب مبشوفش الكتابة عشان انا سريع فى الكتابة ففى بعض الحروف لازم اضغط عليها جامد وفى قلى مبيشتغلش عايز اغيرها كسلان جدا فى الموضوع دة وبصراحة انا مبحبش اللغة العربية خالص بص هى احدى نقاط ضعفى بس بعرف اقراء واكتب معاية محو امية انا عارف سعات بنسا الالف كتير بس الكى بورد هى السبب بس اوعدك هجيب وحدة جديدة اليومين دول