الباور الكهرباء فصل في النيو اكسنت

**moudy88** · 03-03-2009 03:52 AM

المشاركة الأصلية كتبت بواسطة M.Mokhtar

برده الهيدرولك بيتقل على السرعه
بس ميزة الكهربا انه خفيف جدا وانت واقف لكن الهيدرولك تقيل شويه والعربيه واقفه

للاسف مش كل الباور الهيدروليك بيتقل على السرعات ..انا عندي النوبيرا الباور خفيف وناعم ..وبيبقى على سرعة 20 كم زي 200 كم

**moudy88** · 03-03-2009 03:58 AM

المشاركة الأصلية كتبت بواسطة firstknight216

ياجميل في داهية اي حاجة المهم ان انتم بخير وحمدلله على سلامتك
ومتهيألي هيونداي كانت عرفة المشكلة ديه علشان كده تفادتها في موديل 2009
وحمد لله على سلامتكم وقدر الله وما شاء فعل

شكرا لحضرتك ...وربنا يحمي الجميع ..بس بصراحه الباور الكهرباء متعه بس محتاجه صيانه في توكيل محترم غير اللي في مصر

**moudy88** · 03-03-2009 04:03 AM

المشاركة الأصلية كتبت بواسطة حماده المصري

لما الباور بيفصل الخضه في انك فعلا بتحس ان العربيه اطفت

بس هي بتبقى دايره ولمبه الباور بتفضل منوره علطول

وفعلا لما بيفصل الباور الدركسيون بيبقى تقييل جدا جدا جدا وصعب تحريكه الا لاصحاب العضلات

عامه انت تروح التوكيل دلوقتي من غير اي حاجه وتدخل العربيه وتبقى قافش حتى على الراجل الي على البوابه وتدخل على مديير الصيانه علطول من سنتين كان اسمه ياسر مناع هو كان كويس معايا الراجل ده
انت تدخله علطول وتتكلم معاه وتقوله ان العيب مشهور وتتفاهموا على اصلاح العربيه هيبقى ازاي

وعموما المشكله بتاعه الباور شكلها هتتحل ب فيوز جديد وخلاص

إن شاء الله هوديها للصيانه للكشف عليها وخاصه الموضوع ده ..وربنا يقدم اللي فيه الخير

**BooDElGn** · 03-03-2009 12:05 PM

يا جماعة انا عندى نيو اكسنت 2008 و الباور بتاعها زيت مش كهربا زى ما بعض الاخوة ذكروا

**M.Mokhtar** · 03-03-2009 02:07 PM

المشاركة الأصلية كتبت بواسطة amir

العيب ده معروف عن النيو اكسنت؟!!!!
طب و الواحد لما يتعرف علي العيب ده ينفع يرجعلنا و يقولنا ولا ايه بقي؟
دي حاجه تخلي الواحد يستبعد العربيات بور كهربا من اساسه

مش فاهم يعنى ايه يرجعلنا ويقولنا؟؟؟
مين انتوا

بس المشكله دى مش فى كل الباور الكهربا
فى عربيات كتير فى السوق وخصوصا هيونداى فيها باور كهربا بس مش فيه العيب ده

**amir** · 03-03-2009 03:57 PM

المشاركة الأصلية كتبت بواسطة M.Mokhtar

مش فاهم يعنى ايه يرجعلنا ويقولنا؟؟؟
مين انتوا

يرجعلنا من الاخره
و قصدي باحنا المنتدي هنا
:k38:

**ahmed_bq** · 03-03-2009 04:22 PM

انا اعرف من زمان ان دي مشكلة الاكسنت اللي هوا الباور الكهرباء اللي بيعلق ده
وبالنسبه للاخ اللي سأل طب لما البور يفصل مش الدركسيون يشتغل بردو بس عادي من غير باور الاجابه هيا كالتالي
الباور ده عبارة عن مجموعة كهربائية بتزود عزم اللفة بتاع العجلات لما بتحود بحيث انه يحود بسهولة ... لما بيعلق وانتا كاسر يمين مثلا بيفضل مكمل يمين لحد الاخر ومش بيستجيب لأي تحويدات من الدركسيون زي متقدر تقول بيهنج
لازم تفصل العربية وتشغلها تاني عشان يتظبط... وللاسف مش هتقدر تثبت ان سبب الحادثه الباور وخصوصا مع غبور باشا

والمضمون اللي هوا الزيت عشان ممكن تستغنى عن نعومة الدركسيون اوي احسن متبقى ماشي سريع وتلف والافندي الباور يلبسك في حيطه ولا عربية في الطريق

**saiedsm** · 04-03-2009 12:26 PM

المشاركة الأصلية كتبت بواسطة moudy88

الله يسلمك و شكرا على الرد ..وربنا يحمينا من شر العربيات ...ولكن العربيه ماتزحلقتش الدركسيون بس هو اللي كلبش علشان الباور فصل وبقى زي ماتكون العربيه بطلت

الحمد لله بس ده حاجه تقلق ان الواحد يفقد توجيه العربيه و خصوصا لو على سرعه بس يا ريت تقولنا رأي التوكيل في الموضوع ده

**حماده المصري** · 04-03-2009 03:36 PM

المشاركة الأصلية كتبت بواسطة ahmed_bq

انا اعرف من زمان ان دي مشكلة الاكسنت اللي هوا الباور الكهرباء اللي بيعلق ده
وبالنسبه للاخ اللي سأل طب لما البور يفصل مش الدركسيون يشتغل بردو بس عادي من غير باور الاجابه هيا كالتالي
الباور ده عبارة عن مجموعة كهربائية بتزود عزم اللفة بتاع العجلات لما بتحود بحيث انه يحود بسهولة ... لما بيعلق وانتا كاسر يمين مثلا بيفضل مكمل يمين لحد الاخر ومش بيستجيب لأي تحويدات من الدركسيون زي متقدر تقول بيهنج
لازم تفصل العربية وتشغلها تاني عشان يتظبط... وللاسف مش هتقدر تثبت ان سبب الحادثه الباور وخصوصا مع غبور باشا

والمضمون اللي هوا الزيت عشان ممكن تستغنى عن نعومة الدركسيون اوي احسن متبقى ماشي سريع وتلف والافندي الباور يلبسك في حيطه ولا عربية في الطريق

بعد اذنك الكلام ده غير صحيح

الباور لما بيفصل الدركسيون شغال بس تقيل جدا جدا لان علبه الدركسيون بتبقى علبه عاديه بدون لا سير ولا زيت ف بيبقى كانك بتلف دركسيون 128 وهي واقفه

انما هو بيتحرك وبيستجيب لاي تغير في اتجاه الدركسيون

الكلام الي ساعدتك بتقوله بيحصل لما مثلا بيضه دركسيون تتخلع ساعتها العربيه بتفضل مكمله في اتجاها

انما النيو اكسنت لو الباور فصل العربيه بتستجيب بس بتبقى فعلا اتقل من العربيات الي اساسا مفيهاش باور