الموضوع: حوارات مجموعة فولكس و أوبل و جنرال موتورز

طبعا انا شايف ان الموضوع هدى خالص
وكل واحد قال رأية

جميل ان كل واحد يقول وجهة نظره
بس من غير ما يحكم على حاجة تانيه

فى بعض المشاركات حبيت اعلق عليها
بس ياريت محدش يزعل منى

انا بقول رأيى وبهزر ومحدش يفتكر انى زعلان من حاجة

المشاركة الأصلية كتبت بواسطة hanady

ملحوظة أخيرة أول مرة اسمع أن الفكترا أحسن من الجيتا، فى عرف مين ده، و أيش جاب الأوبل (مجرد فرع من جنرال موتورز سيتم بيعه لأنها على و شك الأفلاس) بفولكس أشهر مصنع سبارات فى أوروبا و رقم ثلاثة على العالم، ده الأيزى ترونيك اللى نازل فى الفكترا الجديدة عامل مشاكل لا حصر لها

طبعا من غير هزار عشان واضح ان الفولكساوية مش مستحملين اى هزار من الاوبلاوية (كنت هقول عرف ديك مين وايش جاب ايه لايه؟ بس مش هقول خلاص )

عشان اول مره تسمعى كده
احب اضيف لمعلوماتك كمان
1
ان الفكترا فئة اعلى من الجيتا
الفكترا سيارة عائلية كبيرة
الجيتا سيارة عائلية متوسطه

2
اوبل الاقدم فى شركات السيارات الالمانية
http://en.wikipedia.org/wiki/List_of_German_cars

3
مش عارف ليه كل ما حد يتكلم يقولك جينيرال موتور هتلفس وهتبيع اوبل
هو عيب اوبل ولا عيب جينيرال موتورز؟

4
وزى ما فينوس قال
اوبل اخدت احسن شركة وسيارة العام

5 ونركز كلنا فى 5 دى جداااااااااااااا

ياريت تقوليلنا مشكلتين بس من مشاكل الايزيترونك اللى لا حصر لها
بس بليز السؤال ده مهم جدا عشان انا بعمل تقرير على الفتيس ده
وعايز اعرف رأيى الجمهور

المشاركة الأصلية كتبت بواسطة hanady

لأ ابدا لم أزعل و حضرتك حوارك راق جدا و اوبل ماركة ألمانية عربقة و بالذات الموديل السابق للفكترا سمعته ممتازة و عامل زى الجوهرة.
لولا تعدد الأذواق لبارت السلع---أليس كذلك؟؟!!

طيب لو الموديل السابق للفكترا كان ممتاز
ايه عيبو الموديل الحالى؟

المشاركة الأصلية كتبت بواسطة islamaboelnaga

لا يا راجل ...هو انا هقولك ايه غير كدا بقولك شارى عربيه زيرو ب 160000 و سخنت ...هو المفروض يبقى فيه حاجه اكتر من كدا ؟

انا اعرف واحد اشترى مرسديدس c280 موديل 2008 وطلعت شياط من الكبوت فى اول 1000 كم

ايه رأيك فى الموضوع ده؟

المشاركة الأصلية كتبت بواسطة islamaboelnaga

خلاص يا جماعه مش دا موضوعنا ....احنا بنقول اوكتافيا ولا جيتا علشان انا ممش بفكرفى الاوبل لاسباب انا شايف ان فيها عيوب (وجه نظر ) و خلينا فى الموضوع الاساسى

اعتقد انت اللى اقحمت الفكترا فى الموضوع
ودلوقتى بتنسحب وبتقول عيوب
واحنا كلنا عايزين نعرف منك العيوب دى
بس الحمد لله
حتى الان ماظهرش عيوب فى الموضوع ده غير ان اوبل محتاجه فلووووووس

المشاركة الأصلية كتبت بواسطة hanady

يا سيدى الفاضل هذه ليست طريقة حوار أبدا و لا أعتقد ان هناك أى درس لنتعلمه منك أو من غيرك. أنت رأيك أن أوبل رقم واحد و هذا رأيك و نحن نرى أنها مش رقم واحد أبدا و هذا رأينا الذى لا تستطبع أنت أو غيرك (و أسفة جدا للفظ عصابة الذى تستخدمه) أن يفرضه علينا. مين قال أننا أعترفنا أن اوبل رقم واحد، و منين فهمت كده!!
على فكرة جميع نشرات الأخبار اليوم الجمعة 20/2/2009 (الجزيرة و العربية و النيل الأخبارية و BBC) ذاكرة خبر طلب شركة اوبل معونة عاجلة 4.25 مليار يورو لكى لا تعلن أفلاسها. هل هذا سلوك الشركة الأولى؟ سمعت ان فولكس طلبت معونة من أحد؟

موضوع العصابة ده لفظ بنستخدمه لاعضاء اوبل
ومش بنقصد بيه حاجة غير اننا مع بعض فى كل حاجة مش اكتر

على فكره بى ام هتقلل ساعات العمل
كده اعتقد ان الفولكس تأتى فى مرتبه اعلى من البى ام

المشاركة الأصلية كتبت بواسطة mohamed_hamdi

يا أستاذ فينوس من المحلة لو حضرتك بتسافر برة و خصوصا ألمانيا كنت عرفت ان الأوبل هناك هي السيارة الشعبية بمعنى ان الأودي و المرسيدس في المقدمة ثم البي ام ثم الفولكس و اخيرا الأوبل. جايز المعادلة تتغير من 2009 مع نزول الانسينيا لأنها تحفة بصراحة بس بخصوص الفيكترا اعتقد انك بترد بعصبية بنظام الحافظ مش الفاهم و ده مش حوار منتدى ده نظام فرض رأي.

انا مش شايف ليها لازمه من المحله دى الجمله كانت ممكن تمشى عادى من غيرها
يعاب على الشاعر استخدام هذه الكلمة لانها توحى بالاستهانة
بس كويس ان حضرتك وضحت قصدك فى المداخله اللى بعد كده
وطبعا كلنا اخوات مش هنزعل من بعض عشان شوية حديد

المشاركة الأصلية كتبت بواسطة fbsautoservice

يا استاذ هنادى مش معنى ان شركه اوبل طالبه معونه 4.25 مليار انها مش شركه رائده
عندك مثلا GM اكبر مبيعات فى العالم و فيها (كاديلاك و بويك و ساب و بونتياك و شيفروليه و اوبل و اسوزو و بدفورد و فوكسهول و غيرهم كتير )كلهم تحت اسم GM و مع ذلك بتفلس
دايملر كريزلر و مرسيدس هم تقريبا شركه واحده طالبين انضمامهم لشركه كبيره فى ظل الازمه الاقتصاديه
تقريبا كل شركات السيارات خفضت اسعارها 50% تقريبا
تويوتا من شهر كانت بتستغيث هاتفلس يعنى كله بيطلب مساعده
والشركات كلها بتعمل merging (زمن التكتلات الاقتصاديه) و ده ملوش دعوه بجوده السياره او المنتج بتاعهم
استاذ محمد حمدى احنا منقدرش نقول ان اوبل ذى اودى او مرسيدس او بى ام و لكن المقارنه فى الاصل كانت بين الاوبل و الجيتا و لو ركبت الاتنين هتحس بفرق من رائى انه لصالح الاوبل
و اوبل من 2003 اختلفت تماما عن قبل كده و ارجو انكم تكونوا مش زعلانين من حد من الاوبلاويه دول زى العسل و بيهزروا معاكم بس الانتماء اخدنا شويه حماس شباب يعنى

+1000000000

المشاركة الأصلية كتبت بواسطة mohamed_hamdi

ثانيا :لما هيا الأوبل فظيعة كده زي ما بتقول امال انتشارها ضعيف ليه في البيع ، و أراهنك ان انخفاض اسعارها مش هايفرق كتير لأن اللي مقتنع بالأوبل و عايزها كان اشتراها من الأول زي اللي اشتروا الأوكتافيا و الجيتا و هم بنفس فئة أسعار الفيكترا قبل التخفيضات الأخيرة.
و أخيرا لك مني كل احترام و تقبل اعتذاري اذا كنت استشعرت أي ضيق من ناحيتي.
م / محمد حمدي

حضرتك بتقول حده وعصبيه فى الرد
تسمى ايه "لما هى الاوبل فضيعه كده" ؟؟؟؟

انا شايف فرق البيع لصالح الجيتا لانها شبابية اكثر
الفكترا اكتر فخامه بكتيييييييير وعشان كده بيجبها الناس الكببيرة فى السن الى حد ما
وعلى فكره بعد التخفيضات ناس كتير سابت الجيتا وراحت للفكترا وكان من ضمن الاسباب ان الفكترا المانى 100%

الخلاصة
كل عربيه وليها طعمها وليها مميزاتها وعيوبها
وكل واحد وليه زوق مختلف
وكل واحد بيدور على حاجة معينه فى العربيه وبيضحى بحاجات تانيه
واكيد كل واحد بيحب يدافع عن شركته (على اعتبار انى صاحب شركة اوبل )

يبقى لازم نطلع من النقاش من غير ما نزعل من بعض عشان فى الاخر دى حاجات مش تستاهل وكل واحد ليه رأيه ومش هيغيره

انا عن نفسى بحب الحوارات دى عشان بطلع بمعلومات جديده ديما عن الشركه او العربيه او نظرة الناس ليها

وشكرا

تؤ تؤ تؤ
مينفعش كدا يا ريس مختار

و معلش يا hanady أكيد الريس مختار مقصدش حضرتك
و بعدين مش حنخسر بعض عشان شركة عربيات مش حنستفيد حاجة من الكلمتين الى حنقولهم دفاعا عنها
بى كول و خليكو حبايب