سير الدينمو بيصرخ

**roky** · 03-03-2009 09:35 AM

الموضوع ده بيحصل بالليل بس

أو ما أحط رجلي علي البنزين مرة واحدة(حتي لو أنا علي المور) ... أسمع صوت صريخ ... و مايروحش غير لما أخف رجلي سنه سنه ... أو أكبس زيادة خالص فيروح الصوت بعد شوية.

قالولي ده سير الدينمو بيبقي ناشف من البرد ...
السير اللي عندي من النوع المشرشر ...

هل كده يبقي السير قديم و عاوز يتغير .. ولا عاوز يتشد بس ... ولا أيه ؟

وشكرا مقدما

**lord23** · 03-03-2009 09:53 AM

والله ممكن تسخن شوية ميه وتحطه علي السير
بس الافضل انك تغيره
وبعدين ممكن العيب يكون من بلية الدينمو
الاحسن تخلي كهربائي يبص عليها

**roky** · 03-03-2009 11:04 AM

المشاركة الأصلية كتبت بواسطة lord23

والله ممكن تسخن شوية ميه وتحطه علي السير
بس الافضل انك تغيره
وبعدين ممكن العيب يكون من بلية الدينمو
الاحسن تخلي كهربائي يبص عليها

قصدك أحط مية سخنة علي السير كل مرة أسوق العربية بالليل ؟
ولا أعمل الموضوع ده مرة واحدة و بس بعد كده ...

و بالنسبة لموضوع ان بلية الدينمو تكون تقيلة علي السير ... هل الصوت ده يحصل بالليل بس (أو في السقعة بس) ؟ و أزاي أعرف أذا كان العيب من البلية ولا من السير نفسه ؟

وشكرا علي ردك يا لورد

**samirayad** · 03-03-2009 11:27 AM

و بالنسبة لموضوع ان بلية الدينمو تكون تقيلة علي السير ... هل الصوت ده يحصل بالليل بس (أو في السقعة بس) ؟ و أزاي أعرف أذا كان العيب من البلية ولا من السير نفسه ؟

...من رأيى طالما صوت الصرخه بيحصل فى الجو البارد فقط (مثلا ليلا).......يبقى بلاش تشد السير عن كده .....وغير السير أفضل ....علشان ماتتلفش بلى الدينامو بزيادة شد السير ................

**roky** · 03-03-2009 12:23 PM

المشاركة الأصلية كتبت بواسطة samirayad

...من رأيى طالما صوت الصرخه بيحصل فى الجو البارد فقط (مثلا ليلا).......يبقى بلاش تشد السير عن كده .....وغير السير أفضل ....علشان ماتتلفش بلى الدينامو بزيادة شد السير ................

مممم ... فهمتك يا هندسة

لكن انت رأيك أن كده ان في كلا الحالتين بلي الدنمو فيه عيب ؟

و لما يكون السير ناشف (في السقعة) البلي من قوة الشد الزيادة مش بيكون محشور و مش بيقدر يلف مع السير ...

وهل الحل كده أني أرخي السير حبه .. ولا ده هايسبب ضرر أكتر ... !!

أفيدونا يا أهل العلم و الخبرة

**samirayad** · 03-03-2009 12:34 PM

لا هو البلى لسه كويس ...طالما مفيش نحر وصوت خشونه ولا حاجه بالنهار..........وممكن تكون حالته مثلا 70 %.........

_ وطبعا مش منطقى أنى ألعب فى الدينامو وأقول البلى تقيل (لأنه أساسا بالنهار كويس )....ومن رأيى بلاش تشد السير عن كده (علشان البلى مايتلفش وخليه شغال )......وجرب تغيير السير بنفس قوة الشد الحالى (على أساس السير الجديد حيكون كفائته فى نقل الحركه من الكرنك أفضل من القديم وبكده ممكن تهرب من أنك تلعب فى الدينامو دلوقتى)........دا رأيى ولو مكانك مش حعمل اللى كده وأجرب وأهى محاوله (يمكن يجىء الفرج من عنده وتلاقى اللى بتتمناه )

**roky** · 03-03-2009 12:53 PM

طب معهلش ... عندي لك سؤال تاني

هو مش عشان أفك السير لازم أرخي الدينمو من مكانه عشان أعرف أطلع السير ...
أزاي لما أركب السير الجديد هاقدر أتحكم انه يكون علي نفس قوة الشد القديمة ... أنا فاهم أن شكله كده

.. بصراحة دي اول مرة أفك فيها سيرسير

**فادى محمد** · 03-03-2009 12:59 PM

بص يا سيدي .حط نقطتين تلاته زيت علي مشنشر السير من تحت وليكن من مقياس الزيت اما تطلعه حتلاقي الصوت راح تماما ومفيش اي ضرر لان الزيت بيلين الكاوتش وحيعد شويه كتار من غير صوت . انما لو سمعت الصوت بعد ما حطيت الزيت نبدا نشك في بليه الشداد لاقدر الله . انا كان عندي نفس المشكله في السوبارو 82 . جرب وقولنا الاخبار

**فادى محمد** · 03-03-2009 01:07 PM

هو تغيير السير مؤرف شويه . بس عاوز بال طويل . هوي مسمار المزلاج وحرك الدينامو افقيا لحد ما تلاقي السير في ارخي موضع له .ابدا اخلعه من علي بكره الدينامو (الترنده ) بواسطه مفك طويل وبعدين شيله من علي دريك المروحه . والسير الجديد ابدا من المروحه للدينامو . واي حاجه تحت امرك .

-

الموضوع: سير الدينمو بيصرخ

LinkBack

أدوات الموضوع

عرض

سير الدينمو بيصرخ - انشر الموضوع فى :

-

-

-

-

المواضيع المتشابهه

الدينمو

مش مصدق نفسى الدايو بتاعتى بقت بتقف من لمسه والكوتش بيصرخ انا بحلم

الكاوتش بيصرخ لما بدوس على الفرامل فى 128

سير الدينمو

الكاوتش بيصرخ في الملفات .. أعمل اية؟

الكلمات الدلالية لهذا الموضوع

المفضلات

المفضلات

ضوابط المشاركة