السلام عليكم و رحمة الله و بركاته


-:{ ورشه بروتون المعلوماتيه }:-

----- -----
انا شايف ان كتير من الاعضاء عندهم استفسارات عن افضل انواع قطع الغيار و اسعارها و اماكن بيعها .
و بالتأكيد لان اسعار قطع الغيار فى التوكيل " خرافيه " فكتير مننا بيتجه انه يشترى قطع غيار من بره .

مشكله قطع الغيار:

المشكله ان ساعات كتير بنشترى قطع غيار و احنا مش عارفين اذا كانت كويسه ولا رديئه !
هل سعرها كويس ولاغالى ؟
و كتير مش بنبقى عارفين نشترها منين اساسا !؟


عيوب ملهاش حل :

ساعات بنواجه عيوب او مشاكل فى عربيتنا مش عارفين ليها حل " اصوات , عيوب تقفيل ,عيوب غير معروفه ...الخ .


الموضوع ده ان شاء الله بفضل اعضاء قسم بروتون حيكون الاجابه لكثير من استفسارات و الحل لكثير من المشاكل .

ايه الفكره يعنى ؟ :

* الفكره ان اى حد اشترى قطعه غيار من بره التوكيل و طلعت كويسه و شغاله بكفائه . يدخل يقولنا اسم القطعه " ماركتها " و اشتراها منين و سعرها كام . , و لو اشترى قطعه غيار " مضروبه " يحذرنا و يقولنا اسمها و جابها منين و بكام .

* لو عندك مشكله و " اياً كان نوع المشكله " و عرفت تحلها قولنا حليتها ازاى و فين و كلفتك كام .

* لو عندك استفسار عن حاجه معينه و محتاج رأى الجميع قولنا على المشكله بالظبط و لو حد عنده فكره عن الحل اكيد حيقولك و مش حيبخل عليك بالمعلومه .
--------------------

اتمنى ان الموضوع يكون تفاعلى , اى حد عنده معلومه او حل لمشكله واجها يشاركنا خبرته و معلوماته .
و اى حد عنده استفسار مايترددش و ان شاء الله نقدر نساعده .

الهدف من الموضوع انه يكون " ورشه معلوماتيه " نفدر نساعد بعض بيها و على الاقل نقف قدام استغلال التوكيل لينا فى اسعار قطع الغيار و الصيانات " كمجموعه واحده عارفين بعض و لينا صوت مسموع " .

عاوز أاكد على ان الموضوع لكن مُلاك بروتون ( ويرا - واجا - جين.2 - بيرسونا - و اى موديلات حتنزل مستقبلا ) .

تحياتى لكل البروتوناويه المميزين جدا .