موضوع مهم لكل البروتوناويه -:{ ورشة بروتون }:- شاركنا خبرتك و معلوماتك و استفساراتك

**Ayman_52** · 30-09-2009 06:16 AM

ايــه مافيش جديد هنا ولا ايــــــــــه ؟؟؟؟؟؟؟؟؟

**as01241** · 30-09-2009 09:58 AM

المشاركة الأصلية كتبت بواسطة hemedah

يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92

بص أنا دي بتحصل معايا بس لما أكون مش على سرعة الغيار يعنى لو أنا على التالت والعربية مهدية أوي وكبست بنزين أسمع صوت تسقيفة ولو على التاني بردو ومهدي أوي أوي وكبست تسقف , لكن لما سألت أصحابي في الموضوع ده قالولي إن ده مش عيب لإنك ببساطة لو مش واخد سرعة الغيار وكبست بنزين مش هتجري وهتسقف , بس على العموم وحيث إني محروم في العربية ديه من الأبلاتين والكوندينسر حبايب قلبي

, بس بردو هقولهم في التوكيل على الموضوع ده وهشوف ردهم إيه , وهطلب منهم يظبطوا الكهربا بتاعة العربية لو ينفع فيها ده

موضوع رائع يا أ/ مهاب , مشكور يا باشا

**A. Ibrahim** · 30-09-2009 12:54 PM

موهاب الله ينور عليك الموضو جامد كالعاد

المشاركة الأصلية كتبت بواسطة momenhamdy

انا والله عندي مشكله ومش عارف لسه الحل فيها ايه وياريت يا استاذ مهاب تشاركني الرأي في حلها و طبعاً الاخوه الاعضاء المحترمين و الافاضل

المشكله في الاتي
اولاً انا العربية كانت في التوكيل في شهر يناير علشان اثر حادث وتم تغير بعض القطع و كان منها كبوت و اكصدام امامي
المهم و الحمد لله استلمت العربية وكل شئ تمام

مؤمن باشه
الموضوع ده لما بيحصل المرش بيقوم ولا لاء ؟؟؟؟؟؟؟؟؟

لو المرش بيقوم يبقي في حاجه في الكونترول او توصيلات الكهربه "و ده انت قلت انه تمام"

لو المرش مش بيقوم "وده اللي انا متوقعه " يبقي العيب في البطاريه و الكلام ده مش هيحصل كتير و ساعتا احسن حاجه انك تجيب و حده جديده

khpopo

الله ينور عليك و يجعلك ديما زخرا للبروتونويه

المشاركة الأصلية كتبت بواسطة hemedah

;]

يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92

الموضوع ان شاء الله سهل جرب تفول 95 "ايوه انا عارف انه غالي جدا"

بس يكون من بنزينه كويسه و لو الكلام ده اتكرر يبقي راجع علي الفلتر و البوجيهات هتكون عوزه نظافه

**MuhammedSoliman** · 30-09-2009 02:10 PM

فنان صباح الفل اخبارك ايه انا اول مره اشوف الموضوع ده واحب اشكرك عليه ومتابع باهتمام وتحياتى على الموضع

**momenhamdy** · 30-09-2009 02:30 PM

المشاركة الأصلية كتبت بواسطة a. Ibrahim

موهاب الله ينور عليك الموضو جامد كالعاد

مؤمن باشه
الموضوع ده لما بيحصل المرش بيقوم ولا لاء ؟؟؟؟؟؟؟؟؟

لو المرش بيقوم يبقي في حاجه في الكونترول او توصيلات الكهربه "و ده انت قلت انه تمام"

لو المرش مش بيقوم "وده اللي انا متوقعه " يبقي العيب في البطاريه و الكلام ده مش هيحصل كتير و ساعتا احسن حاجه انك تجيب و حده جديده

ربنا يخليك يا باشا علي المعلومات القيمه دي

تحياتي

**أبومعاذ** · 30-09-2009 03:25 PM

المشاركة الأصلية كتبت بواسطة mohabsaeed

بسم الله الرحمن الرحيم

انا غيرت سير التوقيت " طقم الكاتينه بالكامل " عند 80 الف كيلو بخلاف التوكيل الى بيغيرهم عند 60 الف كيلو ب 1800 جنيه

جبت سير الكاتينه و بليه شداد الكاتينه من توكيل ميتسوبيشى " منفذ بيع قطع الغيار " فى شارع الكيت كات , يوم 7- 1 - 2009

سير الكاتينه 217 جنيه .
بليه الشداد 261 جنيه .
شاملين ضريبه المبيعات .
و جبت سير المجموعه " تكيف - باور " و سير الدينامو من محل المدينه قى شارع دمشق فى نفس التاريخ .

سير ( باور - تكيف ) صن يابانى 45 جنيه
سير دينامو صن يابانى 35 جنيه يعنى المجموع 560 جنيه . شامل ال3 سيور و البليه فى حين ان سير الكاتينه لوحده فى التوكيل ب 520 جنيه :c_laugh[1]:و البليه ب 460 جنيه تقريبا مش متذكر بالظبط .

و طبعا لو كنت جبت سير الكاتينه و البليه من شارع دمشق كنت حوفر كمان 200 جنيه مثلا .
و جبت فلتر زيت ميتسوبيشى اصلى من محل المدينه ب 30 جنيه , و ده افضل نوع .

مبروك علينا افتتاح الورش

عاوزين نعمل احتفاليه كبيره . بالمناسبه ديه " حفل تدشين ورشه بروتون "

هو موتور عربية حضرتك الكامبرو ولا المتسوبيشي؟؟ وهل قطع الغيار دي تركب على الموتورين ولا لأ؟

**viper911s** · 30-09-2009 05:09 PM

مهاب باشا المواضيع القاتلة دى انت تغيب تغيب وتطلع بحاجة جامدة كدة 10/10 يا باشا

سير ( باور - تكيف ) صن يابانى 45 جنيه
سير دينامو صن يابانى 35 جنيه يعنى المجموع 560 جنيه . شامل ال3 سيور و البليه فى حين ان سير الكاتينه لوحده فى التوكيل ب 520 جنيه :c_laugh[1]:و البليه ب 460 جنيه تقريبا مش متذكر بالظبط .

اللة اللة انت عايز تاكل السوق ولا اية لالالالالالالالا حاسب احنا هنا
لالالالا بجد الموضوع جامد جدا ومفيد لكل الاعضاء الجدد والقدامى

يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92

بالنسبة للكركرة على فكرة هى تقريبا فى كل مواتير الجديدة المانيوال برسونا وجين 2 2009 والواجا 2009 طبيعية علشان انا شفت عميل كان بيشتكى منها ومعاة جين 2 2009وعلشان نأكد انها طبيعى جربنا اكتر من عربية زيرو قدامو وهو كمان جرب كل الى ركبهم كان فيها موضوع الكركرة دة بس دة الى انا شفتة بعنية حتى انى نصحت العميل بلموضوع دة انو يقول للورشة اننو يجرب اى واحدة زيرو وهما وافقوا وهعملوة وشكرا ليك يا مهاب ومتغيبش كدة بقا بتوحشنا ياباشا

**MohabSaeed** · 01-10-2009 03:57 PM

المشاركة الأصلية كتبت بواسطة Ayman_52

ايــه مافيش جديد هنا ولا ايــــــــــه ؟؟؟؟؟؟؟؟؟

انتا لقيت الموضوع ده فين اساسا

المشاركة الأصلية كتبت بواسطة as01241

موضوع رائع يا أ/ مهاب , مشكور يا باشا

متشكر جدا يا أ احمد

يارب الموضوع يكون مفيد لينا كلنا

المشاركة الأصلية كتبت بواسطة A. Ibrahim

موهاب الله ينور عليك الموضو جامد كالعاد

ربنا يخليك يا احمد باشا شكرا على كلامك الجميل .

المشاركة الأصلية كتبت بواسطة MuhammedSoliman

فنان صباح الفل اخبارك ايه انا اول مره اشوف الموضوع ده واحب اشكرك عليه ومتابع باهتمام وتحياتى على الموضع

صباح الفل و الورد عليك يا هندسه و على كل اهل اسكندريه

انتا معاك حق الموضوع فعلا قديم و مكانش فى تفاعل كبير ف اختفى وسط الصفحات . و لقيته اشتغل تانى انهارده !!!

المشاركة الأصلية كتبت بواسطة أبومريم

هو موتور عربية حضرتك الكامبرو ولا المتسوبيشي؟؟ وهل قطع الغيار دي تركب على الموتورين ولا لأ؟

موتور عربيتى ميتسوبيشى 4g18 و علاشان كده قطع غيار موتور الانسر 1600 مشتركه مع موتور عربيتى ...... لكن موتور الكامبرو مختلف و قطع الغيار مختلفه مابين الموتورين .

المشاركة الأصلية كتبت بواسطة viper911s

مهاب باشا المواضيع القاتلة دى انت تغيب تغيب وتطلع بحاجة جامدة كدة 10/10 يا باشا

اللة اللة انت عايز تاكل السوق ولا اية لالالالالالالالا حاسب احنا هنا
لالالالا بجد الموضوع جامد جدا ومفيد لكل الاعضاء الجدد والقدامى

احمد باشا سلطان و الله واحشنى جدا و عارف انى مقصر معاك جامد .

يا باشا ازاى اكل السوق و كبير بروتون موجود معانا

انتا عارف اسعار قطع الغيار عاليه حبتين تلاته ... فتوصلت لكام معلومه فقولت افيد بيها باقى الاعضاء و الفكره كبرت فى دماغى و قولت ليه مايبقاش موضوع عام لكل موديلات بروتون لكل المشاكل الى واجهتنا و حلولها و اى حد عنده معلومه يفيدنا بيها و يبقى مرجع لينا ....

**dreslam** · 03-10-2009 01:29 AM

اخواني الاعزاء

طالب منكو تدوني رأي في الموضوع ده
انا عربيتي جين 2 2007 اوتوماتيك عاملع 60000 مغير تيل من فتره عشان كان بيصفر...ظهرت عندي اصوات تكتكه مع الفرامل وخشونه في العجلتين الامامييين.في التوكيل غيرولي جلب الفرامل الصوت راح لكن فضلت الخشونه وبعد اقل من شهرين التكتكه بقت قدام وورا مع الفرامل بصوره ملحوظه بعد ما امشي بالعربيه نص ساعه زمن.بالاضافه لصوت خشن عند الفرمله كانه حديد بيحك في حديد.مع غربله في الدريكسيون في السرعات من 70-90 بتقل بعد كده.بتاع الكاوتش قالي عندك مشاكل في العفشه لان كاوتشك الجديد ما كملش 6 شهور وبقا فيه عالي وواطي ولازم فردتين تتغير.
مع العلم اني من اسكندريه ودخلت التوكيل بالمشاكل دي مرتين وبطلع منه بمسكنات.
اروح لعفشجي ؟ اغير طنابير؟ بلي عجل؟ ولا اعمل ايه محتاج مشاركه وجدانيه بخبراتكو وشاكر ليكو مقدما