شــــاريد 2008 والمواصفات الفنية ....

**مدحت منيب** · 05-10-2007 09:42 PM

الف شكر يا ابو عبد الة موضوعك روعة و الصور الجميتة اوى دى دخلتنا جوة العربية , و حببتنا ف الايهاتسو و اعتقد الثقة اللى اديناها لها فى النص نقل و منذ التمانينات حاتبقى اكتر و اكتر فى الملاكى بكل انواعة , اكرر شكرى لك ,و تقبل خالص دعواتى

**معاذ الشرباصى** · 05-10-2007 09:48 PM

انا كنت عند دايهاتسو المعادى و قالوا لى ان مفيش شاريد هتنزل

**أبو عبدالله** · 05-10-2007 09:51 PM

انا كنت عند دايهاتسو المعادى و قالوا لى ان مفيش شاريد هتنزل

متهيالي شغل تسويق لأن لا اعتقد تماما انهم مش هينزلو موديل مكان الشاريد ويسيبه مكانها فاضي فهذه السيارات هيا شغلهم اللي هيا ميني

**Ahmed Anwer** · 05-10-2007 09:56 PM

متهيالي شغل تسويق لأن لا اعتقد تماما انهم مش هينزلو موديل مكان الشاريد ويسيبه مكانها فاضي فهذه السيارات هيا شغلهم اللي هيا ميني

+1
بس يا تري هتفضل ديهاتسو برده متمسكة بالمحركات الثلاثة سلندر بتاعت الموتسكيلات في الفئة دي ، و لا هينزلوها بمحرك اربعة سلندر ، عشان المحرك التلاتة سلندر كان نقطة ضعف في الشاريد 2007

**أبو عبدالله** · 05-10-2007 10:01 PM

بس يا تري هتفضل ديهاتسو برده متمسكة بالمحركات الثلاثة سلندر بتاعت الموتسكيلات في الفئة دي ، و لا هينزلوها بمحرك اربعة سلندر ، عشان المحرك التلاتة سلندر كان نقطة ضعف في الشاريد 2007

اولا موضوع المحرك الثلاثة سلندر ده مش نقطة ضعف خالص لأن العربيه لما تقارنها بمثيلاتها مثل البيكانتو الأربعة سلندر هتلاقي تسارع الشاريد اسرع بفارق 2 ثانية من صفر الى 100 كم

وايضا السرعة القصوى الشاريد اعلى من البيكانتو
وايضا العزم كان لصالح الشاريد
واستهلاك البنزين لصالح الشاريد

فماذا بعد ذلك يخليني اقول انه نقطة ضعف

هذا من انجازات دايهاتسو لأن ده تخصصها ومع ده كله أقل نسبة تلوث في العادم في محركاتها وحاصله على جوائز في الأتحاد الأوروبي على ذلك

**Ahmed Anwer** · 06-10-2007 02:07 AM

بس في مصر الناس بتقلق لما تسمع كلمة محرك ثلاثة سلندر
بيخافوا ليبقي ضعيف و ميعيش
أنا عارف إن ديهاتسو مشهورة بالمحركات الثلاثة سلندر و المحركات الصغيرة اللي بتطلع قوة عالية و تويوتا نفسها معتمدة عليها في فئة الكومباكت دي و ديهاتسو هيا اللي بتطورها