الموضوع: هو فى خطورة لو مشيت بالعربية وفى عجلة مترحلة ؟

ارسل شكرى لكل الاعضاء اللى شاركوا بالموضوع .
وربنا يحفظنا جميعا من شر الطريق ومن اخطاء الاخرين .

المشاركة الأصلية كتبت بواسطة Amera

الحكاية بالظبط ياجماعة ان يوم العاصفة الترابية اللى كانت من اسبوعين وتحديدا كان يوم خميس وكان الجو لونة اصفر وكلة تراب ورمل بيتطاير فالمفروض ان الناس فى العربيات بيبقوا قافلين ازاز العربية كلة والناس بتمشى بالراحة ومشغلين النور الصغير او الفلاشروالكلام اللى حصل دة الصبح وانا رايحة الشغل وداخل المنطقة التى اسكن بها ، المهم فى ظل الظروف اللى فاتت دى حدث كالتالى انا ماشية ومفيش حد ورايا خالص وفجأة اسمع صوت فرامل من بعيــــــــــــــــــــــ ــــــد وابص فى المراية الاقى عربية لانوس بتقرب بسرعة جدا فحاولت اجى شمال على امل انة يلحق يوقف قبل مايوصلى ولكن قدر الله وماشاء فعل ، العربية خبطتنى ناحية الرفرف اليمين اللى ورا او بيسموها شفة الرفرف او دوران الرفرف ولاقيت الجنط اتنى والفردة بقيت على الارض المهم طبعا غيرنا الفردة بالاستبن ساعتها والجنط اللى التنى استعدلناة ورصصناة لكن اللى مختش بالى منة ساعتها ان الفردة وهى فى مكانها المفروض بيبقى فى مسافة قبلها ومسافة بعدها المسافة اتغيرت يعنى الفردة قربت لقدام وبقى فى مسافة اكبر بعدها ومبقيتش زى الفردة المقابلة ليها الناحية التانية ، يعنى على ماعتقد ان الطنبورة بتاعة الفردة من اثر الخبطة اتحركت من مكانها .
والمهم بردة عايزة اقول حاجة لكل الناس ان لو فى جو مطر اوتراب او شبورة او ايا كان الجو غير طبيعى والرؤية فية مش واضحة لية نجرى واحنا مش شايفين ولما يحصل حاجة لاقدر الله نقول اصل التراب دخل فى عنينا ومخدناش بالنا ، لازم ياجماعة نكون حريصين على ارواحنا وارواح غيرنا ، واسفة للتطويل ولكن حبيت اشرح الموقف كاملا لكى يستفيد كل من يقرأ الموضوع .

اهم حاجة انك بخير
واى حاجة تانيه تتعوض

بالنسبة للمشكله بتاعتك لازم تراجعى التوكيل فى اسرع وقت

وان شاء الله خير

يا ريت متمشيش بالعربيه لحد ما تصلحيها لأنك كده هتبوظي فرده الكاوتش اللي راكبه في مكان الخبطه.

اأعتقد ان العجلة دلوقتي مش مرحلة بس لأ دى ممكن تكون ملووحة
على التوكيل عدل و في السريع

اأعتقد ان العجلة دلوقتي مش مرحلة بس لأ دى ممكن تكون ملووحة
على التوكيل عدل و في السريع

ههههههههه....
رد لذيذ.

قدر الله وما شاء فعل المهم اللى جوه العربيه مايجرالوش حاجه الباقى كله مقدور عليه حمدا لله على السلامه

شكرا لجميع الاعضاء اللى شاركوا بردهم ، العربية دلوقتى فى التوكيل وجارى العمل على تصليحها ان شاء الله .