البلد فيها قـانــون برده !!

**Terrible_DaRsH** · 05-03-2009 01:04 PM

بداية الكلام بحسبي الله ونعم الوكيل ..
اما انا احب اوضح لكم شيء الا وهو ..
ان رجال المرور من الملازمين الى الظباط و رجال الحكومة الكبار ما هما الا ملائكة العقاب بتوعنا ..
مش فى ملائكة ثواب وعقاب ..
اهم بقي دول ملائكة العقاب .
انا مش عارف اقول ايه والله غير ربنا ينتقم من كل ظالم ومفترى فى البلد دى ..
(( يا رب احشر الظالمين فى الدرك الاسفل من النار ))
اللى بياكلوا اولادهم بفلوس حرام
اللى بيصرفوا على بيوتهم بفلوس حرام
ان شاء الله فى الاخرة هيبقي نصيبهم جمرات من النار باذن الله ...
واقف فى اشارة العباسية المؤدية الى جسر السويس .
وطبعا واقفين بتاع نص ساعة :(
و ابص قدامى الاقى واحد *************** وملوش اى لازمة عمال يلم فى رخص ويلم فى رخص و كان فى واحد مستعجل اوووى جمبي علشان بنته فى المستشفى وراح الجربوع باصص على (الريس) بتاعه وراح قايل له اركن على جمب ..
فقلت حسبي الله ونعم الوكيل .
لاقيت ********* بيبص للعربية اوى و بيقولى اتفضل اركن على جمب ..:(
نزلت وعطلتنا جمبه وعمال اكلمه باحترام ولاقيته ****** فعلا ..
رحت خابطه فى كتفه وقلت له خلص يا عم احنا مستعجلين راح مخلص و قالى طب 50 جنيه ملصقات ولاقيت اصحابي بيهدونى فقلت لهم ده مينفعش معاه ادب ده ****** وسمعته الكلمة ..
راح كاتب وصل مخالفة ب 50 جنيه وقالى انا هبص على الطفاية دلوقتى والامن والمتانة كمان ..
قلت له ثوانى .
ورحت مكلم ابن عمى وقلت له ابوك فين !! لان ابوه لواء ..
قالى ده مسافر .. فقلت له طب فى ******** ساحب الرخصة وطالب 50 جنيه وعايش فى الدور هنا وانا عايز اظبطه !.
قالى خليه يسحبها ولما بابا ييجى هخليه يجيبها لك .
فقلت له خلاص مش مشكلة وقفلت ورحت رايح ******* وقلت له عايز كام انت بقي !!
قالى بكل برود 50 جنيه غير اللى هفتش عليه دلوقتى ..
قلت له امممم طيب فتش براحتك فقالى فين الطفاية فكنت عايز اقوله لو قلت لك الحقيقة هتزعل ..
عملنا مشكلة وهيصة وكل ده على خطين محطوطين على الكبوت . فقلت له كان فى ظابط ابن ناس من كام يوم قالى على الخطين بتوع السقف وانا شلتهم علشان هو ابن ناس فقالى طيب كل واحد حر بقي وكنت عايز اضربه والله العظيم وصحابي حاشونى بالعافية علشان انا المتضرر مش هو ..
فرميت له 50 جنيه وقالى دى مزورة مش هاخدها ..
قلت له انا ممكن اقعد معاك طول اليوم ده انا ارخم خلق الله ..
راح صاحبي دافع واحدة من معاه ومشينا بعد ما اتحرق دمى
و اتمنيت ساعتها اعمل زى منصور الحفنى بتاع فيلم الجزيرة .....
الحصيلة تقريبا كانت 2000 جنيه من اشارة واحدة ..
وفى واحد كلم له قريبه ومشي من غير سحب او غرامات لان الباشا ظبطه فى التليفون ..
سؤالى الاخير : يا ترى الفلوس دى كلها بتروح فين !!
يا ترى بتروح لتنمية موارد البلد مثلا و لا بتروح للفقراء والمساكين ولا بتروح لمشكلة حل البطالة ولا فين !!

تحذير للعضو من استخدام الفاظ غير مقبولة

مشرف القسم العام

**Fadi Ezzat** · 05-03-2009 01:18 PM

انت قاعد فى مصر افتكر الكلمة دى كويس كل اما يحصل حاجة قول انا مصراوى وهتنسى كل الهم الى عليك

**PoweRPassioN** · 05-03-2009 01:31 PM

الله يكون في عون كل المصريين
المشكله اننا بننسى الوضع المفجع اللي احنا فيه لحد ما تيجي حاجه زي كدا تفكرنا
والمشكله الاكبر اننا للاسف مفيش في أيدينا أي آليه لتغيير الوضع المتردي دا في كافه قطاعات البلد

أزاي نحلها بقى؟؟
هي دي المشكله اللي مش عارف احلها
لان بجد البلد اتبهدلت اوي
وانا والله مش قادر ابطل احبها
بلدي بقى نقول ايه
بس حسبي الله ونعم الوكيل في كل اللي خلانا نوصل للي احنا فيه

**Terrible_DaRsH** · 05-03-2009 01:33 PM

والله العظيم يا كريم انا دماغى عمالة تودى وتجيب .
الواحد مش عارف هيلاحق على الفساد ده منين ولا منين !
مش كفاية كل شوية تشتم وتتشتم وانت سايق
و كل واخد واخدها عافية و بلطجة و السواقة بقت بالدراع لا كمان تلاقى عصابة مكونة من كام جربوع مُكلفين بانهم يجيبوا اعلى ايراد للحيتان الكبيرة اللى ناسيين ان ربنا هينتقم منهم خصوصا راس الافعى !
و نرجع تانى نقول حسبي الله و نعم الوكيل ..

**ehabbasha30** · 05-03-2009 01:35 PM

شيل اى مخالفات فى العربية علشان متديش فرصة لاى حد عندة نقص فى الدين وفى النفس ياخد عليك غلطة
لو كنت كبرت الموضوع اكبر من كدة هتبقى انت الغلطان علشان عندك مخالفات فى العربية
ياعم شيل الخطين هما يعنى هيعملو اية للعربية .. وكفانا الله شر القتال

**Terrible_DaRsH** · 05-03-2009 01:39 PM

المشاركة الأصلية كتبت بواسطة smartmate

الله يكون في عون كل المصريين
المشكله اننا بننسى الوضع المفجع اللي احنا فيه لحد ما تيجي حاجه زي كدا تفكرنا
والمشكله الاكبر اننا للاسف مفيش في أيدينا أي آليه لتغيير الوضع المتردي دا في كافه قطاعات البلد

أزاي نحلها بقى؟؟
هي دي المشكله اللي مش عارف احلها
لان بجد البلد اتبهدلت اوي
وانا والله مش قادر ابطل احبها
بلدي بقى نقول ايه
بس حسبي الله ونعم الوكيل في كل اللي خلانا نوصل للي احنا فيه

احنا من كتر اكل الكوسة المسلوقة والمشوية بقينا نأنتخ وكل واحد بيشوف نفسه وبس وبقينا اكثر شعوب العالم سلبية ...
لما تحب مصر حب فيها كفاح رجالتها زمــــــــان لكن حاليا حضرتك مش فى مصر اصلا ..

المشاركة الأصلية كتبت بواسطة fadi2010

انت قاعد فى مصر افتكر الكلمة دى كويس كل اما يحصل حاجة قول انا مصراوى وهتنسى كل الهم الى عليك

للاسف لما بقول الكلمة دى بحزن اكتر :(
والله ما بقي فى حاجة عدلة الواحد يفتكرها اساسا ..

**KING_LEDO** · 05-03-2009 01:40 PM

التزم الأول و ثم اطلب حقك

**wesam_salom** · 05-03-2009 01:42 PM

البلد دى فيها قانون

قانون الغابه +قانون الفوضى

بس ده ميمنعش انك غلطان بالخطين اللى على الكبوت

هتسألنى يا كابتن لطيف طب لو كانت العربيه سليمه كانوا هيعملوا ايه

اقولك كنت هتدفع برده 50 جنيه

غرامه محبه وكفايه انك مصرى

يعنى مشربتش من نيلها

**Terrible_DaRsH** · 05-03-2009 01:45 PM

المشاركة الأصلية كتبت بواسطة ehabbasha30

شيل اى مخالفات فى العربية علشان متديش فرصة لاى حد عندة نقص فى الدين وفى النفس ياخد عليك غلطة
لو كنت كبرت الموضوع اكبر من كدة هتبقى انت الغلطان علشان عندك مخالفات فى العربية
ياعم شيل الخطين هما يعنى هيعملو اية للعربية .. وكفانا الله شر القتال

هو انا لا سمح الله سكران ولا سارق العربية و لا مفيم وحاطط نسر !!
دول هما خطين صغيرين على الكبوت و خلاص .
ادفع عليهم 50 جنيه ليه !!
(وكمان الخطين دول كانوا جايين مع العفشة الجديدة والميكانيكى حطهم من نفسه يعنى مش محطوطين روشنة ولا حاجة) ..
وكمان يا ريتها تيجى على الغرامة بس مش مشكلة .
شوف ******* ده واخد سُلطة من اللى مشغلينه انه يجيب لهم فلوس باى طريقة وخلاص ..
ما كان ممكن يقولى شيل الخطين دول والحوار انتهى و كنت هحترمه جداااا .
لكن واقف فى الاشارة بيدور على اى نصباية و خلاص !

تحذير للعضو من استخدام الفاظ غير مقبولة

مشرف القسم العام

-

الموضوع: البلد فيها قـانــون برده !!

LinkBack

أدوات الموضوع

عرض

-

-

-

-

المواضيع المتشابهه

شارك برأيك في اصلاح البلد...بدل ما نشتم فيها

مصر واهانة المواطن على جميع المستويات انا عايز اطفش من البلد دى البلد دى مش بتاعتنا

لو إنت مش مصري يبقى إحترم البلد إلي مقعداك فيها.

برده تكة في الدبرياج

أحذروا من ترك أشياءكم في السيارة البلد لم يعد فيها أمان

الكلمات الدلالية لهذا الموضوع

المفضلات

المفضلات

ضوابط المشاركة