الموضوع: الريداتير اغير المياة

لو هاتغير ميه الردياتير من الأفضل تعمل الأتي:
1- تصفية المياه من الردياتير بفك أحد الخراطيم الواصلة به و يفضل يكون من أسفل
2- وضع مياه اخري و عمل غسيل للردياتير
3- تركيب الخرطوم مرة أخري
4- ملء الردياتير بالمياه و تشغيل الموتور لمدة لاتزيد عن الدقيقة
5- تكرار الخطوة 1 ثم 3
6- ينصح بملء الردياتير بمياه مقطرة أو ملونة (معالجة ضد الصدأ)

الاختيار قدامك إما تروح البنزينه تغسل الريدياتير بجهاز بيغسل الريدياتير عامل زر الكولدير اللى فى الشارع وده بيبقى غسيل فقط وبيتكلف 15 جنيه
او تروح لواحد بتاع ريدياتير محترم وموثوق فيه يفك اليدياتير ويسلكهويغسله ويراجع على لحاماته وده بيأخد من 20:40 جنيه حسب المنطقه وشكل العربيه يعنى لو العربيه غلبانه وصاحبها عايش فى دور الفقير يبقى 20 لكن لو صاحبها شيك وشكله ابن ناس والعربيه روشه هايطلب 40 ويقولك انا عامل معاك واجب عشان انت اول مره تجيلى وانا بربى زبون والكلام الاهبل ده
او زى الاخوه ما شرحولك تسيب العربيه لحد ما تبرد تماما عشان لو زودت ميه والعربيه سخنه ممكن تجيب سلندر لو العربيه مش دايره
وبعدين تفك الخرطوم اللى تحت فى الريدياتير او تفك طبه او حنفيه الريدياتير ونزل الميه من الريدياتير واغسله بخرطوم ميه او زودله ميه لحد الميه اللى بتنزل منه ما تبقى نظيفه وطبعا بتفك القربه وبتغسلها كويس

اى حاجه من الحاجات اللى فاتت لازم بعدها تملا الريدياتير وده بيكزن اما بماء مقطر الزجاجه 750 ملل ب جنيه ونص عند بتوع الزيت وبتوع الاكسسوار او تجيب ميه خضراء ودى بتمنع ترسب الاملاح وانسداد ماسير الريدياتير وتأكلها وبرضه هاتلاقيها فى البنازين وعند بتوع الاكسسوارات موجود فى وطنيه 5 لتر ب 27 جنيه وفى موبل ب 45 جنيه وعند بتوع الاكسسوارات والريدياتير موجود سعودى ب 20 جنيه. وتكرر العمليه دى كل 8 شهور تقريبا لسنه بالكتير عشان بعد كده بيبدأ ياكل فى وش السلندر

وبالنسبه لتغيير الزيت اشتريه من البنزينه وروح غيره عند محل هشان تبقى ضامن ان الزيت مش مضروب والشغل يبقى على ايدك وطبعا غير الفلتر