الموضوع: تأثير مشروع إحلال التاكسي علي أسعار السيارات والتخفيضات

المشاركة الأصلية كتبت بواسطة Mina W

بصراحة انا شايف العكس انه هيكون كويس علشان الاتى

1- لما اركب تاكسى يكون حالته معقولة مش كانو خارج من الموت بكفاله و ينتهى انه يقف بي فى نص السكة
2-العربيات التعابنة دى اصحابها بيمشوا فى الشارع بنظام وسع احسن انت اللى خسران ، و مش هيهموا لو حك او حتى اتخبط، واحد راكب شاهين قلى انه بيغير فانوس كل شهر او شهرين بس مش فارقة معاه علشان كلها 15 جنيه
3-حالة بعض التاكسيات بقت خطر، من شهران بنتى قدام المدرسة تاكسى الفرامل هربت و دخل فى عربية واقفه و بنتى كانت لسة معدية من العربية دى و زميلتها اللى عديت بعدها حصلها تهشم فى الساق و لسه فكه الجبس
4-طبعا الزحمه على بنزين 80 هتقل بس تفتكر ان التاكسى مرفعش البنديره لما البنزين غلى حتى و هو بيحط 80
5-اكيد العادم فى الشوارع هيقل و ده الكل هيستفيد بيه

فحتى لو فى عيوب انا شايف المميزات اكتر و ده مجرد رأى

لم اختلف معك يا موحد القطرين
كلامك جدا صحيح وانا لم اقل غير ذلك

انا فقط ناقشت الموضوع من جانب الكسبان والخسران
ومناقشتي كانت هي في الاساس ان دائما الحكومة لاتوازن في قراراتها بمعنى انه يجب ان يكون هناك قرار حكومي يكون متوازن بين الطرفين المستهلك ومقدم الخدمة

اعتقد موضوع التاكسي الجديد قضية هامة
ولكن هل تعتقد ان مشكلة مصر هي التاكسي
اين الشوارع
اين نظام المواقف
اين المحطات الالزامية للميكروباص
اين السلوك الحضاري لسائقي التاكسي والراكب
واين واين ......

يمكن يكون تجديد التاكسي خطوة ولكنها ليست كافية ويجب ان تكون معها عدة خطوات تنفذ بصورة متوازية مع هذا القرار
((ونصيحة عوزين نفكر دائما من الجانبين مش عشان انا زبون افرح وخلاص وسائق التاكسي يعاني) كلنا مصريون ويجب ان نفكر في توازن المصالح
ونحاول نقف ضد فكر الحكومة الي بتقول بأخذ من الغنى عشان ادي الفقير ..
الفكرة هو خلق شعور لاارادي داخل الشعب عشان تملي يكون هناك فرقة وليس ان يجتمع الشعب على كلمة سواء

شاكرا ومقدرا للجميع وتقبلوا تحياتي

بس علي فكرة هتبقى حركة جامدة قوي لو طبقوا موضوع الاحلال ده علي الميكروباص كمان , خلي البلد تنضف