تأثير مشروع إحلال التاكسي علي أسعار السيارات والتخفيضات

**meemo the beast** · 22-03-2009 09:13 AM

المشاركة الأصلية كتبت بواسطة activehero2006

موضوع تعديل التاكسي ده يمكن يكون جيد لمستخدمي التاكسي لكنه هيكون خراب كبير جدا على سائق ومالك التاكسي لعدة اسباب
1- السيارة القديمة كانت مشيه حلها وقطع غيرها رخيصة وعلى قد لحافك مد رجليك
2- السيارة القديمة كانت بيتعمل لها عمره واثنين وميه ومشيه وتمام التمام ولا كبالن ولا قطع غيار عمال على بطال
3- السيارة القديمة كان بيتحط لها بنزين 80 لكن الان هتبقى مشكلة وكمان الحكومة هتتوجه اكيد لالغاء البنزين 80 وبالتالي سترتفع سعر البنديره لسائق التاكسى وطبعا بلدنا اخر حلاوة انها مفيش اصلا بنديرية وخلى الناس تتخانق مع بعض وماله خليها ولعه
4- خسارة من جهتين للسائق هيضطر يستغنى عن سيارة جامده حديد بتتماشي مع الطرق المصرية بقيمة 5000 جنيه ويبدأ في شراء سيارة جديدة عليها اقساط ولو ربنا سهل وخلص اقسطها يلاقي تحت رجله عربية عرجه مش هتقدر تكمل معاه يعنى هيدفع اقساط 60 او 70 الف وبعد انتهاء مدة التقسيط العربية مش هتساوي 20 الف جنية

اذا يتضح لنا اهداف الحكومة وهي كالتالي

1- السبب الرئيسي لمشروع التاكسي هو لخدمة اصحاب مصانع السيارات فقط لمعالجة الركود والخسارة المتوقعه لهم في هذا القطاع (بيع السيارات الجديدة وتشغيل قطع الغيار ده شيئ مهم) وليس لخدمة والمحافظة على العاملين بهذه المصانع لان الحكومة لو بتهتم بالعاملين باي قطاع مكنتش خصخصت قطاعات كثيرة بالبلد وسرحت العمال على المقاهي صبح ليل
2-الغاء بنزين 80 المدعوم من الدولة وبالتالي زيادة سعر البنديرة
3- ان تحل مشكلة المرور بالشارع المصري وتنفرج شوية نتيجة اعطال السيارات القديمة (مع العلم بان المشكلة اشمل واعم من ذلك بكثير)
4- تقليل العوادم الناتجة عن السيارات القديمة بالشارع المصري والمحافظة لحد ما على البيئة

هذا رأي وربنا يستر على غلابة مصر

أتفق معك أخي العزيز فالحكومة و التي يتكون معظم أعضائها أصلا من تجار يعني الزيت في الدقيق.
لكن البنزين 80 مش مدعوم ولا حاجة على العكس كل أنواع الوقود انخفض سعرها انخفاض حاد في العالم كله ما عدا المحروسة.
أما بالنسبة للسيارات القديمة و عوادمها فأنا أرى أن التاكسي مش هو المتسبب فيها لأنه بيتعرض لفحص فني سنويا و بيتاخد رخصه لو طلع دخان (لأنه ملهوش ظهر يحميه) لكن لو عاوز تعرف أسباب التلوث شوف سيارات الشرطة - الجيش القطاع العام و الحكومة و اوتوبيساتهم ثم مصانع الأسمنت التي تملكها شركات عالمية محدش يقدر يفتح بقه معاها ثم المصانع الكثيرة المنتشرة حول القاهرة و التي يملكها مستثمرون و رجال أعمال فوق مستوى القانون و أعتقد مصنع واحد من دول يوازي تلوث 1000 عربية تاكسي.
احنا عاملين زي النعامة اللي بتدفن راسها في الرمل عارفين ايه سبب التلوث و بنقول قش الرز و بعدين العربيات التاكسي.
الحكاية كلها ان سواقين التاكسي ملهمش ظهر يبقى نحل مشكلة التجار الحرامية اللي مش عارفين يبيعوا العربيات بالسحت عن طريق التكسجي الغلبان اللي ميقدرش ياخد حق و كأن التلوث ده فجأة بقى بسبب التاكسي بس و مفيش مواد مسرطنة بعمولات خيالية و لا مصانع بتطلع أطنان من التلوث و بتعمل بدون أي إرشادات بيئية و بترمي كمان مخلفاتها في النيل عشان كدة أقترح عليهم بعد كدة يلغوا الأتوبيس النهري و يعطوا لكل مالك أتوبيس نهري خمس تلاف جنيه و يجيب اتوبيس نهري جديد هيونداي أو شيفروليه

**abdelmessih67** · 22-03-2009 09:58 AM

الاخوة الافاضل

في كلام ثاني بيتقال على تخريد السيارت الملاكي التي موديلها أقل من سنة 1970 يعني التي تعدى عمرها أربعين عاما مثل النصر 1100 و ال 1300 و الفولكس بيتلز و الامريكاني القديم في الارياف..........الخ .

و هذا التخريد سيتم بنفس طريقة التاكسي يعني تسليم السيارة للمرور و أخذ واحدة جديدة مخفضة 5000 جنيه و قسط بدون فائدة برضه من ماركات معينة طبعا من انتاج و استيراد الحيتان الكبار .

لو مشروع أحلال و تجديد التاكسي لم يسعف مصنعي و تجار السيارت سيتحولون للملاكي لاعطاء التجار و المصنعين زقة ثانية تسندهم .

**medo60** · 22-03-2009 09:04 PM

يعنى سعر البيجو504 فى الظروف دى ممكن يوصل لكام؟

**abdelmessih67** · 23-03-2009 12:04 PM

المشاركة الأصلية كتبت بواسطة medo60

يعنى سعر البيجو504 فى الظروف دى ممكن يوصل لكام؟

أهلا يا اخ ميدو

ممكن تدخل على موقع carmisr.com
و contactcars.com و car100100.com
و masrawy.com

ستجد تشكيلة كبيرة من البيجو 504 و حسب معلوماتي لإان ثمنها حاليا أصبح في حدود 25 الف جنيه .

**chihab18** · 23-03-2009 02:20 PM

المشاركة الأصلية كتبت بواسطة activehero2006

موضوع تعديل التاكسي ده يمكن يكون جيد لمستخدمي التاكسي لكنه هيكون خراب كبير جدا على سائق ومالك التاكسي لعدة اسباب
1- السيارة القديمة كانت مشيه حلها وقطع غيرها رخيصة وعلى قد لحافك مد رجليك
2- السيارة القديمة كانت بيتعمل لها عمره واثنين وميه ومشيه وتمام التمام ولا كبالن ولا قطع غيار عمال على بطال
3- السيارة القديمة كان بيتحط لها بنزين 80 لكن الان هتبقى مشكلة وكمان الحكومة هتتوجه اكيد لالغاء البنزين 80 وبالتالي سترتفع سعر البنديره لسائق التاكسى وطبعا بلدنا اخر حلاوة انها مفيش اصلا بنديرية وخلى الناس تتخانق مع بعض وماله خليها ولعه
4- خسارة من جهتين للسائق هيضطر يستغنى عن سيارة جامده حديد بتتماشي مع الطرق المصرية بقيمة 5000 جنيه ويبدأ في شراء سيارة جديدة عليها اقساط ولو ربنا سهل وخلص اقسطها يلاقي تحت رجله عربية عرجه مش هتقدر تكمل معاه يعنى هيدفع اقساط 60 او 70 الف وبعد انتهاء مدة التقسيط العربية مش هتساوي 20 الف جنية

اذا يتضح لنا اهداف الحكومة وهي كالتالي

1- السبب الرئيسي لمشروع التاكسي هو لخدمة اصحاب مصانع السيارات فقط لمعالجة الركود والخسارة المتوقعه لهم في هذا القطاع (بيع السيارات الجديدة وتشغيل قطع الغيار ده شيئ مهم) وليس لخدمة والمحافظة على العاملين بهذه المصانع لان الحكومة لو بتهتم بالعاملين باي قطاع مكنتش خصخصت قطاعات كثيرة بالبلد وسرحت العمال على المقاهي صبح ليل
2-الغاء بنزين 80 المدعوم من الدولة وبالتالي زيادة سعر البنديرة
3- ان تحل مشكلة المرور بالشارع المصري وتنفرج شوية نتيجة اعطال السيارات القديمة (مع العلم بان المشكلة اشمل واعم من ذلك بكثير)
4- تقليل العوادم الناتجة عن السيارات القديمة بالشارع المصري والمحافظة لحد ما على البيئة

هذا رأي وربنا يستر على غلابة مصر

خلي بالك استخدام صورة المفتش كرومبو حيعرضك ويعرض الموقع لطائلة القانون من مبتكر الشخصية اللي نشر تحذير في الجرائد من استخدمهاوممكن يرفع قضية عليك وعلي صحاب الموقع ؛ وانا مجردبقول للعلم فقط

**abdelmessih67** · 23-04-2009 03:41 PM

http://contactcars.com/News_ViewStory.asp?NewsID=2870

قال مسئول بشركة "غبور" أكبر شركة لتصنيع وتجميع السيارات في مصر إن شركته لاحظت تحسن مبيعات سيارات الركوب في مارس الماضي وتتوقع أن تكون مبيعات 2009 مماثلة لمبيعات العام الماضي.

وقال باسم الشاوي مدير علاقات المستثمرين في "غبور" للسيارات لإحدى وكالات الأنباء العالمية العاملة في مصر : "شهدنا بعض التحسن في مبيعات السيارات في مارس ، لقد ارتفعت قليلا".

وتضاف زيادة مبيعات مارس التي قالت "غبور" إنها الأفضل منذ نوفمبر الماضي إلى تحسن المبيعات الذي أعلنت عنه في الأسبوعين الأول والثاني من فبراير الماضي بعد انخفاض المبيعات في الربع الأخير من 2008 بسبب الأزمة المالية العالمية.

وأضاف الشاوي : "أدرك المستهلكون أن الأسعار لن تنخفض أكثر من ذلك ، هذا دفعنا للاعتقاد بأن ننهي العام بمبيعات قريبة من نفس مبيعات سيارات الركوب في 2008".

وقال مدير علاقات المستثمرين في "غبور" إنه في حين يتوقع تباطؤ السوق في 2009 إلا آن خطة الشركة لطرح سيارات أجرة بأسعار في متناول السائقين بموجب خطة حكومية لتحديث أسطول البلاد من سيارات الأجرة ستوازن أي انخفاض ، لقد قمنا ببيع عدد من سيارات الأجرة".

وأعلنت الشركة أن قوانين المرور الجديدة التي تجبر السائقين على إحلال السيارات التي يزيد عمرها عن 28 عاما ستوفر فرصة بالسوق لبيع أكثر من 34 ألف سيارة خلال الاثنى عشر شهرا القادمة وحدها.

وتشارك "غبور" الوكيل الوحيد لسيارات "هيونداي" الكورية في مصر في مشروع إحلال وتجديد سيارات التاكسي القديم بالسيارة "فيرنا".

وأضافت الشركة أن المرحلة الثانية التي تلزم السائقين بإحلال سيارات الأجرة التي يزيد عمرها على 20 عاما سترفع إجمالي السيارات اللازم تغييرها إلى 70 ألف سيارة.

يذكر أن الشركة سبق وأعلنت انخفاض صافي أرباحها في 2008 بنسبة 4% رغم نمو المبيعات إلى 5.1 مليار جنيه.

**moudy88** · 23-04-2009 03:57 PM

انا شايف لو ان بتوع التاكسي دخلوا في مشروع الاحلال بتاع الحكومه ...سوق المستعمل مش هيتاثر لان كل العربيات القديمه هتتكهن ومش هتتباع مستعمل ...وبعدين الشاهين هتفضل موجوده لان اقدم شاهين موديل 94- 95 وقدامها حوالي 6 سنين عقبال لما تتكهن