ارجو المساعده بخصوص الفلشيا

**waelgaber** · 06-03-2009 04:36 PM

عوز اركب بور للفلشيا ومش عارف بيبقى حلو ولا بيعمل مشاكل وسعره كام ناس قللولى حلو وناس قاللولى ده عك افدونى لو سمحتو ياجماعه waelgaber123@hotmail.com

**mindvision** · 21-03-2009 03:49 PM

نفس الكلام زيك... ياريت اعرف معاك عشان انا عايز اركب انا كمان ومش عارف اخد قرار..

**amir** · 21-03-2009 04:13 PM

شباب
انا ايام الفيليشيا فكرت زيكو بالظبط
و واجهتني نفس المشاكل من حيث امكانيه عمل ذلك و الكفاءه و التكلفه

انتو عايزين تركبو باور علشان الدركسيون يبقي خفيف طيب ما تيجو تعملو اللي انا عملته قبل كده
1-روح لعفشجي محترم خليه يراجع علي علبه الدركسيون, لو محتاجه تشحيم يشحم لو محتاجه حشو يحشي و كمان الجلب لو متقطعه يركب جديده
2-ظبط زوايا و ترصيص و ظبط ضغط هواء الكاوتشات
3-لو الفرد الاماميه بايظه يبقي تشتري جديد تيوبلس
4-لو المساعدين بايظين غير الاربعه(الصح الاربعه مع بعض مش اتنين و اتنين)
5-البطاحات برضو هتلاقيهم اتهرو العفشجي يركب جديد
6- كام يوم استعمال بعد الموضوع ده و شوف كده لو الدركسيون مبقاش زي الميه تبقي متدعيليش(اوعي حد يدعي عليا اساسا)

شباب الموضوع ده كنت بعملو كل سنه او سنه و نص و الدركسيون اقرب ما يكون للبور

**amir** · 21-03-2009 04:32 PM

المشاركة الأصلية كتبت بواسطة mindvision

طيب معلش عشان انا مالك جديد للاسكودا بقالي 3 شهور ومعنديش خبرة في اللي انت قلته ده كله !!!
الحاجات دي تاخد وقت اد ايه عشان تتعمل ؟!؟!؟

طيب مادام مالك جديد بص بردو علي الخطوات دي:

المشاركة الأصلية كتبت بواسطة amir

اهلا و سهلا بيك
اليك قائمه للصيانه متنسهاش:
1-ضغط الاطارات
2-علبه الدركسيون تظبطها كل سنه او سنه و نص
3-المساعدين لو بايظين غير الاربعه مع بعض
4-نضف الكربيراتير
5-نضف فلتر الهواء و لو محتاج يتغير غيره
6-فلتر البنزين لو اتوسخ قوي غيره
7-راجع البوجيهات لو محتاجه تغيير
8-البطاريه لو ضعيفه هات واحده جديده
9-لو صوت الموتور عالي قوي ممكن تغير سير الكاتينه الصوت هيقل كتير
10-اهتم بتغيير الزيت في المواعيد المناسبه
11-لو في حاجه في الاسطوانه و الديسك غير و هات ساكس الالماني و انساه
12-اهم حاجه بنزين 92

بالنسبه لموضوع العفشجي هتاخد عنده مالايقل عن ساعتين و ممكن قوي تلات ساعات