كمات العربيه

**MR MARINE** · 02-09-2007 02:26 PM

انا بسمع ان فى عربيات اتنين كامه وعربيات كامه واحده انا عاوز اعرف الفرق بينهم ايه وانهى احسن

**MMamdouh** · 02-09-2007 03:09 PM

الكامات يقصد بها عامود الكامات المسئول عن فتح الصبابات

فى غالب الاحوال بيكون المحرك الاربعة اسطوانات و 16 صباب باتنين كامة و كل كامة مسئولة عن صف صبابات فى حين المواتير ال اربعة سلندر و 8 صباب او 12 صباب بكامة واحدة

معتقدش فى فرق كبير اوى من ناحية الاداء بين الكامة واحدة او اتنين لكن الفرق الجوهرى بيبقى فى عدد الصبابات و لان ال 16 صباب مرتبط بالاتنين كامة اصبح الموتور الاتنين كامة افضل من الكامة الواحدة بس دة بيرجع اساسا لعدد الصبابات

MMamdouh

**PRO-DRIVE** · 02-09-2007 06:12 PM

مفيش حاجه اسمها مشاكل اكتر ال 2 كامه بيديي تحكم افضل لاعدد الصبابات الاكتر بس مفيش لا مشاكل ولا غيره

**Ahmed Hassan** · 02-09-2007 09:05 PM

س على حد علمي عدد الكامات كمان بيفرق في الآداء.. يعني الموتور الأتنين كامه 16 صمام اقوى في القوه الحصانيه من الواحد كامه 16 صمام.
الميزه الوحيده للواحد كامه انه بيحقق عزم دوران عالي على لفات موتور منخفضه عكس الاتنين كامه اللي لازم تعلى لفات الموتور علشان تولد عزم.

**MMamdouh** · 03-09-2007 10:00 AM

بص هى بتتحسب بطريقة تانية منها ان شكل غرفة الحريق بيختلف لما يبقى عندك 2 كامة لانك ممكن نحرك صف الصبابات زى ما انت عايز لان فى عامود منفصل بيتحكم فيهم غير لما بيبقى فى عامود واحد و التحكم عن طريق شواكيش

برضة القصة ليها علاقة بوزن القطع اللى بتلف و اعتقد العامود الواحد اللى ببيشغل ال 16 صباب لازم يكون قوى لانة بيتعرض لاحمال 16 صباب و سرعة دوران عالية غير لما يبقى الحمل فى تشغيل 8 صبابات فقط

اما بلانسبة للعزم فانا قريت ان الموضوع دة مرتبط بعدد الصبابات برضة مش عدد الكامات

MMamdouh