الموضوع: بسرعة من فضلكم علشان رايحة امتحن بكرة

المشاركة الأصلية كتبت بواسطة PuntoPunto

لأ ما زعلتش ولا حاجة

بس أنا مش غارفة أجاوب على السؤال، أنا أخذت تلات دورات في مدرسة سواقة والحمد لله المدربين قالولي مستواكي كويس، ومن ساعتها ما جربتش نفسي لإني خايفة أمشي من غير رخصة. بس بصراحة علشان أكون أمينة أنا عندي عقدة من الركن والمارشدير.

بس خليها بيني وبينكم

مش عايزين فضايح في المرور ... خلاص؟

ههههههههه
حاضر من عونيا

بس ده الطبيعى
اى حد جديد فى السواقه بيبقى عنده المشاكل دى

المهم حاولى تدربى كويس الاسبوع ده وروحى الامتحان وانتى قلبك جامد
هيحصل ايه يعنى هيقولك تعالى بعد شهر مش اكتر

المشاركة الأصلية كتبت بواسطة aif

عسى ان تكرهوا شيئا وهو خير لكم
الحمد لله
بصراحة لو عندك واسطة يبقى افضل
خطوات تعلم السواقة من واقع المنظور الفعلي (وليس الصحيح ) في مصر :
1 - تطلعي رخصة بالكوسة ... ولو مافيش يبقى بالفلوس ( حوالي 500 بيدق )
2 - تشتري عربية مستعملة علشان تبهدلي فيها براحتك من غير ما تخسري كتير ( وربنا يكون في عون العربيات اللي حولك )
3 - تتعلمي السواقة مع مدربة محترفة او احد اقاربك يكون اعصابة حديد ولا يهاب الموت وماعندوش عيال
....
ممكن تقديم الخطوة 2 على الخطوة 1
....
نصيحة لا تيأسي ... كل شيء له حل في مصر

هههههههههههههههه
حلوه اوى رقم 3 دى

المشاركة الأصلية كتبت بواسطة PuntoPunto

والله فرجتوا عني

الواحد ضحك بعد ما كنت راجعة مش طايقة الدنيا

يا ستى ماحدش واخد منها حاجة

مش عارف انتى مستعجله على ايه

انتى مجرد ما تركبى العربيه اسبوع واحد هتكرهى اليوم اللى طلعتى فيه الرخصه واليوم اللى جبتى فيه عربيه اساسا

انتى كده ربنا بيحبك :10D5C8~1107:

الصراحه رحت مرور الاميرية مع اخويا من سنة وكان سهل جدا

مش زحمه خالص والاشارات سهله والعملي s ومفيش ولا مارشدير ولا ركن ولا كوبري ...

عموما معلش كله نصيب

ربنا يوفقك المره الجاية ان شاء الله

المشاركة الأصلية كتبت بواسطة aif

عسى ان تكرهوا شيئا وهو خير لكم
الحمد لله
بصراحة لو عندك واسطة يبقى افضل
خطوات تعلم السواقة من واقع المنظور الفعلي (وليس الصحيح ) في مصر :
1 - تطلعي رخصة بالكوسة ... ولو مافيش يبقى بالفلوس ( حوالي 500 بيدق )
2 - تشتري عربية مستعملة علشان تبهدلي فيها براحتك من غير ما تخسري كتير ( وربنا يكون في عون العربيات اللي حولك )
3 - تتعلمي السواقة مع مدربة محترفة او احد اقاربك يكون اعصابة حديد ولا يهاب الموت وماعندوش عيال
....
ممكن تقديم الخطوة 2 على الخطوة 1
....
نصيحة لا تيأسي ... كل شيء له حل في مصر

انا مش قادر بجد
ههههههههههههههههههههههههه ههههه
ههههههههههههههههههههههههه هههههههههه
جامدة جامدة جدا

أمال أنا أعمل إيه كنت واقف قدام باب غرفة النظرى من عشرة صباحا ل 5 مساء كل شوية دورك جاى دورك جاى بس كانت مصلحة المهندس كان زهق أصلا خد أسمى أنا و التلاتة الى كانوا معايا و عملنا هو الإمتحان جيبت 100% ماغلطتش فى ولا سؤال
المهم نزلت أرض المعركة الساعة 5 و نص الكلام دا فى شهر 12 كان فى إتنين بيشيدوا حشيش و كان معانا إتنين توأم شكل بعض واحد منهم عدا و أنا كنت ماشى مع التانى ورا شوية فالعيال لأناهم بيقولوا بسسست كابتن مش أنت عديت من شوية ولا إحنا إتسطلنا قالوا لا العفو يا معلم أنا لفيت من ورا
المهم فى أرض المعركة الضابط"الله يرحمه" قاعد وعمال يزعق دا حتى سقط واحد عشان فى واحد قاله حاسب المهم الساعة بقت 7 مساء و الدنيا ليلت و أنا كنت عايز أدخل الحمام و جعان و عايز أنام المهم دخل زمايلى الأول واحد ورا التانى كل واحد فيهم إدى 10 جندى للراجل الى جنبه و سمع الكلام يمين يمين شمال شمال جيه الدور عليا الدنيا كانت ضلمة و مافيش غير لمبة واحدة 60 وات للظابط عشان يشوف و هو بيكتب راسب و الأقماع كان مغضوب عليها و لونها أسود و العبد لله مش شايف طلعت كويس و أنا راجع كسرت قمع كنت مفكر كيس أسود مرمى هو القمع أنا سمعت القمع بيتكسر من هنا و نزلت جرى من العربية خدت البطاقة و جريت قالى تعالى التلات و خير حصل كان الظابط التانى أحسن و مية مية و كمان واحد صاحبى زق عم صلاح و قاله خد بالك منه قاله من عنيا و كمان واحد معرفة كلم ناس عارفهم و طلعنا الرخصة و أنا أى كلام فى السواقة
بس كله تمام دلوقتى