بسرعة من فضلكم علشان رايحة امتحن بكرة

**ahmedelsayedn70** · 08-03-2009 06:44 PM

نسيت اقولك حاجه بسيطه اوعى تكونى لابسه نضاره ولا حاجه ولكنك متصوره صورك الشخصيه من غير نضاره فهيقولك عايزين صور بنضاره او تعملى زيى وقوليله انها حفظ بس خدى بالك هيقولك اقلعى النضاره وانتى سايقه فى الاختبار العملى ولو حد رخم عليكى فى اى حاجه سواء قالك لازم تمتحنى نظرى ولا حاجه اديله 50 جنيه ولا حاجه وهو هيعديكى من اى حاجه زى ما قلت لك طبعا حكاية الفلوس دى حرام بس هتعملى ايه المضطر يركب ويسوق الصعب بما اننا بنتكلم عن المرور

يا استاذ m.mokhtar انا ممتحنتش نظرى لانى كنت رايح مع واحد تبع مدرسة السواقه اللى اتعلمت فيها وروحت امتحنت عملى بس ولما خيشت ادى للراجل اللى امتحنى 50جنيه والراجل قام بكل حاجه اقسم بالله ده اللى حصل معايا بالظبط يعنى انا مش بكدب ولا حاجه وربنا اعلم

**M.Mokhtar** · 08-03-2009 07:25 PM

المشاركة الأصلية كتبت بواسطة ahmedelsayedn70

يا استاذ m.mokhtar انا ممتحنتش نظرى لانى كنت رايح مع واحد تبع مدرسة السواقه اللى اتعلمت فيها وروحت امتحنت عملى بس ولما خيشت ادى للراجل اللى امتحنى 50جنيه والراجل قام بكل حاجه اقسم بالله ده اللى حصل معايا بالظبط يعنى انا مش بكدب ولا حاجه وربنا اعلم

هههههههههه
لا حول ولا قوة الا بالله

هو لما واحد يسأل على حاجتين متناقضتين يبقى لازم يكون بيكدب اللى قدامه؟

تقريبا العيب فيا على فكره عشان دى 3 مره تحصل فى اليومين اللى فاتوا

يا جماعه انا بستفسر مش اكتر ومش بكدب حد

والمشكله ان اللى بيرد ويقول انى مش بكدب تلاقيه بيقول سبب التناقض

زى هنا مثلا موضوع انك تبع مدرسة

يبقى لو قال سبب التناقض وبس يبقى 100%
ليه بقى ندخل الشك والكدب ما بينا؟؟؟

الف شكر يا باشا على توضيح الصوره

واسف جدا لو حسستك انى بكدبك
وشكرا ليك

**PuntoPunto** · 08-03-2009 10:39 PM

المشاركة الأصلية كتبت بواسطة ahmedelsayedn70

أولا مفيش امتحان نظرى ولا حاجه من الاساس لانى تبع مرور الاميريه وطلعت الرخصه من هناك فمبدئيا مفيش امتحان نظرى ولا حاجه ثانيا انتى هتمتحنى عملى فقط الراجل اللى هناك هيقولك اطلعى بالعربيه قدام شويه وارجعى للخلف بس كده ولا اكتر ولا اقل ده ثانيا اما بقا ثالثا انتى من الاخر لو مبتعرفيش تسوقى اصلا او بقالك فتره مسوقتيش ولا قدر الله خيشتى فى حاجه اقصد مثلا حكيتى فى الرصيف او تكونى لا قدر الله هتعملى زيى وانا برجع للخلف خيشت فى الرصيف وكنت راجع بسرعه كمان لانى مكنتش مالك العربيه والحمد لله انى مرجعتش للخلف على الشارع الرئيسى والا مكنتش ردت عليكى دلوقتى المهم لو لا قدر الله حصلك موقف من دول ادى للراجل 50 جنيه ولا حاجه وهو هيطلعهالك فى عشر دقائق المهم انك بأذن الله هتخديها بكره وانتى راجعه بس اوعى تنسى تبلغينا عملتى ايه

معلش بقى الفاس وقعت في الراس وسقطت في النظري

بس بقول لحضرتك هو مين الراجل اللي أديله 50 جنيه ده؟ ده الضابط بيبقى قاعد في الكشك عينه على كل حاجة، هي ال50 جنيه دي للضابط يعني؟

**lancerevolution** · 09-03-2009 12:32 AM

كلهم بياخدوا و بيقسموا مع الظابط أخر النهار

**Ahmed Hassan** · 09-03-2009 01:06 AM

المشاركة الأصلية كتبت بواسطة aif

عسى ان تكرهوا شيئا وهو خير لكم
الحمد لله
بصراحة لو عندك واسطة يبقى افضل
خطوات تعلم السواقة من واقع المنظور الفعلي (وليس الصحيح ) في مصر :
1 - تطلعي رخصة بالكوسة ... ولو مافيش يبقى بالفلوس ( حوالي 500 بيدق )
2 - تشتري عربية مستعملة علشان تبهدلي فيها براحتك من غير ما تخسري كتير ( وربنا يكون في عون العربيات اللي حولك )
3 - تتعلمي السواقة مع مدربة محترفة او احد اقاربك يكون اعصابة حديد ولا يهاب الموت وماعندوش عيال
....
ممكن تقديم الخطوة 2 على الخطوة 1
....
نصيحة لا تيأسي ... كل شيء له حل في مصر

فكرتني و الله من اسبوعين كدا كان المادم عندي و اختها الصغيره عندهم امتحان السواقه العملي (ومقالوليش غير اليوم اللي قبلها بالليل فملحقتش اضبط كوسه) حاولت افهمهم انهم مش هينجحوا صمموا يروحو.. و انا بصراحه مرضتش اكون عقبه في طريق سعادتهم. النتيجه ان المدام موتت 3 قراطيس قتل خطأ.. و اختها قرطاس واحد بس مع سبق الاصرار و الترصد (خبطته و رجعه و خبطته 3 مرات)

ان شاء الله رايحين يمتحنوا تاني يوم الاربعاء (بــالــكــوســه) و لما نشوف النتيجه هتكون ايه.

**fahd_628** · 09-03-2009 01:18 AM

كويس اوى اوى انهم قالولك اسبوع :) الحمد لله

انا لما رحت امتحن سقط اول مرة :( و قالولى تستنى 3 شهور ( و دة لأنى كنت متسرع و مش عاوز استنى الواسطة ) و بعدين الواسطه عملت عماليلها و ممتحنتش حاجة

**PuntoPunto** · 09-03-2009 02:28 PM

المشاركة الأصلية كتبت بواسطة fahd_628

كويس اوى اوى انهم قالولك اسبوع :) الحمد لله

انا لما رحت امتحن سقط اول مرة :( و قالولى تستنى 3 شهور ( و دة لأنى كنت متسرع و مش عاوز استنى الواسطة ) و بعدين الواسطه عملت عماليلها و ممتحنتش حاجة

ما أنا ما عنديش واسطة وخايفة من الفلوس علشان حرام

**lancerevolution** · 09-03-2009 02:33 PM

على فكرة هى مش حرام إذا كان مالهاش حل تانى نهائى

**M.Mokhtar** · 09-03-2009 02:39 PM

جربى الاسبوع ده تدخلى عادى
وان شاء الله ربنا يوفقك

لو مش نافع نشوف حلول اخرى

**samirayad** · 09-03-2009 03:07 PM

ما أنا ما عنديش واسطة وخايفة من الفلوس علشان حرام

.....للأسف هو ده المفتاح السحرى اللى بيفتح جميع الأبواب .........ألا وهو المعلوم ( الفلوس )

الموضوع: بسرعة من فضلكم علشان رايحة امتحن بكرة

LinkBack

أدوات الموضوع

عرض

-

-

-

-

-

-

المواضيع المتشابهه

تسعير عالسريع علشان نازل اخلص بكرة لانسر 2006 و 2008

سؤال بخصوص كاوتش النيفا علشان نازل اغيرة بكرة ان شاء الله

كنت مسافر بكرة اسكندرية ومش عارف اركب اية و ياريت حد يرد عليا علشان مسافر بكرة الصبح

عايز رائيكم في اللون بسرررررررعة علشان هستلم بكرة

عايز رائيكم في اللون بسرررررررعة علشان هستلم بكرة

الكلمات الدلالية لهذا الموضوع

المفضلات

المفضلات

ضوابط المشاركة