شراء سيارات من الخليج

**powerofhelll** · 08-03-2009 03:44 AM

هتسيب جشع التجار و تروح للي مش بيرحم الجماااااااااااارك
و ما ادراك ما الجمارك

**meromar** · 08-03-2009 10:32 AM

انا كنت حجيب لانسر شارك من السعودية ب69000 ريال يعنى تقريبا 103000 جنية دة غير الجمرك بتاعها اللى حيوصل ل53000 غير المصاريف والارضية والرسوم والدمغات والشاى والحلاوة وطبعاااااااا غير البهددددددددددددلة اللى كنت حوشفها لما جيت حسبتها لقيت العربية فمصر نفس مواصفات العربية اللى كنت حجبها وخليجى ب140 الف يعنى العربية فمصر حتقف عليا ارخص من انى اجبها من السعودية حوالى 16000 جنية لو مكنش اكتر وفعلا جبتها من مصر ارخص من السعودية .

**A.Elsheikh.01** · 08-03-2009 12:16 PM

جتلى فكره على غرار خليها تصدى
فكره ( خليها تيتيتيتيت لبتوع الجمارك )

**أشرف فتحى** · 08-03-2009 02:14 PM

المشاركة الأصلية كتبت بواسطة rockana9112007

طب انا فكرت انى ادخل العربيات من على حدود السودان عشان الدنيااا رايقة ومفيش جمارك الا فى حلايب وبعدين نحطلهااا نمر عربية عاملة حادثة نفس الموديل ولا من شاف ولا من درى
اية رأيكم ؟؟؟؟؟
سنة اولى اجراااام

المشاركة الأصلية كتبت بواسطة mobitek

كانوا بيعملوه فى العربيات البيجو فى ليبيا

يطلعوا بعربيه 7 راكب هلكانه وينقلوا رقم الشاسيه هناك

ويرجعوا بيها سليمه

بس لو اتمسكت فيها حبس

وده ممكن فى اى وقت وانت بتفحص يشكوا فيها

وبعدين انت هتشترى عربيه الحوادث بكام

هتلاقيها واقفه بنفس السعر وكمان ملعوب فيها

المشاركة الأصلية كتبت بواسطة magyver

والله فكرة يااريت معلومات اكتر في الموضوع دة

ايه يا رجاله ده كده خلاص فاضل الدفاس وابو دهشوم وتعملوا تشكيل عصابى
بس اوعى تنسى وتصبر العربيه فى الملاحه وشقى عمرى والشغل ده

طبعا انا بهزر بس الكلام ده مش صح
هو انا شايف ان البلد فيها ...... اقوم اعمل زيهم ؟؟
لأ طبعا مع الفارق فى التشبيه طبعا

**meemo** · 10-03-2009 11:27 AM

بص يا سيدي انا في الكويت وكن عايز اجيب سيارة وانا في مصر علشان بحتجها في الاجازة كرهت نفسي و عيشتي علشان فكرت اجبيها من مصر بالتقسيط انا مش موظف هنا تدفع 40% من تمنها ده كلام
طب تدفع 25% و1.5 مصاريف ادارية وقسط يقسم الوسط وتامين قرف زكل ده علشان اجيب لانوس يعني مش حاجة
قلت خالص اجبيها من هنا واخلص علشان اولا الاجراءات سهلة جدا وخصوصا اني شغال في وزارة حكومية
يعني انا ماشي في اجراءات تقسيط الافيو 2009 كاملة المواصفات وطبعا عارف مواصفات الخليج بس هي 1400سي سي
تمنها كاش 3100 دينار اضرب في 19.20
لو هجيب اقسط لو عايز ادفع مقدم ممكن وممكن من غير مقدم خالص يعني مثلا لو مقدم يبقي 200 دينار وقسط 60 دينار علي 5 سنين بس المشكلة انك مش ممكن تجمركها قبل سدد اقسطاها
الخلاصة العربية من الخليج احسن لشخص عمله هناك علشان بيستفيد بيها وكمان لما ينزلها بعد خمس سنين بيخصم من الجمرك25% بس فعلا زي الاصدقاء ماقول الثمن هو هو بس الاختلافات ان المواصفات الخليجي افضل بمراحل كتير جدا وخصوصا التكيف

**wesam_salom** · 10-03-2009 02:28 PM

المشاركة الأصلية كتبت بواسطة meemo

الخلاصة العربية من الخليج احسن لشخص عمله هناك علشان بيستفيد بيها وكمان لما ينزلها بعد خمس سنين بيخصم من الجمرك25% بس فعلا زي الاصدقاء ماقول الثمن هو هو بس الاختلافات ان المواصفات الخليجي افضل بمراحل كتير جدا وخصوصا التكيف

3 سنين بس

وخصم 20%
بواقع 10% عن السنه الاولى و 5% عن كل سنه

**activehero2006** · 10-03-2009 02:36 PM

خدو بالكم لازم الشراء في سنة الموديل وتتصدق من السفارة المصرية

وبصراحة بهدله

**meemo** · 17-03-2009 09:52 PM

ليه ياعم بهدلة يعني الناس اللي بشتروها من الخليج مش بيفهم مثلا كل حاجة في مصر بهدلة حتي لو هتشتريها جديدة من مصر بهدلة مع شالشركات او البنوك زي الل حصل معي

**meemo** · 17-03-2009 09:56 PM

انا قرايت انك لازم تنزل السايارةى في خلال 3 سنين مين الي قال كده المهم تمكون المللك الاول ليها في سنة الصنع او سنة الموديل تنزلها بعد اد ايه مش مشكلة انشا الله تنزلها بعد 10 سنين المهم انك المالك الاول يعني مثلا تشتري سيارة موديل 2009 وتكون المالك الاول وقبل 30/9/2009 وبعد كده تنزلها وقت مانت عايز براحتك المهم ان الخصم علي الجمارك لا يتجاوز نسبة 25%

**sasam6** · 18-03-2009 04:28 PM

طب انا فكرت انى ادخل العربيات من على حدود السودان عشان الدنيااا رايقة ومفيش جمارك الا فى حلايب وبعدين نحطلهااا نمر عربية عاملة حادثة نفس الموديل ولا من شاف ولا من درى
اية رأيكم ؟؟؟؟؟
سنة اولى اجراااام

مكنش حد غلب وكلوا عملها