رابطة مالكي وعشاق التمبرا (الجزء الأول)

**heshamzaky** · 10-07-2010 04:14 AM

المشاركة الأصلية كتبت بواسطة reemnabel

محدش عايز يسابق بنت هنا ههههه انا بسوق كويس متخفوش ده انا بجنن الي بيطلع قدامي في زفه بقيت اتعزم عشان اروح الزفه مش الفرح نسيت شكل السوريه ياناس من كتر مابطلت اروح افراح ههههه الشتا الي فات واحده صحبتي عزمتني علي زفه اخوها وانا معرفشي حد من الي طالعين الزفه وكنت محرجه جدا اروح بس محبتشي احرجها ورحت لبست جاكت باكبشو ونزلتو علي وشي وكله بقه عايز يعرف الرجل الغامض ده تبع مين هههههههه ومش هحكي علي الي حصل بس اخدت عين تمام غيرت بعدهم دسك واسطوانه بالنسبه للرحله الي عزبه شلبي مش هروح لوحدي هاخدكم كلكم معايا اخواتي الجدعان انا بابا متوفي واخويه معندوش صبر في الحاجات دي ملوش في انه يروح ويدور وكدا انا لما حاجه بتحصل للعربيه انا الي بروح بيها وبتعامل وبقعد مع المكانيكي وببعت اجيب فطار وشاي لالا انتوا بس لسه متعرفونيش ده انا يعتمد عليا جدا
بالنسبه للاهتمام بالعربيه انا بغير زيت شل ٣٠٠٠ و قبل ال ٣٠٠٠ ب ١٠٠ بكون مغيرا الدسك والاسطوانه عبيت الاسطوانه مره وبعد الزفه اياها غيرت دسك واسطوانه بس المتور بقه اهتم بيه اذاي
صحيح في حاجه غريبه في العربيه ساعات احسها خفيفه والدركسيون ريشه والعربيه علي ٦٠ بس طياره وساعات احسها مبتتحركشي والدركسيون ولا كاني سيقا لادا واحسها عايزه حد يديها زقه عشان تتحرك وبيبان ده في الملفات اكتر يتري من ايه

والله برافو عليكى انك بتتعاملى مع تصليح العربية انا المدام بتديلى المفتاح و تقولى صلح انت حتى لو فردة الكاوتش نامت هههههه و بالنسلة لموضوع العزبة ان شاء الله نروح كلنا جماعة بس من غير مغامرات لانى كل ما أروح العزبة مع حد من التمبراوية يحصل موقف كوميدى كدة أستر يا رب و بالنسبة انك مغيرة الاسطوانة كدة تمام ممكن تنظيف الكاربراتير حا يفوق العربية و عايزين صور العربية بتاعتك يا شباب يا تمبراوية عارفين amrseba الراجل عمل لى كليب جميل جدا للعربية بتاعتى و نزلة على اليوتيوب

**heshamzaky** · 10-07-2010 04:24 AM

أخر التحديثات أنا رجعت المساعدين بتوع اللانشيا و أشتريت جوز مساعدين مونرو جداد معاهم ضمان سنة و العربية فرقت عن الاول و الله تقريبا نفس أداء مساعدين اللانشيا الى رجعتهم بس كانو فردة واحدة و بصراحة أستخسرت لانى كنت مغير السوست الامامية لسة جداد من كام شهر فقلت كدة أحسن كلة جديد فى جديد و العربية عليت من قدام

**galilio_mad** · 10-07-2010 11:37 AM

اوبااااااا كل دى مشاركات , انا شكلى حاستقيل و افضى للمنتدى
و افتح كشك سجاير عشان هشام يشترى من عندى بيبسى ليه و للعزومات الجهنمية بتاعته

اسامة باشا / صوت الرزعة اللى بتتكلم عليها مساعدين ضاربة , ارفع جنب جنب و شوف لو فى مساعد جايب زيت

اللواء هشام بيه / الكاوتشة اللى فى الاكس بتاع الكوبلن دى تقالة عشان الاكس الطويل ما يلبش زى ما قال الدوكتور ضياء

القزاز بتاع المكيف بيبقى ملون ( ازرق خفيف ) و الغير مكيفة بيبقى ابيض شفاف

مبروك على المساعدين , جبتهم بكام ؟؟

الاخت ريم / فى حاجات كتير ممكن تسبب الخنقة اللى بتحسيها فى العربية
فلاتر , بوجيهات , كاربراتير مش نضيف , بنزين وحش , ابلاتين و كوندنسر لو العربية مش الكترونى و دى الحاجات المعتادة
اللى مش معتاد , مجموعة الدبرياج , تنفيس او انسداد الشكمان , ترسبات كربون كتير فى المانيفولد و جوه الموتور

و اللى عايز يشد , اهلا بيه و سهلا , سامع يا " h "

**ZALABANY** · 10-07-2010 11:46 AM

بالنسبه لموضوع الجري انا كمن بجري زمان والموضوع ده واكل دماغي وادي كليب للفيرنا لما كانت معايا الكلام ده في قطر مش هنا بس دلوقتي ما بقيتش مهتم اوي العمر مش بعزقه خاصة بعد ما عملتلي حادثه صغيره كده هناك برده
YouTube - ‫ظ‚ظٹط§ط¯ط© ط§ظ„ط²ظ„ط¨ط§ظ†ظٹ‬&lrm;

**ZALABANY** · 10-07-2010 02:50 PM

المشاركة الأصلية كتبت بواسطة reemnabel

يااهلا بالزميل انا مكتبات اه بس مش القاهره المنوفيه بس كانت الدكتوره امنيه صادق و د‎/‎فتحي سحلنا محاضرات في جامعه القاهره وابحاث الحمد لله عدينا منها علي خير انا مبحبش شغل المدارس اساسا بتخنق من العيال بسرعه ومبحبش الروتين بتاع السجلات وكده اساسا كان نفسي ادخل تجاره واشتغل في شركه لالا كمان مكنشي نفسي ادخل ادبي كنت عايزه علمي وادخل صيدله وكنت عايزه عربيه مكيفه 1600 ههههه
بالنسبه للكوتش اعتقد هترسي علي البرجستون او هركب نفس النوع الي فيها بس هعرض المساحه الصيني وحشه جدااا انا جربتها بس الكوتشه عايزه ساحر عشان يركبها انا كمان حاسه ان المسحه القديمه بوظت الزجاج في السواقه باليل لو حد قدامي منور الكشافات تحس الاضائه متوزعه علي الزجاج والواحد مش شايف حاجه ماشي بالبركه

ما حدش دخل المجال ده وهو عايزه كلنا دخلناه بالصدفه على فكره انا برده كنت علمي وكنت رايح احول تجاره بس نصيبي فعلا شغل مكتبات المدارس مقرف انا زوجتي برده مكتبات وبتنزل مكتبة مدرسه جنب البيت لملء الفراغ مش اكتر
دكتوره امنيه صادق من اساتذتنا المحترمين جدا وانا اتشرفت بمعرفتها ومقابلتها اكتر من مره اخرهم كان في عمان ممن حوالي 3 سنين ربنا يديها الصحة قاعده في عمان من ساعة وفاة زوجها
البريدجستون الفرده فوق ال 300 جنيه 325 غاليه جدا بالنقارنه بالكومهو والهانكوك وهما برده كويسين المساحات هاشوف ان شاء الله هشام باشا في مره وهو نازل العزبه واجيبهم استيراد

**mlav_cbr** · 10-07-2010 03:51 PM

المشاركة الأصلية كتبت بواسطة juventus

التريبلكس (تلات طبقات)الاصلي بتاع العربية 330 عند الثلاثي في شارع الطيران في مدينة نصر و هو ده انضف حاجة

الف شكرا يا باشا
كنت عايز اسأل على حاجه تمام هل يا ترى اصلاح شروخ الزجاج دة عملى ولا اى كلام وفلوس على الفاضى يا يريت لو حد عمل شرخ زجاج قبل كدة يفدنا فى الموضوع دة

**reemnabel** · 10-07-2010 05:50 PM

قولوا لي مبروك غيرت اك ٤ كوتشات وعرضتهم ماركه كوري اسمها مش فاكره هي حاجه ستون برضو عملو ١٢٨٠ اديته ١٢٠٠ بس مااخدتش الكاوتش القديم هو المفروض كنت اخده؟ وكان عايز يركب لي جنوط جديده لونها اسود في فضي كانت ب ١٣٠٠ بس قولت استنه شويه اه الكوتش اسمه برلستون مستورد عليه نقشه شجره بس الكاوتش العريض مريح العربيه

**reemnabel** · 10-07-2010 05:55 PM

حضرتك منور يااستاذ جاليليو حمد له ع السلامه العربيه هاف انجكشن

**mlav_cbr** · 10-07-2010 05:58 PM

المشاركة الأصلية كتبت بواسطة reemnabel

قولوا لي مبروك غيرت اك ٤ كوتشات وعرضتهم ماركه كوري اسمها مش فاكره هي حاجه ستون برضو عملو ١٢٨٠ اديته ١٢٠٠ بس مااخدتش الكاوتش القديم هو المفروض كنت اخده؟ وكان عايز يركب لي جنوط جديده لونها اسود في فضي كانت ب ١٣٠٠ بس قولت استنه شويه اه الكوتش اسمه برلستون مستورد عليه نقشه شجره بس الكاوتش العريض مريح العربيه

الف مبروك عقبال الجنوط بس المقاس عرض كام وخلى بالك الكاو تش لما بيكون عريض بيبوز العافشه على طول
هو خد منك كدة الاربع فرد ب 80 جنيه ودة قليل اوى لو كانو حالتهم يعنى ماشيه انما لو كانو تعبانين يبقى كويس

**caysersosaih** · 10-07-2010 06:01 PM

الف مبروك
السعر كويس وان كنت ماعرفش النوع
الكاوتش القديم الواحده بتتباع ب 20-30 جنيه
لو كان الكاوتش القديم في منه فرده حلوه كنت خديها استبن
الجنوط الرخيصة الصيني دي وحشة
لو عايزة جنوط هاتي الأصلية فيات ايطالي من عزبة شلبي