شوف هاتنزل إمتى وقلي يا باشا
عرض للطباعة
شوف هاتنزل إمتى وقلي يا باشا
ممكن على الجمعه
انا معاكو يوم الجمعة
0104311107 - موبايلات و نتفق - انا اسمى مايكل
ياشباب مين أحسن حد أجيب منه مساعدين منرو انا لقيتهم عند لهيطه في التوفيقيه بس كنت سامع ان التوكيل بتع مونرو في شارع مراد في الجيزه حد عارف اجيبهم منين أحسن سعر لاهيطه الامامي ب 600 والخلفي ب 500
فى حد جنب او را بنزينة شل الل جنب نادى السكة الحديد فى مدينة نصر
و فى موزع تانى فى اول شارع مجلس الشعب لمل تدخله من ناحية مديرية الامن
دول اللى اعرفهم :)
السلام عليكم ورحمه الله وبركاته
أود أن أستفسر عن شئ مهم بالنسبة لى ، لدى سيارة فيات تمبرا موديل 93 إيطالى وكانت لدى مشكلة كبيرة بها أن موزعات الهواء بها يدخل منها الأتربة بدرجة شديدة حتى وجدت فى العيد السابق أنه يوجد فتحة تحت صفاية الشوائب عند المساحات مفتوحة و كان باين منها air blower motor وعرفت من ساعتها ان الفتحة لازم يتركبلها فلتر علشان يمنع الأتربة من الدخول ......
بس أنا كان عندى سؤال هو ازاى وفين بيركب مكان التكييف لهذه السيارة ، لأنه ناوى ان شاء الله أركبله تكييف بس عاوز أعرف بس أزاى بيركب وفين ، وأتمنى لو حد من رواد المنتدى عنده نفس العربية ويكون مركبلها تكييف طبعا أنه يصورلى مكان التكييف عنده واهم حاجة وصلات التكييف ......
وبعدين هو فلتر التكييف بتاعها موجود ولو وجود فين وبكام علشان أنا ركبتلها سفنج زى الفلتر بالضبط وعاوز أشترى الفلتر ان شاء الله........
والله العربية دى جامدة بس محتاجة شغل على نظافة ويجب أن تكون أيدك فيها على طول علشان هى بلمس...ههههههه
انا عاوز اشترى تمبرا فى حدود 25
عاةو اعرف يجيبوا موديل سنه كام
وممكن سؤال محرج شويه هل التمبرا كلها شكل واحد
لو حد يعرف ادامو عربيه كويسه بتتباع يقولى عليها
ويبعتلى على ahsallam81@yahoo.com
25 ممكن يجيبولك تمبرا بس دي هاتبقى واقعه جدا ومتبهدله ومش بعيد تكون راشه كلها
عشان تجيب تمبرا كويسه فوق ال30 .
25 ممكن يجيبولك تمبرا بس دي هاتبقى واقعه جدا ومتبهدله ومش بعيد تكون راشه كلها
عشان تجيب تمبرا كويسه فوق ال30 .
هى فين العزبة دى يا باشا
رجاله ....
انا ان شاء الله نازل يوم الجمعه اشترى موتور 1600 عشان عربيتى
انا هاجيبه من غير فتيس
ممكن تقولولى اعرف انه 1600 ازاى؟
و بتاع تمبرا ولا لأ ازاى ؟
عشان الميكانيكى قالى ان الورق ممكن يضرب
وحاجة تانى
الموتور اللى بييجى لوحده (ده اللى من غير فتيس) - ايه الحجات اللى بتيجى فيه و معاه - ياريت تقولولى كل حاجة عشان وانا بشترى ابقى فاهم
وشكرا مقدما
العربيه التمبرا دى جامده وبتستحمل وجدعه بالذات على الطريق
انا عندى عربيه تمبرا بمواصفات خليجيه للبيع
العربيه فبريكا بيضاء 1600
تكيف تاتش-باور-مرايات وزجاج كهربا
مصفح من الاسفل-انذار وسنتر لوك وماكينة رفع زجاج
تابلوه ديجيتال -رخصه سنتين
مطلوب نهائى 38000
0123347074
البنتلالببلاتتننمن
انا يسعدنى المشاركة فى رابطة محبى التمبرا
يا جماعه انا قررت ان اشترى التمبرا و بدأت عمليه البحث بعون الله
كنت عايز بس افهم منكم موديلاتها و مواتيرها و الفروق بينهم و بلد المنشأ واحسن موديل نزل منها ورينج الاسعار برده
يعنى فى مثلا موتور 1600 كربراتير و 1400 انجكشن
هل فى تمبرا SL or SLX والفروق ما بينهم
هل قطع غيارها واحدة ولا فى موديلات قطع غيارها ناقصة فى السوق
الاوبشن
وهكذا
اكون شاكر جدا
شوف ياباشا احسن واحد يديلك معلومات دقيقه عن الموديلات جاليليو ابعتله لينك الموضوع
انا حد علمي ان العربيه حتى موديل 96 ايطالي بعد كده مصري وفي برازيلي بس ما نزلش مصر
وفي منها مواتير 1400 1600 2000 كاربيراتير وانجيكشن
وموضوع sl slx ده فروق الكماليات تابلوه عادي او ديجيتال بس بصراحه مش عارف انهي فيهم
ال S, SX, SLX دى مستويات الكماليات - SW الاستيشن - I.E الانجكشن
المواتير 1100 , 1400 , 1600 , 1800 , 2000 كامة و احدة كله 8 صباب ( فى 1.8 و 2.0 توين كام 16 صباب )
فى موتور 1600 MPI - توين كام - 8 صباب بس موتور نادر جدا جدا و كله مشاكل ( نفس موتور الريجاتا 100s )
الشائع منها : ال 1.4 و ال 1.6 ال 8 صباب كامة علوية واحدة - كاربراتير او انجكشن ( Single point injection يعنى بخاخ واحد مش 4 )
كل قطع الغيار متوفرة و من اكتر من مصدر ( ايطالى , اوروبى , تركى , صينى )
الكماليات : راجع الموضوع ده http://www.nilemotors.net/Nile/100018-a.html
السعر : حسب ما باسمع اواخر العشرينات - اوائل الثلاثينات - نص الثلاثينات ( حسب الحالة - الموديل - الكماليات )
و تحت امرك فى اى استفسار :)
أستاذ والله يا جاليليو مش عارفين نشكرك ازاي علي خدماتك..
يا جماعة في تجمع لمالكي فيات بيتعمل هو يوم الجمعة 13 نوفمبر في 6 اكتوبر
ايه الكلام
ماتيجي نتجمع احنا كمان يا تمبراوية معاهم و نتعرف علي بعض
طيب التجمع ده امتى وفين
في نهادي المهندسين في 6 اكتوبر من 2 ل3 في الحدود دي وياريت لو حد من حلوان يخدني معاة انا من 15 مايو
السلام عليكم انا قرات الموضوع من اولة لاخرة واستفدت كثيرا بس تكمل لو حد يعرف طريق تمبرا نظيفة
بشمهندس جاليليو والاخوة اعضاء الرابطة
قدامى عربيتين تمبرا
واحدة موديل 94
1600 cc كربراتير
كامله مانيوال و فبريكة برة و جوة - التابلوه العادى مش ديجيتال
عامله 250 الف كم
من كلام صاحبها مدبش فيها مسمار فى الموتور وطالب 34 الف ممكن تخلص 33
التانية موديل 91 ايطالى عدادات ديجتال 1400 cc
كامله مانيوال عامله 155 الف كم بس محتاجة طقم شمبر
على كلام صاحبها بقيه حاله العربيه ممتازة وطالب 35 وقال هيشيل الفين تمن موتور استيراد
يعنى تبقى 33
فيها كمان جنوط مرايات كهربا ازاز كهربا (3 مكنات وواحدة بايظة) فتحة سقف كهربا سنتر انذار فرش جلد
بس دة فيه ميزة انه نفس المرور اللى انا تابع ليه
انا عارف ان اسعارهم غالبيه لكن انا عايز اعرف سعرهم المعقول كام عشان لما اتفرج افصل بما يرضى الله
اكون شاكر جدااا
سؤال اخير: التمبرا ال 1400 نزل منها بعدادات ديجتال؟؟؟
كل الفئات نزل منها عادى و ديجيتال
فى الاسعار مش حاقدر افيدك , بقالى كتيييييير مش متابع الاسعار و السوق
سؤال كمان معلش ممكن يكون مش فى مكانه
طبعا احنا هنا فى محبى التمبرا لكن انا بفاضل بينها و بين الكيا شوما و قلت اكيد هنا ناس هتقول كلمه حق فى العربيتين
هنقول مثلا التمبرا 1600 مع الشوما 1500
على حسب معلوماتى الصغيرة ان التمبرا 1600 حالة كويسة وكامله مانيوال تعمل لغاية 35 الف ج
والشوما 1500 كامله مانيوال تعمل لغاية 43 الف ج
يا ترى اية رأيك لو كنت مكانى
شباب التمبرا أرجو المشاركه في الموضوع التالي بإبداء الأراء والمقترحات والمشاركة الفعاله
http://www.nilemotors.net/Nile/10778...post3872144336
لدواعي السفر معايا تمبرا 1998 للبيع (باور - تكييف - 2 زجاج كهرباء -جنزط سبور 14-كوريك تمساح- رخصة سنتين 0127699885 لاتحتاج مصاريف اللون كحلي شكلها جميل وواسعة وقويه وممتازة)
على بركة الله انا معاكم وهل من مزيد من المشاركات
انا معايا تمبرا 99 لونها فضي . حالتها كويسه و ناوي اظبتها !!!
ما شاء الله التمبراوية في زيادة
السلام عليكم
انا معايا تمبرا 97
ولسه داخل دنيا التمبراويه جديد واتمنى اكون ضمن الفريق
وتحياتى لكلا من
zalabany
و Bonanza
وgalilio_mad
وcaysersosaih
على المعلومات القيمه والاسلوب السهل فى الشرح
الف مبروك يا باشا واحنا تحت أمرك في أي استفسار
ياجماعة الخير الله يبارك فيكم كنت عايز اشتري ماتور استيراد بس مش عارف اشتري منين لو حد يعرف ياريت يقول وينصحني اعمل اية
منور الرابطه واهلا بيك معانا