الف مبروك وربنا يعطيك خيرها ويبعدك عن شرها
عرض للطباعة
و انا بقلب في بعض الصور علي النت للتمبرا لقيت الصورة دي
قربة المياه خارج منها خرطوم او سلك ... ده ايه بقي ؟؟؟
http://img401.imageshack.us/img401/4...9104998500.jpg]
هي دي يا معلم القربه أم حساس اللي شفتها في الوكاله ب 200 جنيه وكنت هاجيبها بس ما رضيوش ينزلوا في تمنها وموجوده في الوكاله بكثره على فكره بس لازم يكون في مكان للفيشه دي عشان توصل لها في العربيه وطبعا ليها مؤشر او لمبه في التابلوه
صحيح بقي
انا من كام يوم كنت بركب جوان للشكمان للمرة العاشرة مثلا... المهم كنت ببص علي الراجل بيعمل ايه من الكبوت و لمحت كاوتشة مقطوعة من علبة الدركسيون عندي
هي الكاوتشة دي اللي داخل الدائرة
http://img189.imageshack.us/img189/4...2073256909.jpg
هل دي ليها اي تأثير علي علبة الدركسيون ولا ايه ، و هل ممكن اغير الكاوتشة دي ولا ايه ؟؟
مالهاش اى علاقى بالكوبلن , دى كاوتشة علبة الدركسيون , كاوتشتين الكوبلن بعيد شوية عن دى
و فعلا بيبقى اسمها كاوتشة سوستة او اكورديون
و بتحمى البار بتاع علبة الدركسيون من التراب
و لو اتقطعت لفترة طويلة التراب و الوساخة حيبوظوا الاويل سيل الجانبى بتاع العلبة و حيجيب زيت
و بعد شوية حيتاكل و البار يخبط و يعمل صوت انيل من صوت العلبة نفسها لو بايظة من جوه
شكرا يا دكتور ضياء
انا كنت عاوز اقول انها مش كبالن بس قولت اتأكد بردو
و شكرا يا جاليليو .. بس دلوقتي انا اعمل ايه ؟؟؟ اغير الكاوتشة دي بسرعة ولا ممكن بعد شهر مثلا لاني ناوي اظبط في العفشة بعد شهر ان شاء الله
و هل ده هايأثر علي علبة الدركسيون ؟؟؟ ولا مجرد اويل سيل بيتغير وخلاص ؟؟
انت عارف غلاوة علبة الدركسيون عندنا اد ايه يا ابوحميد ولازم نحطها في عنينا
معلس يا جماعه أكيد ما كنتش قاصد اغلط بس الواحد بيشجعك انك ترد يا جاليليو
المفروض تتغير بسرعة , و الاويل سيل مش بيتغير ببس الجماعة بتوع شامبليون بيفكوا العلبة بلدى و يعملوه ( كفتة طبعا )
و لكن !!!! , انا غيرتها 3 مرات فى شهرين و كل مرة الاقيها متفرتكة لان نوعيتها زبالة
وكل مرة باجيبها نوع مختلف , و فى الاخر زهقت و ماشى بيها مقطوعة
و بما ان العلبة عندى كانت مش قوى , قلت يلا فى داهية و لما تجيب اخرها حاغيرها ( من اكتر من سنة )
و شكلى لازم افضى نفسى واعمل شوية حاجات لحسن العربية ابتدت تتهاوى :)))
السلام عليكم
ازيكم كلكم
واحد صاحبى بعتلى المعلومات دى حبيت اشاركم فيها
اتمنى تكون صحيحه ومفيده ولو فى حد عاوز يزود يبقى كتر خيره
سامحونى لو كانت فيها حاجه غلط
والمعلومات كالتالى:
عند اختيار إطار السيارة يجب مراعاة توصيات منتج السيارة وبعض العوامل التي تؤثر تأثيراً مباشرا على سلامة الإطار وعدم تعرضه للانهيار المفاجئ ومن هذه العوامل السرعة والحمل ودرجة الحرارة وضغط النفخ وظروف الاستخدام وحالة الطريق وملاءمة الإطار لطوق السارة فمثلا يميز الإطار تبعا للسرعة القصوى ويرمز لها برموز توضع على الإطار مثل سرعة 120كم/ ساعة يرمز لها l وسرعة 130كم/ ساعة يرمز لها m
الرمز a للظروف الحارة والاستوائية والعادية
الرمز b لظروف الحرارة العادية
الرمز c لظروف الحرارة المنخفضة
تاريخ الإنتاج عبارة عن أربعة أرقام : الأول والثاني من اليسار هما رقما الأسبوع
والثالث والرابع يدل على السنة فمثلاً 1503 يدل الرقم 15 على الأسبوع الخامس عشر والرقم 03 على سنة الصنع يعني 2003
منقول
صح يا باشا
راجع الرابط ده و حمل ملف الـ PDF منه
من هنا
او حمل الملف من هنا
تحميل الملف
السلام عليكم
تسلم ايدك يا سيدى على المعلومات الجميله دى
بس العالم دى بتستهبل دول بدايه السرعه عندهم 140 كيلو
يا ترى دى مصر للطيران ولا طيران الامارات
ده انا لسه ما اعرفش اخر الرابع ولا جبت الخامس حتى
يا نهار ابيض
اوعوا حد يضحك او يتريق عليا هزعل منكم ولا اقول لكم اضحكوا بس من غير تريقه
الرابع ممكن يوصل 120-130
و الخامس ممكن يدخل فى 180-190 لو كل حاجة سليمة و الطريق نضيف قوى
السلام عليكم
يا جماعه السرعات اللى بتتكلموا عليها دى اهدار للمال العام
ربنا ان شاء الله يعلمنى واقدر اهدر معاكم
لكن انا حاليا بلعب فى 60 :80
وبحاول اكسر الرقم ده بس لسه ما عرفتش وبانهج وصدرى بيقفش وبحس انى دايخ
والاقى رجلى راحت على الفرامل
اوعى حد يضحك او يتريق
عادل
على فكره انا كتبت موضوع مهم جدا ياريت كل اخوانى يدخلو يقراوه
والرابط اهه
http://www.nilemotors.net/Nile/13778...post3872509899
عادل
السلام عليكم
يا جماعه انا عاوزكم تفهموا انى مش خايف
انا ممكن اكل الاسفلت اكل بس فى مشكلتين
الاولى انى عندى عسر هضم
والثانيه انا ما بعرفش اسوق اصلا انا ماشى بكارنيه الشغل
وانا تصديقا لكلامك دايما بامشى اقل من 100 بس 100 متر مش كيلو ودايما بحب امشى على الرصيف
انا عارف ان ده تهور منى بس انا بحب السرعه واحب اخلص مشاويرى علطول
وربنا يكفيكوا شر الطريق وشر المتهورين اللى زيي
السلام عليكم
يا عم انت فين وحشتنى
على فكرة انت كدة مش بتضغط على العربيه انت كده بتضغط عليا انا
ده انا لو الحاجه والدتى عرفت انى ممكن اعدى بسرعتى عم محمد بتاع اللبن اللى بيركب الـ bmw
اللى بعجلتين دى وفيها كلكس حكايه من ادام يدوى بس حكايه
دة كان يومى مش هيبقى فايت ممكن تسحب منى مش الرخصه لا دى هتسحب العربيه كلها لا دى هتسحب روحى
وكمان دى موصيانى ما امشيش بالعربيه فقط الا فى الطوارىء يعنى مثلا اروح المشوار ولما اروح احط بنزين فى الجزمه
الحمد لله على كل حال
اوعوا حد يتريق عليا ممكن تضحكوا بس
وربنا يخليلى الحاجه ويبارك فيها ويبارك لكل واحد والدته عايشه ويخليها ليه واوعوا حد يزعل الحاجه منه
ازاى الكلام اللى انت بتقوله ده
بقه يا راجل ما رحتش غير الحرفيين و 6 اكتوبر
يا راجل ده انا لفيت بعربيتى منطقى كلها ورحت بيها للميكانيكى والكهربائى وبتاع السمكرة وبتاع الرادياتير وبتاع قطع الغيار وكمان رحت بيها الشغل اللى يعتبر بعيد جدا عن البيت انا كنت بروح مشى فى 12 دقيقه دلوقتى بروح بالعربيه فى 15 وده فارق كبير جدا
انا مش عارف هتبطلوا الاستهتار اللى انتوا فيه ده امتى
وعلى فكرة
ممكن تقولى بتركب كام عشان تروح الحرففين دى هيا و 6 اكتوبر
عشان ناوى اروح بالعربيه
بس بعد كام سنه
اوعوا حد يتريق
ممكن تضحكوا فى سركم بس
السلام عليكم
يا جماعه انا عندى مشكله ممكن حد يساعدنى
كان من يومين حصل مشكله فى الغيارات وبعدين ربنا كرمنى واتصلحت جه الميكانيكى وغيرلى حته كاوتنشه كده ضبطت الموضوع
المهم اليوم وانا رايح الشغل نفس الموضوع بدا يحصل معايا
الغيارات بدات تسيح على بعضها ومش عارف اعمل ايه
لو فى حد عدى عليه الموضوع ده قبل كده من فضلكم عاوز افهمه
عشان اعرف اسبابه واتفاداها
وكمان انا وعدت ولادى انى هخرجهم باكر الجمعه وهنروح القناطر ونا كدة مش متاكد انى هقدر اروح
اخوكم عادل
السلام عليكم
انا بقالى يومين العربيه كويسه جدا
اليوم وانا ماشى على الثانى وبنقل للثالث
الغيار مجاش مش عارف ليه مورت ورجعت للثانى وجه معايا بس لاقيت انه زى ما يكون الفتيس سايب شويه
ويعنى مثلا الاول شمال وادام حواى 15 سم لا ده بقى حوالى 25 سم مثلا
والثانى مسافه حركه الفتيس اتغيرت برضه
وده يديك احساس ان الغيارات اتلخبطت على بعضها
المرة الاولانيه لما حصل الموضوع ده قالولى ان فى كاوتشه بتبقى تحت الموتور بالضبط مكانها تحت علبه الزيت بتاعه الباور
فى منتصف العربيه ودى اتقطعت او خرجت من مكانها مش عارف بالضبط ايه اللى حصل
ارجو المساعده
كده يا باشا غالبا انت لازم تروح لميكانيكي ممكن تكون الكاوتشه دي وقعت تاني او في حاجه مش مظبوطه في الفتيس نفسه عامة انت روح لميكانيكي يكشفلك على الموضوع ده بس يكون محترم بدل ما يشتغلك ويفكلك الفتيس كله ويكون الموضوع مش مستاهل وانتظر رد باقي الأعضاء وابعت لجاليليو ممكن يفيدك في القصه دي
السلام عليكم
ان شاء الله ربنا يسترها
وانا هنتظر الاستاذ جاليليو يرد عليا يمكن يكون عنده افاده
وجزاك الله خيرا
أيوه ويبقى حظك حلو لو المهندس سمير عياد رد عليك
السلام عليكم
متشكرين يا جماعه لكل من شارك
انا طلعت على الميكانيكى
وطلع فى صاموله 13 بتفك والمفرض يكون تحتها ورده بسوسته عشان ما تفكش وهوة ربطها والدنيا ماشيه كويس والحمد لله
وجزاكم الله خيرا
مبروك يا ريس
السلام عليكم
الله يبارك فيك يا اسامه بيه
وربنا ما يحرمنى منكم كلكم