السلام عليكم
والله الحمد لله العربيه تمام والتكييف تمام
لكن فى حاجه اخدت بالى منها مش عارف دى مهمه ولا لا
الشكمان فيه اثر كده زى ما يكون مازوت من الداخل حاجه بسيطه بس تقدر تشوفها
يا ترى ايه ده وهل ده مؤشر لحاجه مش كويسه
عرض للطباعة
السلام عليكم
والله الحمد لله العربيه تمام والتكييف تمام
لكن فى حاجه اخدت بالى منها مش عارف دى مهمه ولا لا
الشكمان فيه اثر كده زى ما يكون مازوت من الداخل حاجه بسيطه بس تقدر تشوفها
يا ترى ايه ده وهل ده مؤشر لحاجه مش كويسه
ازيك يا عزيزى الفاضل مختفى فين الى ابت بتسأل حاجة خطر جدا ولازم العربية تسافر الى لندن لعمل الفحوصات اللازمة متتخضش السفر على حسابى والملوخية كمان من عندى دخلت عليك بزمتك ما اتخصتش هييييييييييية عملتها فيك الكلام الجد الاستاذ عادل زميل عزيز عليا وانا بحب انكشة فقط الكلام بقى شوف يا سيدى الى انت شفتة دة باقى العادم من كربون وباقى بخر الزيت لو العربية ما بتطلعش دخان ابيض لا تقلق لو الدخان اسود و ريحة العادم بنزين دة اسمة البنزين طالع نى يعنى محتاج ضبط الكاربراتير وكهرباء لو معندكش اى حاجة غير الاسود فى ماسورة الشكمان عادى ولو يا سيدى لقيت فية مية بتنقط من ماسورة الشكمان صباحا يبقى الموتور 100 100 والله اكبر
يا شباب اللى عايز يشتري شماسة المنتدى بلوجو فيات يدخل على الموضوع ده
شماسات بلوجو المنتدى لوجو وفيااااااااات -(((أخر معاد يوم ٣٠\٦)))-
الشماسة هتبقى ب 30 جنية وشكلها روعه ومُفيدة جدا فى الصيف اللى دخل
السلام عليكم
ازيك يا هشام باشا
والله حرام عليك انت وقعت قلبى عموما الله يطمئن قلبك رغم انى كنت احب انى اروح لنضن بالضاد عشان انا سامع ان العيال الصغيرة عندهم بتتكلم لغات لبلب مش عارف ازاى
بص يا سيدى انا اول ما بشغل العربيه بلاقى مافيش حاجه طالعه من الشكمان خالص وكان العربيه مش شغاله
لو قرصت شويه بتبتدى العربيه تطلع ميه من الشكمان
وانا بصراحه ما بحبش الموضوع ده لان العيال الصغيره بتفضل تستحما فى البركه اللى العربيه بتعملها لحد اما بيجيلهم بلهارسيا وانا بزعل اوى على العيال دى
عشان كده انا بفكر اسد الشكمان او اعمله وصله صرف على اى بلاعه قريبه من الجراش
بس انا فعلا احيانا بيطلع دخان غامق لكن قليلا ما يحدث ذلك يعنى انا من شهرين شفت الموضوع ده مرتين فقط
وجزاك الله عنا خيرا
أزيك يا باشا واحشنى ومشتاقين يا باشا لقفشاتك الجميلةأولا الله أكبر ماتقولش لحسن تتحسد ان العربية بتعرق مية من الشكمان خمسة وخميسة فى عيون الحسود الله أكبر يعنى انت مش عاوز المية دى طب العيال تستحمى وتنضف أزاى ؟؟؟؟؟؟؟؟؟؟؟ وولا تفلق من الدخان الاسود الى شفتة مرة واحدة وعلى فكرة ممكن فى الصباح فى الشتاء اول لما تدور العربية تلاقى دخان أبيض شوية برضة لا تقلق اول لما العربية تسخن شوية حتلاقية أختفى وكأنة لبس طاقية الاخقاء بتاعت عقركوش ابن برتكوش وسلامى للجميع والاولاد:C_laugh[1]:
انا من اول ما طلعت و انا معجب بيها من ايام ما كان معانا 32 بس انا ليا سؤال لملاك العربية دي هي احسن و لا الدوجان ؟
أهلا وسهلا بك أحب أقول لك ان انا كمان معجب بالعربية دى من أول لما نزلت وسبق وقلت ان العربية دى كانت ب 85000 جنية وفريبى اشتراها بالنسبة لمقارنة مع الدوجان مع احترامى للشاهين والدوجان شكل العربية زى الصندوق ولو كنت جالس فى الكنبة الخلفية رجلك وركبك ستكون فى ظهر الكرسى الامامى ولكن ميكانيكيا وقطع غيار الدوجان جيدة بس الرفاهية والنعومة فى السحب لصالح التمبرا و صوت الموتور انعم وأقوى
ظهور دخان او رائحة من العادم ...دلائل حسب لون الدخان من المنتدى اعمل بحت او ادخل مباشرة من اهم موضوعات القسم التعليمى
عادل باشا ادخل من المنتدى على القسم التعليمى يلاقى موضوع العادم
انا معايا تمبرا موديل 1997 و عندي التكييف بيسرب فريون و لما كشفت عليها عند واحد بتاع تكييف اكتشفنا ان التسريب ده من الكويل اللي ورا التابلوه و هو بيقولي اغيرهولك ب 1000 جنيه ده غير المصنعية مع العلم انه لو عمله هيفك التابلوه كله طبعا لكن انا شايف ان ده مبلغ كبير
عاوزكم تقولولي ممكن اسأل على الكويل ده فين و هل ده فعلا سعره
بص يا باشا مبدئيا لازم تروح لحد ثقة وفي واحد في العمرانية ممتاز احنا بنتعامل معاه خليه يكشف وشوف المشكلة فين ولو طلع الكويل ده ممكن تجيبه استيراد ان شاء الله مش هايوصل ل 1000 دي خالص خلي بالك بتوع التكييف النصب عندهم كتير انا اتنصب عليا عند صنايعي ولبست في مبالغ محترمه لحد ما رحت الورشه دي
أزيك يا باشا الحوار الى بتتكلم عنة دة حصل معايا بس السؤال الاول و الاهم كيف تأكد الصنايعى ان التسريب فى الكابينة الامامية لو هو عمل الى بقولك علية اولا يبقى الكلام صح لازن يفك الصواميل الى راكبة على خراطيم التكيف الى لازقة فى صدر العربية من ورا الموتور و بعدين يكبس الدائرة الخلفية لوحدها الى ركب فيها الكويل او الثلاجة الى ورا التابلوة و يكبس الجزء الامامى لوحدة و دة الى ناحية الموتور الجزء الامامى يعنى الخراطيم و السربنتينة و الكمبريسور و يبص على بلف الخرطوم الى لوحدة حتلاقية اغلب الظن مستخبى تحت قاعدة البطارية معلش انا بطول عليك بس عاوز اوضحلك الدايرة كلها علشان الصنايعى ما يشتغلكش اذا تم التأكد ان التسريب من الثلاجة دى موجودة فى عزبة شلبى و على التجربة وانا اشتريتها و عملت كل الموضوع بتاعك دة الثلاجة فى حدود 300 جنية والمصنعية ممكن بالكتير قوى قوى حياخد 250 جنية و الشحن 120 جنية و على المنتدى انا رافع صور للتكيف و ملحقاتة فى مواضيع التمبرا حتلاقيها
الف شكر يا جماعة على اهتمامكم بيا
بالنسبة للكشف على موضوع التكييف فعلا الراجل كبس كل حاجة لوحدها و الكويل ده كبسه لوحده و فعلا انا متأكد ان العيب منه لان باقي الحاجات كلها كويسة ماعدا خرطوم عاوز يتغير
لو ممكن حد يديني رقم او عنوان لحد يكون عنه الكويل ده استيراد اكون متشكر جدا و اسف لاني طولت عليكو
معلش يا ياشا اخر نصيحة خلى بالك يوجد موديلين من الثلاجة فى تكيف التمبرا انا اعى تماما ما اقول فية شكلين و مش اى واحدة تركب الى فى الشاسية البلاستك المخصص لها
تمام كده ياباشا متشكر اوي
بص يا باشا لو الثلاجة عندك بالشكل دة صعب تلاقيها بس ممكن تشترى المحموعة كاملة اغلى شوية بس انت الكسبان بس اعتقد ان الثلاجة دى مش ال حتلاقيها عندك و سأرفع لك صورhttp://i49.tinypic.com/2z90f2q.jpgة الثلاجة الاخرى بعد دى
أغلب الظن حتلاقيها زى اللى فى الصورة دى http://i49.tinypic.com/akdbgw.jpg
أستاذ يا هشام باشا
العفو يا باشا على اية ومشكور جدا بس كتر الحزن يعلم البكا زى ما بيقولو و انا بصراحة خلقى بيبقى ضيق شوية لو الصنايعى الى شغال غبى و بيفتى اقولك على حاجة و الله العظيم انا الموبيل بتاعى الذاكرة بتاعتة الاجمالى 24 جيجا عاملة ورشة لما بروص لصنايعى و يفتى بطلع الموبيل و اقولة انظر الشكل و اعمل دة معلش طولت عليك
الصراحه الواحد لازم يعمل كده
انا بافكر في المشكلة واقري عنها واستشير ذوي الخبرة والصنايعي اسمع رأيه بس انا اللي امشي اللي في دماغي وهو ينفذ عشان هو احسن مني في الفك والتركيب في حاجات بواقع الخبرة وكمان انا ماعنديش وقت ولا مكان اعمل في الحاجات اللي انا عاوزها
كان زمان براحتي افك واركب واعدل
دلوقتي لأ
.
السلام عليكم
ماشى يا عم هشام
لو قرات الموضوع كنت هتعرف انى قلت ان العيال كانوا معايا يعنى ما اقدرش الف راسى ولا ابص غير على الاسفلت
وكمان انت علرف انى بنظارة يعنى اخرى 5 متر والحمد لله
وربنا يجعلنى واياك من المتقين
انا عارف طبعا انك قاصدك انى ممكن اكون ببص على العيال اللى كانت بتلعب كورة على جنب دول لا لا لا انا كنت باصص على الطريق ودماغك ما تروحش لبعيد يا شقى
مع السلامة يا تمبراويه والله احسن رجاله تعاون وشهامه ..... انا بعت عربيتى التمبرا 1600 سى سى من يومين موديل 1990 واشتريت اكسنت كورى خليجى موديل 1999 ، 1500 سى سى حدور دلوقتى على رابطة محبى الاكسنت القديم:stink[1]:
ياباشا و لا يهمك و ربنا يبارك لك في عربيتك الجديدة و يكفيك شرها
السلام عليكم
ازيك يا هشام باشا واحشنى
انا عارف انا بتاخر عليك كثير لكن اكيد انت الكبير(عجوز يعنى) فاستحمل اخوك الصغير
المهم طبعا الراجل ربنا يبارك له ويزيده من فضلة ونتمنى ما يبخلش علينا بلاى معلومه بما انه كان تمبراوى
واحنا برضه لا زلنا بنعتبره تمبراوى غصب عنه
يا اخى الواح\د لما يقعد يومين ما يدخلش بيجيله حاجه كده زى حساسيه ما تروحش الا لما ينكشك مش عارف ايه الموضوع ده
ما تعرفلوش علاج
ياجماعة انا فيه حاجة غيظاني اوي في العربية مفيش اي حاجة تنبهني لو في باب من اللي ورا مفتوح ولا لمبة الصالون ولا حتى في التابلوه هل عندكم نفس الموضوع و هل ليه علاج لان ساعات بيركب معايا اطفال و مبكونش عارف الباب مقفول ولا لأ مع العلم ان موديل العربية 1997
ملحوظة اوعى الكهربائى التخلف يقولك اصل مفيش مفاتيح نور فى البابين الى ورا و يحاول يخرم فى الصاج و يركبلك زرارين اوعى تعمل كدة
معلش ممكن توضحلي اكتر معنى كووبي كهربة من البابين اللي قدام
معلش كيبتها غلط كوبرى كهرباء بسلكة انا مركب انذار لل اربع ابواب و الشنطة لو اى حاجة اتفتحت نور الصالون بينور
بص علشان ارحك بالبلدى الراجل و هو بيركب الانذار عمل توصيلة بسلك كهرباء من البابين الامامين الى البابين الخلفين و الشنطة ومشى السلوك تحت عتب الموكيت مش باينين خالص بالنسنة لطريقة تقسيم الكهرباء ازاى مش حا اقدر افيدك بس الكهربائى عملها بمنتهى السهولة
الف شكر ياباشا و ان شاء الله هظبط مع الكهربائي بتاعي الموضوع ده
و على فكرة لو عندك جهاز انذار ولف ممكن يوصل الانذار بمكن الزجاج الكهرباء لما يكون الزجاج مفتوح و تقفل العربية بريموت الانذار الزجاج يترفع لوحدة من غير و اكرر من غير تركيب وحدات رفع