رابطة مالكي وعشاق التمبرا (الجزء الأول)

**heshamzaky** · 13-08-2010 03:07 AM

المشاركة الأصلية كتبت بواسطة mikology

واتممنا الصفحه ال 400 يا اتش وانت اللى قصيت الشريط بتاعها ههههههههههههههههههههههه

ميكو الصفحة ال 400 و المشاركة دى رقم 4000 بصرة يا معلم ههههههههههه

**zago** · 13-08-2010 04:05 AM

السلام عليكم
شكلكم مطحونين في الصيام والحر ده
ازيكم يا رجاله؟ ازيك يا استاذ هشام؟
المنتدى ليه واحشه والله بقى عامل كأنه ادمان
بس ظروف البهدله الجديده ( الشغل يعني ) بتخليني ارجع البيت وانااااااااام واصحى تاني يوم اعيد المأساه ههههههههه
مايكل بيه التيل الريمسا معايا صفر كام مره كده وهو بيطبع وبعدين خلاص بقى كويس
بس انا بعد ما ركبته مشيت حوالي 1000 كيلو في 3 ايام (منهم مشوار لأسماعيليه ) فطبعا طبع معايا على طول
يمكن يكون معاك عايز وقت لسه

**zago** · 13-08-2010 04:16 AM

المشاركة الأصلية كتبت بواسطة adelco

الف مبروك يا زاجو على الشغل وربنا يوفقك ان شاء الله
وتبقى كبير حلوانيه وشيف احسن من الشيف حسن

الله يبارك فيك ياباشا
بس انا مش شغال حلواني ولا شيف ههههههههه
انا بكالريوس تجاره جامعه القاهره (الجامعه الأم والباقي نص كم )

بس مش شغال عندهم محاسب لأن معندهمش حسابات اصلا هههههه
شغال بتاع 15 شغلانه جوه المحل ...بتاع كله يعني
باخد الأوردرات واتاكد انها اتعملت وان بتوع التوصيل اخدوها في معادها وكده يعني
يعني بياع تقريبا

بصراحه انا مشفتش في حياتي كميه بني أدمين بيشترو حلويات كده
كأن الحاجات ببلاش
زحمه زحمه زحمه زحمه
مع ان اسعارهم مولعه
كيلو بلح الشام ب 36 جنيه ((حد عايز ؟؟)

ياريت الواحد كان شيف والله ههههههههه
بس انا كل علاقتي بالمطبخ اني أكل
واعرف اعمل بطاطس محمره

**heshamzaky** · 13-08-2010 04:37 AM

ازيك يا زاجو و الله وحشتنى و مبروك يا باشا على العمل و عادى يا باشا فى بداية اللحياة انك تشتغل اى حاجة دة لا يقلل من قدرك الشغل مش عيب و طمنا عليك اول بأول

**zago** · 13-08-2010 04:50 AM

المشاركة الأصلية كتبت بواسطة heshamzaky

ازيك يا زاجو و الله وحشتنى و مبروك يا باشا على العمل و عادى يا باشا فى بداية اللحياة انك تشتغل اى حاجة دة لا يقلل من قدرك الشغل مش عيب و طمنا عليك اول بأول

الله يبارك فيك
عارف والله انه لازم الواحد يتخبط شويه في الاول
انا ممكن احكيلك اللي بيحصل من 2 ثانوي حتستغرب ههههههههههه
نصيبك يصيبك

بس واحد طفس زيي يشتغل في محل اكل في رمضان ده يبقى تعذيب بجد هههههههههههه

**zago** · 13-08-2010 05:00 AM

المهم...
واحد صاحبي جاب لمبتين ابيض ثلجي للعربيه بتاعته وجابلي اتنين زيهم (( عشان نبقى ننور في وش بعض ))
وصورتهم اهي ..

جيت اركبهم معرفتش بسبب الكاوتشه اللي راكبه ورا الفانوس والدنيا كانت مضلمه ومعرفتش اطلع المبه اللي راكبه منها
بس جربت اللمبتين في عربيه صاحبي وحسيت ان اللي راكبين عندي اعلى منهم
هما مكتوب عليهم 260/200 واللي راكبين معرفش كام
ايه النظام؟؟اركبهم ولا بلاش؟ واللمبه اللي راكبه بتتفك ازاي؟؟

**heshamzaky** · 13-08-2010 05:25 AM

بص يا زاجو فك الفيشة و شد الطاقية الكاوتش بالراحة حا تلاقى سلك زى السوستة راكب فى مشابية كدة حركة لتحت و الجنب حا يفك و غير اللمبة و ارجع ركب السلك على اللمض الجديدة و ركب الطاقية الكاوتش و الفيشة و نور يا باشا براحنك و اللمبة ليها عدلة ما تقلقش مش حا تبات فى مكانها الا بالوضع الصحيح بس بالراحة لحسن تكسرها و امسك اللمبة من المعدن مش من الزجاج و الصورة كمان اهية

**heshamzaky** · 13-08-2010 05:30 AM

على فكرة اللمض دى 90/100 وات بس بص كويس كدة مكتوب اية البياعين بيستهبلو و يقولك دى 260 وات يا باشا بس دة مش مظبوط الاضاءة بتاعتهم كويسة و شكلها حلو مش وحش أنا مركبهم عندى و الصورة دى للأضاءة فى عز الضلمة

**heshamzaky** · 13-08-2010 12:27 PM

صباح الفل يا جاليليو عامل اية يا باشا بص يا سيدى امبارح قعدت ارغى شوية كدة انا و ميكو و عايزين نعمل مقابلة بس نتفق على المكان و الزمان اية النظام يا باشمهدش اقترح كدة و كل الاخوة يقترحو برضو