رابطة مالكي وعشاق التمبرا (الجزء الأول)

**adelco** · 13-08-2010 06:23 PM

المشاركة الأصلية كتبت بواسطة tamerelbasry

صباح الفل ياجماعة وكل سنة وانتم طيبين
الحمد لله خلصت ترخيص العربية وكمان عملت السرفيس بتعها يعنى غيرت السيور والفلاتر كلها والعربية بقت تمام بس باقى مشكلة واحدة
انا كان عندى كل ما اشغل التكييف فى العربية الحرارة تعلى اربع شرط فوق التسعين وقالولى ان المروحة ممكن تكون مابتشتغلش السرعة التانية وبعدين رحت للكهربائى علشان يشوف المروحة وبعد ماكشف على المروحة قال ان التوصيلات مضبوطة ولكن المروحة ضعيفة ولازم تتغير لوانت عايز تشغل التكييف وقالى ان اجيب مروحة تمبرا 1600 تكييف من الكبيرة لانه فى حجمين اوانه ممكن يجبهالى استيراد ب300جنية ارجوكم افيدونى لانى خايف تكون دى اشتغاله من بتاعة الصنايعية

الف مبروك بس فى حاجه ممكن تجربها
خلى كهربائى يقيس لك الجزء اللى بيشغل السرعه الثانيه فى المروحه شغال ولا لا تقريبا كده هى مقاومه
ممكن تكون المروحه بتشتغل سرعه واحده بس بسبب الجزء ده
وكمان يا ريت ترفع صورة المروحه عشان خبراء التمبرا يردوا عليك هى دى الاصليه ولا لا

**heshamzaky** · 13-08-2010 06:45 PM

ازيك يا عدولة عامل اية يا باشا و الله لو كنت عارف انك منور المنتدى مكنتش نمت هههههههههههه معلش كنت فى مشوار وع ميكو ونازل افطر عند الوالد و الدنيا صيام و المخ بيسيح من الشمس و كلة تمام يا باشا

**heshamzaky** · 13-08-2010 06:49 PM

تيفا مش عهارف اقولك اية صورة التوقيع دى يا جماعة بيفا هو الى عملها بالوتو شوب مش انا انا معرفش اعمل حاجات حلوة كدة تسلم ايديك يا باشا و رمضان كريم

**heshamzaky** · 13-08-2010 06:53 PM

[quote=tamerelbasry;3872939662متشكر قوى يا باشا وكل سنة وانت طيب
بس اجيبها من عند مين والعنوان بالظبط[/quote]
من عزبة شلبى او الوكالة حسب ما انت ساكن بص معظم شباب التمبرا دلوقتى تقريبا كلنا بنجيب من عند محلين او 3 محلات جوة العزبة محل انا اعرفة الاول و محل اخر دكتور ضياء هو الى يعرفة الاول و دلوقتى احنا فى العزبة أشهر من نار على علم حا ابعت لك تيليفون الراجل لو عايز

**zago** · 13-08-2010 08:20 PM

المشاركة الأصلية كتبت بواسطة heshamzaky

زاجو طريقة تغير اللمبة بالصور صورتهم النهاردة الصبح حظك انا كنت مغير فانوس أمامى و عندى لمبة ههههههههههه علشان كدة صورت العملية لك الصور أهية

الله ينور عليك
بجد مش عارف من غيرك كنت عملت ايه

انا لسه راجع دلوقتي فطرت وفتحت النت هوا
مش بقولك المنتدى بقى ادمان

حريح شويه كده وانزل اركبهم وابقى اقولك على الاخبار

وجهزلتلك اللي بالي بالك واول فرصه اعرف اجيلك حكلمك قبليها عشان اتاكد ان حضرتك موجود في البيت

**zago** · 13-08-2010 08:22 PM

المشاركة الأصلية كتبت بواسطة mlav_cbr

الازاز ادش يا رجاله نزلت الصبح اطلع بالعربيه لاقيت الازاز واخد كدة توبه من فوق المساحات على طول وطالع اربع شروخ متفرقين كأنها شجرة يا ترى الازاز دة يتصلح كمبيوتر ولا يتغير ايه رأيكم يا رجاله ؟

لو ساكن في الهرم تروح تغيره من عند واحد في الطالبيه تحت كوبري الطالبيه ب 315 جنيه بالظبط
لو ساكن في المعادي او في الحرافيين تغيره من عند الثلاثي ب 300 جنيه
موضوع يتصلح كمبيوتر ده انا معرفوش بصراحه

**zago** · 13-08-2010 08:29 PM

المشاركة الأصلية كتبت بواسطة adelco

السلام عب\ليكم
ازيك يا زاجو
الشغل مش عيب فى اى مجال
المهم انك تفيد وتستفيد وتتعلم حاجه تنفعك فى حياتك
واعتقد من خلال الفترة اللى دخلت معانا فيها انك راجل وتتحمل المسئوليه
بس اللى انت فيه ده انا ما استحملوش ابدا دا عذاب يابنى يعنى الحلويات رايحه جايه قدامك ليل نهار ايه الجبروت ده
ربنا معاك يا زجو وابقى افتكرنا ولو بلقمه القاضى او ام على اى حاجه منك حلوة وعلى فكرة هاجيب معايا هشام هو دايما اللى بيدفع

وعليكم السلام ورحمه الله وبركاته
الحمد لله تمام
بص حكايه الشغل مش عيب دي متهمنيش الا لو رايح اشتغل رقاصه ههههههههههه

قفا اخف من قفا
ههههههههههههههههههه
بس انا اللي مضايقني اني كنت عايز اشتغل في محل كشري
او كباب وكفته

بس النصيب بقى نقول ايه
عموما يعني انشاء الله دي شغلانه مؤقته لحاد ما الاقي حاجه احسن
لو مش كده يبقى حكمل شغل مع والدي
متخفش عليا يعني ربنا كبير

كمان هات استاذ هشام وتعالى وانا تحت امرك بس حديلك رقم وتقف في الطابور مع العملاء

اول مره في حياتي اشوف محل حلواني بالدور

حاجه تفرس

وانا اللي كنت فاكر نفسي مقطع السمكه وديلها

**zago** · 13-08-2010 09:06 PM

المشاركة الأصلية كتبت بواسطة heshamzaky

تيفا مش عهارف اقولك اية صورة التوقيع دى يا جماعة بيفا هو الى عملها بالوتو شوب مش انا انا معرفش اعمل حاجات حلوة كدة تسلم ايديك يا باشا و رمضان كريم

ممممممممممممم
عايز رأيي في التوقيع بصراحه ولا اجاملك؟؟

**eng_tefa** · 13-08-2010 10:29 PM

المشاركة الأصلية كتبت بواسطة heshamzaky

ازيك يا عدولة عامل اية يا باشا و الله لو كنت عارف انك منور المنتدى مكنتش نمت هههههههههههه معلش كنت فى مشوار وع ميكو ونازل افطر عند الوالد و الدنيا صيام و المخ بيسيح من الشمس و كلة تمام يا باشا

ياباشا عيب عليك والله دى اقل حاجه ممكن اعملها لعميد التمبرا
وبعدين والله انا ضعبف دا شغل مبتدئين ... دنا مش هاجى 1/1000 من ميكو مثلا ف الديزين