رابطة مالكي وعشاق التمبرا (الجزء الأول)

**ZALABANY** · 04-09-2009 02:02 PM

المشاركة الأصلية كتبت بواسطة galilio_mad

لسه واحد صاحبى مخلص القصة دى ( لانسر 98 كربراتير )
عربيته بتجيب 160 عادى , اللى حصل انها بقت ما بتعديش ال 120 و احيانا ال 100 و تقعد تهيس
و لو قارص على نص النقلة كده العربيه تكركر و تزمجر و تنتش و تعمل كل الالعاب
كل ده زائد استهلاك البنزين الزياده و انعدام الاداء مع التكييف

الحل , مشط يابانى محترم و شوية تظبيط فى الاسبراتير و فك و تنظيف الكربراتير

جاليليو باشا
تقصد ايه بمشط ياباني
يعني اشتري مشط ياباني جديد ولا استيراد وهل ده بتاع التمبرا ولا بتاع حاجه تانيه

**osha966** · 10-09-2009 03:17 AM

انا جبت مساعدين بتوع الفاروميو من عند الكيلانى ب 700 جنيه لكنهم مش عاجبنى وواضح انهم مضروبين حسبى الله ونعم الوكيل

**osha966** · 10-09-2009 03:23 AM

بيقولو فيه مساعدين المانى ب 500mile

**caysersosaih** · 10-09-2009 03:29 AM

انا جبت مايلي الماني جوز امامي ب 430 زي الفل بقالهم 9 شهور

**mezo73** · 11-09-2009 01:17 AM

انا كنت جايب دلفي بولندي امامي من حوالي 3 سنين زيت
زي الفل حتي الان كانو ب حوالي 400 جم

**mikology** · 15-09-2009 03:24 AM

انا مش فاهم هو ايه المشط ده - عشان المشكله دى ابتدت تظهر عندى - العربيه بتاكل بنزين - و كل ما اجى اركنها لحد الصبح و اجى ادور تبقى مزمجره و متسحبش لحد ما تسخن او الكربراتير ينضف بقا الله اعلم - بس تمشى بالشكل ده مسافه 20 كيلو مثلا - او اقعد اسخن و ازود و اقرص على الموتور و هى موره عشان تسلك و تبدتى تسحب و تجرى عادى- المشكله دى مكنتش موجوده خالص
سؤال يا جماعه - انا قدامى حوار كده انى اقلب العربيه انجيكشن - الموضوع ده مجزى و لا لأ - السبب فى الحوار ده انى التكييف مش لاقيله العلايه بتاعته و الكربراتير بياكل بنزين - و قبل كده ظبطته وبردو رجع زفت تانى - فعاوز اريح دماغى - فقولت اقلبها انجيكشن و منها البنزين استهلاكه يقل و التكييف كده كده هايشتغل عادى من غير ولا علايات و لا بتنجان
اي رايكم؟؟

**ZALABANY** · 15-09-2009 10:36 AM

والله لو ينفع يبقى زي الفل متابع باهتمام
بس انا اسمع ان التمبرا الانجيكشن ما بتفرقش كتير عن الكاربيراتير في استهلاك البنزين لأنها حاجه اسمه one node injection
يعني رشاش واحد مش 4 رشاشات زي العربيات الجديده وممكن تعمل ده كله وتبص تلاقي قطع غيار مش موجوده برده في منظومة الانجيكشن
على فكره العلايه بتاعة الكاربيراتير الجفرنر زي ما بيقولوا عليه ممكن تدور عليه استيراد ومش شرط تجيب ال 2 ماسوره ممكن تجيب اللي فيه ماسورة واحده بس وتشغلها على التكييف بس السخان الاوتوماتيكي مش هايشتغل
وربنا معاك

**mikology** · 15-09-2009 11:31 AM

ممكن تفهمنى ازاى حكايه الاتنين ماسوره دى
انا لما فكيتها عند الميكانيكى لاقيت ليها 2 ماسوره فى الجنب وواحده تالته من تحت
انت تقصد 2 ماسوة اللى هى دى ؟
ولو ينفع قولى ازاى بالظبط عشان انا لقيت اللى هى فتحتين مش 3 زى اللى عندى و مارضتش اخدها

**ZALABANY** · 15-09-2009 01:31 PM

بص يا باشا ال 2 ماسورة دي اللي هي راكبه عندك وعندي دي اللي بتنزل في العربيه التمبرا المكيفة ماسوره عشان السخان الصبح ودي وظيفتها بتعلي الموتور لحد ما العربية تسخن والماسورة التانية دي اللي بتعلي الموتور مع التكييف
بعد ما لفيت كتير ومالقيتش ال 2 ماسورة دي لا جديده ولا استيراد لقيت اللي بماسورة واحده بتاعة التمبرا اللي مش مكيفة استيراد ولما وديتها لبتاع التكييف قالي تركب بس السخان مش هايشتغل وابقى سخن بالشفاط قلتله اوكيه راح مركبها وشغاله حتى الآن
بس خلي بالك وانت بتاخد الجفرنر اشفط هوا من الماسورة لو الدراع اللي بيرفع الكاربيراتير اتحرك يبقى سليم
لو شفط هوا والدراع ما اتحركش يبقى بايظ وشوف غيره وربنا يكرمك على فكره انا اخدتها استيراد من الراجل ب 100 جنيه على التجربه

**mikology** · 24-09-2009 09:08 PM

انا ناوى انزل العزبه اليومين اللى جايين اجيب كاربراتير كامل - وتابلوه الديجيتال عشان مؤشر البنزين مش بيقرا كويس - وبالمره حبه حجات - فنشوف لو حد عاوز يجيب حاجة نجمع بعض و ننزل نشترى من مكان واحد (لوكشه واحده ) هايبقى اوفر و احسن وناخد رأى بعض و نستفاد من خبرات بعضنا
ها ايه رأيكم ؟