رابطة مالكي وعشاق التمبرا (الجزء الأول)

**kdosoki** · 07-07-2010 12:31 PM

المشاركة الأصلية كتبت بواسطة heshamzaky

صباح الفل يا اسامة ههههه انا النهاردة اجازة و نازل عندى مشوار و ان شاء الله الركب المساعدين و ارجع لكم تانى

مستنيين التقرير بتاع التركيب يا مان

**heshamzaky** · 07-07-2010 12:34 PM

المشاركة الأصلية كتبت بواسطة kdosoki

مستنيين التقرير بتاع التركيب يا مان

الميكانيكى لسة ما جاش صباح الفل يا باشا

**heshamzaky** · 07-07-2010 12:57 PM

اسمة و زلبانى انا بصراحة اول مرة اسمع عن لمض هالوجين للعربية انا اعرف اللمض الهالوجين بتاعت البيت بتبقى راكبة فى الاسبوتو ليها ترانس عموما اسامة انت قولت مركبهم على المنتدى شوفت زميل منزل صور للاضاءة الهالوجين هى بتدى نور ابيض و لا نور اصفر

**galilio_mad** · 07-07-2010 01:54 PM

المشاركة الأصلية كتبت بواسطة heshamzaky

اشتريت جوز مساعدين بالسوست بتوع لانشيا 2000 سى سى السوست اتخن من سوست التمبرا و اعتقد انهم 5 لفة التمبرا 4 لفة دة عدد لفات الياى بتاع السوستة يعنى طبعا التركيب مش النهاردة

مبروك عليك , بس اهم حاجة تكون اتأكدت ان العمود مش مسلخ او مخربش او عليه اثار زى لسعة النار
و يا ترى جبتهم بكام ؟ و ايه اللى اكدلك انهم بتوع اللانسيا ال 2.0 ؟؟؟

و استنى حأتأكدلك من موضوع اللفات ده.

**heshamzaky** · 07-07-2010 02:04 PM

المشاركة الأصلية كتبت بواسطة galilio_mad

مبروك عليك , بس اهم حاجة تكون اتأكدت ان العمود مش مسلخ او مخربش او عليه اثار زى لسعة النار
و يا ترى جبتهم بكام ؟ و ايه اللى اكدلك انهم بتوع اللانسيا ال 2.0 ؟؟؟

و استنى حأتأكدلك من موضوع اللفات ده.

بص يا جاليليو انا فى البيت عندى سوست التمبرا الاصلية مش قلت لك انى غيرتهم قبل كدة مسكت السوتة دى و دى الفرق واضح فى السماكة بين الاثنين و بعدين عديت عدد اللفات بتاعت دة و دة و انا فى المحل عند فاروق و كمان عملت دبل تشيك فى البيت و هو من زمان كان قال لى على موضوع المساعدين بتوع ال تمبرا ال 2000 سى سى دة و المساعدين ذات نفسهم اعرض من بتوع التمبرا الى راكبين عندى و الشكل الظاهرى تمام بس طبعا عليهم شحم ووساخة لكن العمود الداخلى شكلة فلة و دى بعض الصور

**heshamzaky** · 07-07-2010 02:08 PM

المشكلة دلوقتى الولد الصبى الى عند الميكانيكى مش عارف يفك الجزء الى فية الطنبورة المسامير جامدة جدا و فوزى بالمناسة انا بجد بثق فية مش حا يشتغلنى ابدا ان مستبعد دة تماما و السعر لو قولتة لك و لو انى لسة ما ادتوش باقى الحساب انا كان ليا عندة 100 جنية و اخذت المساعدين امبارح و هو لة فى ذمتى 180 جنية يعنى الاجمالى تمن المساعدين بالسوست التجينة بالبطاحات 280 جنية اية رأيك

**Bonanza** · 07-07-2010 02:20 PM

المشاركة الأصلية كتبت بواسطة heshamzaky

بصو يا جماعة انا مركب لمض بتدى نور ابيض مش زينون بس قوية جدا ة الاضاءة بتاعتها حلوة اللمبة لونها ازرق و الاضاءة بتاعتها لونها ابيض فية منها 100 وات و دول سعرهم عادى و فية 130 و 160 وات

اسمها ايه اللمبة دي يا معلم ؟؟؟ و ياريت سعرها بالمرة لاني بفكر اجربها

عندي محل اكسسوارات جنبي بيقولي عنده لمبة h4 ابيض بقوة 200 / 260 باين كده و بـ 23 جنيه بس

هاجربها النهاردة ان شاء الله

**Bonanza** · 07-07-2010 02:23 PM

المشاركة الأصلية كتبت بواسطة heshamzaky

المشكلة دلوقتى الولد الصبى الى عند الميكانيكى مش عارف يفك الجزء الى فية الطنبورة المسامير جامدة جدا و فوزى بالمناسة انا بجد بثق فية مش حا يشتغلنى ابدا ان مستبعد دة تماما و السعر لو قولتة لك و لو انى لسة ما ادتوش باقى الحساب انا كان ليا عندة 100 جنية و اخذت المساعدين امبارح و هو لة فى ذمتى 180 جنية يعنى الاجمالى تمن المساعدين بالسوست التجينة بالبطاحات 280 جنية اية رأيك

رش عليها wd40 يا هشام و سيبها شوية و بعدين جربوا تاني

و سعرها حلو ماشاء الله

**heshamzaky** · 07-07-2010 02:25 PM

المشاركة الأصلية كتبت بواسطة bonanza

اسمها ايه اللمبة دي يا معلم ؟؟؟ و ياريت سعرها بالمرة لاني بفكر اجربها

عندي محل اكسسوارات جنبي بيقولي عنده لمبة h4 ابيض بقوة 200 / 260 باين كده و بـ 23 جنيه بس

هاجربها النهاردة ان شاء الله

استنى حا اجيب واحدة من العربية و اصورها لك فى العلبة دى صينى انا مرة جبت الصينى و مرة الالمانى بس مش 200 وات الكلام دة صعب و حمل جامد استنى شوية كدة و اقولك

**hany121** · 07-07-2010 02:35 PM

يا جماعه انا امبارح دبست استاذ هشام معايا في مشوار العزبه وكنت حاسس بالذنب لان الراجل راح معايا بعد الشغل علي طول وما روحش غير الساعه 10 .. انا اسف يا هشام باشا ومتشكر جدا علي زوقك وانا كان ليا الشرف اني اتعرف بيك امبارح..

انا اشتريت 4 جنوط حديد من عند فاروق والعربيه عندي لما كنت بركنها نص ساعه بعد مشوار طويل واجي ادورها تاني المرش بيفضل شغال والعربيه ما بتدورش غير بعد وقت طويل. انا كنت شاكك ان الموبينه تكون بتقطع لما تسخن مع انها طول ما العربيه دايره وماشيه ما بحسش بمشكله غير ان ال rpm بيوطي علي السلانسيه اوقات واوقات مش عارف ده عيب كهرباء ولا بيك السلانسيه..

فاروق كان تفسيره ان ده عيب مشط الاليكتروني لما بيسخن بيخرف ..عموما انااشتريت موبينه من عند فاروق وركبتها هناك وخليت القديمه في العربيه احتياطي بس لسه ماجاتش فرصه اشوف عيب التاخير انتهي ولا لأ..

جاليليو باشا يا ريت تقولي رايك الفني في الكلام ده..

الموضوع: رابطة مالكي وعشاق التمبرا (الجزء الأول)

LinkBack

أدوات الموضوع

عرض

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

الكلمات الدلالية لهذا الموضوع

المفضلات

المفضلات

ضوابط المشاركة